တၢ်ကလုၢ်တဖၣ်: https://www.sbs.com.au/language/karen/kar/collection/podcast/0ms9u5vjn
ကိတိာ်လၢ အန့ၢ်ဘၣ်လီၢ်လး လီၢ်ဆ့ၣ်နီၤဖဲ ဘျီၣ်ဒိၣ်လီၢ်ဆ့ၣ်နီၤတၢ်မဲာ်ညါကျိၤဖးထီသ့ၣ်တဖၣ်န့ၣ်အိၣ်ဝဲဒ်အလီၢ်လီၢ်အသိး... လၢအပၣ်ဃုာ် Richard Marles, လၢအမ့ၢ်ဝဲဒၣ် တၢ်ဒီသဒၢဝဲၤကျိၤခိၣ်ဒီး ကိတိာ်ခိၣ်ကျၢၢ် —၂, ဒီး Jim Chalmers န့ၣ်မ့ၢ်ဝဲ ပှၤပၢၤစ့ ဒီး Penny Wong န့ၣ်မ့ၢ်ဝဲ ထံရုၤကီၢ်ဂၤကိတိာ်န့ၣ်လီၤ.
ခီဖျိလၢ Bill Shorten အိၣ်ဘှံးကွံာ်လၢ ဘျီၣ်ဒိၣ်တၢ်ဖံးတၢ်မၤအဃိ, တၢ်ဟံးမူဒါလၢ National Disability Insurance Scheme (NDIS) တၢ်ရဲၣ်တၢ်ကျဲၤအဂီၢ်န့ၣ် တၢ်ကနီၤဖးလီၤမူဒါ လၢ Mark Butler ဒီး Jenny McAllister ကဘၣ်ဟံးအီၤန့ၣ်လီၤ.
မ့မ့ၢ်လၢ Murray Watt တခီ ဘၣ်တၢ်သုးထီၣ်အလီၢ်အလၤ လၢအကဲထီၣ်ဝဲဒၣ် ခိၣ်ဃၢၤန့ဆၢၣ်ဂ့ၢ်ဝီဝဲၤကျိၤ ကိတိာ်န့ၣ်လီၤ.
မ့မ့ၢ် Anne Aly န့ၣ် ဘၣ်တၢ်သုးထီထီၣ်အမူဒါလီၢ်လၤ ဒ်သိး ထံဂုၤကီၢ်ဂၤတၢ်ဂုၤထီၣ်ပသီထီၣ်, ပနံးတၢ်ဖံးတၢ်မၤဆံးဆံးဖိ,ဒီး ကလုာ်ဒူၣ်ဆဲးလၤအါကလုာ်ဂ့ၢ်ဝီ အကိတိာ်တဂၤန့ၣ်လီၤ.
ကိတိာ်ခံဂၤ လၢအဟံးတ့ၢ်မူဒါဖဲ Albanese ကဲကိတိာ်ခိၣ်ကျၢၢ်တၢတဘျီအခါ ဘၣ်တၢ်သုးဖုၣ်လီၤကွံာ်အလီၢ်အလၤ လၢအဘၣ်က့ၤအိၣ်က့ၤဆူ တၢ်လီၢ်ခံဘျီၣ်ဒိၣ်လီၢ်ဆ့ၣ်နီၤဖးထီအပူၤ — အဝဲသ့ၣ်န့ၣ်မ့ၢ်ဝဲဒၣ် Mark Dreyfus, လၢအမ့ၢ်တ့ၢ်စံၣ်ညီၣ်ကွီၣ်ခိၣ်ကျၢၢ်, ဒီး Ed Husic, လၢအဟံးတ့ၢ်မူဒါတၢ်ဖံးတၢ်မၤဖဲ စဲအ့ၣ်ဒီး တၢ်ဖံးတၢ်မၤလီၢ် ဝဲၤကျိၤန့ၣ်လီၤ.
တၢ်ဆဲးကျိးဆဲးကျၢ ကိတိာ်လီၢ်လံၤ Michelle Rowland န့ၣ် အကကဲထီၣ်ဝဲဒၣ် စံၣ်ညီၣ်ကွီၣ်ခိၣ်ကျၢၢ် ဒီး Tim Ayres န့ၣ် ကဟံးထီၣ်က့ၤဝဲဒၣ် Husic အမူအဒါလီၢ်လၤ လၢအပူၤကွံာ်န့ၣ်လီၤ.
