လီမ့ၣ်အူဂံၢ်အပှ့ၤကဒိၣ်ထီၣ်ဖဲအီစထြ့လယါကီၢ်ကနုာ်လီၤဆူတၢ်ဂိၢ်ခါ

လီမ့ၣ်အူဂံၢ်သ့ၣ်တဖၣ်အပှ့ၤကဒိၣ်ထီၣ်အံၤဘၣ်ဝဲဒၣ်ဖဲအီစထြ့လယါကီၢ်ကနုာ်လီၤဆူတၢ်ဂိၢ်ခါအဃိ ပှၤအီစထြ့လယါဖိဟံၣ်ဒူၣ်ဃီဒူၣ်ဒီး ပနံာ်တၢ်ဖံးတၢ်မၤသ့ၣ်တဖၣ် ကဘၣ်သဂၢၢ်ဒီး တၢ်ကီတၢ်ခဲ လၢအမ့ၢ်တၢ်ဂိၢ်ခါလၢအပှ့ၤဒိၣ်န့ၣ်လီၤ.

စးထီၣ်လါယူၤလံ ၁သီ လီမ့ၣ်အူဂံၢ်ပှ့ၤကဒိၣ်ထီၣ်

စးထီၣ်ဖဲလါယူၤလံ ၁သီန့ၣ် ပှၤလၢအအိၣ်ဖဲ ခွံစလဲ မုၢ်ထီၣ်ကလံၤထံးသ့ၣ်တဖၣ် ကဘၣ်သဂၢၢ်ဒီး လီမ့ၣ်အူဂံၢ် အပှ့ၤဒိၣ်ထီၣ် ၂ဝ မျးကယၤန့ၣ်လီၤ.

မ့မ့ၢ်ပှၤအိၣ်ဆိးဖဲခွံစလဲကီၢ်စဲၣ်ဟီၣ်ကဝီၤတနီၤနီၤန့ၣ် ကဘၣ်သဂၢၢ်ဒီး လီမ့ၣ်အူဂံၢ်အပှ့ၤဒိၣ်ထီၣ်ဘူးထီၣ်လၢ ၂၉မျးကယၤန့ၣ်လီၤ.

ဖဲအီစထြ့လယါကလံၤထံး South Australia တကပၤန့ၣ် လီမ့ၣ်အူဂံၢ်အပှ့ၤကဒိၣ်ထီၣ် ၂၂ မျးကယၤဃၣ်ဃၣ်, ဒီး ဖဲ New South Wales ကီၢ်စဲၣ်န့ၣ် လီမ့ၣ်အူဂံၢ်အပှ့ၤကဒိၣ်ထီၣ် အါန့ၢ် ၂၃မျးကယၤန့ၣ်လီၤ.

မ့မ့ၢ်ဖဲ Victoria န့ၣ် လီမ့ၣ်အူဂံၢ်အပှ့ၤကဒိၣ်ထီၣ်တုၤလၢ ၃၁မျးကယၤန့ၣ်လီၤ.