ကညီတဝၢလၢအမၤတၢ်ဟ့ၣ်ထီၣ်တၢ်ယူးယီၣ်ပာ်ကဲ တၢ်ကလိးထီၣ်က့ၤမိၢ်ပၢ်ဖံဖု အမူး အကျါန့ၣ် ပၣ်ဃုာ်စ့ၢ်ကီးဒီး ကညီတဝၢ လၢအအိၣ်ဆိးဖဲ န့လ် ဝ့ၢ်ဖိ, လၢအအိၣ်လိၤဖဲ ဝံးထိရံယါကီၢ်စဲၣ်မုၢ်နုာ်တကပၤ ဒ်အမ့ၢ် “တၢ်မၤလၤကပီၤပှၤသးပှၢ်အမူး”တခါန့ၣ်လီၤ.
လါအ့ဖြ့ၣ် လၢအဘၣ်တၢ်ကိးစ့ၢ်ကီးအီၤလၢ တါလါ တလါအံၤန့ၣ် ကညီဖိလၢအလူၤပိာ်ထွဲဒီးဖီၣ်ဂၢၢ်ကျၢၤဃာ် မိၢ်လုၢ်ပၢ်လၢ် အတၢ်ဆဲးတၢ်လၤသ့ၣ်တဖၣ် ဟ့ၣ်ထီၣ်တၢ်ယူးယီၣ်ပာ်ကဲဒီး ကလိးထီၣ်က့ၤ မိၢ်ပၢ်ဖံဖုသူၣ်က့သးပှၢ်သ့ၣ်တဖၣ် အဆၢကတီၢ်န့ၣ်လီၤ.
တၢ်ကလိးထီၣ်က့ၤမိၢ်ပၢ်ဖံဖု အဆၢကတီၢ်အံၤ ကညီဖိလၢအဟဲတုၤအိၣ်ဆိးဖဲ အီစထြ့လယါကီၢ်ပူၤတနီၤ ဖီၣ်ဂၢၢ်ဃာ်ဒ်ဝဲဒၣ်အီၤအဃိ ကညီတဝၢသ့ၣ်တဖၣ် မၤဝဲ တၢ်ကလိးထီၣ်က့ၤမိၢ်ပၢ်ဖံဖုအမူး ဒ်အမ့ၢ်တၢ်အီၣ်ဘူၣ်အတါ တခါအသိးန့ၣ်လီၤ.
ကညီတဝၢလၢအမၤတၢ်ဟ့ၣ်ထီၣ်တၢ်ယူးယီၣ်ပာ်ကဲ တၢ်ကလိးထီၣ်က့ၤမိၢ်ပၢ်ဖံဖု အမူး အကျါန့ၣ် ပၣ်ဃုာ်စ့ၢ်ကီးဒီး ကညီတဝၢ လၢအအိၣ်ဆိးဖဲ န့လ် ဝ့ၢ်ဖိ, လၢအအိၣ်လိၤဖဲ ဝံးထိရံယါကီၢ်စဲၣ်မုၢ်နုာ်တကပၤ ဒ်အမ့ၢ် “တၢ်မၤလၤကပီၤပှၤသးပှၢ်အမူး”တခါန့ၣ်လီၤ.
အပူၤကွံာ် အနံၣ် ၁ဝဘျဲၣ်အခါန့ၣ် န့လ်ဝ့ၢ်ဖိအံၤ မ့ၢ်တ့ၢ်ဝဲ အီစထြ့လယါဝ့ၢ်ဖိတဖျၢၣ်လၢ တၢ်ကဘၣ်ပာ်လီၤတဲာ်တ့ၢ်ကွံာ်အီၤ ခီဖျိလၢမုၣ်ကျိၤဝဲၤကွာ်တၢ်အိၣ်သးသ့ၣ်တဖၣ် ဟးဂီၤအဃိန့ၣ်လီၤ.
နာ်သက့ ခီဖျိလၢ ကညီဖိသ့ၣ်တဖၣ် လဲၤလီၤဃုဖံးဃုမၤတၢ် ဒီး လဲၤသုးလီၢ်အိၣ်ဆိးကဒါက့ၤဖဲဝ့ၢ်ဖိအံၤအပူၤအဃိ ဝ့ၢ်ဖိအံၤမူထီၣ်ဂဲၤထီၣ်က့ၤ ဒီး မုၣ်ကျိၤဝဲၤကွာ် တၢ်ဖံးတၢ်မၤသ့ၣ်တဖၣ် ဂုၤထီၣ်ပသီထီၣ်ဝဲန့ၣ်လီၤ.
ဖဲလါအ့ဖြ့ၣ် ၈သီ မုၢ်ဃုနံၤအံၤန့ၣ် န့လ် ကညီတဝၢ ကမၤဝဲဒၣ် တၢ်ကလိးထီၣ်က့ၤ မိၢ်ပၢ်ဖံဖုအမူး အဃိ အတၢ်ရဲၣ်တၢ်ကျဲၤသ့ၣ်တဖၣ် အိၣ်ဒ်လဲၣ်, ဘၣ်မနုၤ ဘၣ်ကလိးထီၣ်က့မိၢ်ပၢ်ဖံဖုသူၣ်က့သးပှၢ်သ့ၣ်တဖၣ်လဲၣ်ဒီး ခဲကနံၣ်အံၤ ကညီတဝၢဖဲ န့လ် ဝ့ၢ်ဖိအပူၤအံၤ အတၢ်အိၣ်သးသ့ၣ်တဖၣ် လဲၤထီၣ်လဲၤထီလံဝဲဒၣ်ထဲလဲၣ်န့ၣ် ပကပာ်ဖျါထီၣ်အီၤ ဒ်လၢလာ်အသိးအဃိ နဒိကနၣ်အီၤသ့ဝဲဒၣ်လံန့ၣ်လီၤ.
