ဖဲလါဖ့ၤဘြူၤအါရံၤအတီၢ်ပူၤန့ၣ်, Federal Parliament passed ကီၢ်စၢဖှိၣ်ဘျီၣ်ဒိၣ် တူၢ်လိာ်ပာ်လီၤဝဲဒၣ် တၢ်မၤကမၣ်သဲစးတၢ်ဘျၢ အတၢ်ဘျၢတခါ လၢအမ့ၢ် Criminal Code Amendment (Hate Crimes) Bill န့ၣ်လီၤ. တၢ်ဘျၢသီအံၤမ့ၢ်တၢ်ဆီတလဲမၤဂ့ၤထီၣ်က့ၤ တၢ်သူၣ်ဟ့သး တၢ်မၤကမၣ်သဲစးတၢ်ဘျၢလၢအအိၣ်ပာ်စၢၤ လၢအမ့ၢ်ဝဲဒၣ်, Criminal Code Act of 1995 န့ၣ်လီၤ.
တၢ်ဘျၢအသီအံၤ ဘၣ်တၢ်စးထီၣ်ဆှၢနုာ်လီၤအီၤဆူ ဘျီၣ်ဒိၣ်အပူၤ ဖဲအပူၤကွံာ်တနံၣ်အခါ, ဒီးပှၤလၢအဆှၢနုာ်တၢ်အံၤန့ၣ်မ့ၢ်ဝဲဒၣ် ကီၢ်စၢဖှိၣ်လ့ၢ်ဘၢၢ်ဘျီၣ်ဒိၣ်ကရၢဖိ ဒီး စံၣ်ညီၣ်ကွီၣ်ခိၣ်ကျၢၢ်လီၢ်လံၤ Mark Dreyfus န့ၣ်လီၤ.
အဝဲစံးဝဲဒၣ် တၢ်ဒီသဒၢအသီသ့ၣ်တဖၣ်အံၤ ကဆီၣ်ထွဲမၤစၢၤဝဲဒၣ် ပၢၤကီၢ်ပှၤဘၣ်မူဘၣ်ဒါသ့ၣ်တဖၣ် လၢအကအိၣ်ဒီးအကံၢ်အစီလၢ ကနုာ်လီၤကျဲၤဃူတၢ်လၢအဆိအချ့ ဒ်သိးကဒီသဒၢ တၢ်ဟူးတၢ်ဂဲၤဒ်သိးတၢ်မၤဆူၣ်မၤဆီးသ့ၣ်တဖၣ်န့ၣ်လီၤ.
တၢ်ဘျၢသီသ့ၣ်တဖၣ်အံၤ ကပျဲဝဲဒၣ် ပပၢၤကီၢ်ဝဲၤကျိၤသ့ၣ်တဖၣ်လၢကပတုာ်, ဃိထံသ့ၣ်ညါဒီး ဒီသဒၢ ထီဒါဝဲဒၣ် တၢ်ဘၣ်ဒိ လၢအကကဲထီၣ်ခီဖျိ ပှၤလၢအအိၣ်ဒီးတၢ်သူၣ်ဟ့သးဟ့, အိၣ်ဒီးတၢ်ထံၣ်တခီတၢၤ မ့တမ့ၢ် အဲၣ်ဒိးမၤတၢ်စုဆူၣ်ခီၣ်တကးသ့ၣ်တဖၣ်န့ၣ်လီၤ.
ဘၣ်ဆၣ်သနာ်က့ ပှၤသ့ပှၤဘၣ်စဲၤနီၣ်တနီၤစံးဝဲဒၣ် လၢကဆီၣ်ထွဲမၤစၢၤပှၤတဝၢလၢတၢ်ပာ်တၢ်ပညိၣ်လၢအလိၤသ့တဖၣ်အဂီၢ် တၢ်လိၣ်ဘၣ်လၢ တၢ်ကဘၣ်မၤအါထီၣ်အီၤသ့ၣ်တဖၣ်အိၣ်ဒ်ဝဲဒၣ်န့ၣ်လီၤ.
လါယူၤ ၁၈သီအနံၤန့ၣ်မ့ၢ်ဝဲဒၣ် International Day for Countering Hate Speech—ဟီၣ်ခိၣ်ဘီမုၢ်မုၢ်နံၤလၢတၢ်ခီဆၢတၢ်သးဟ့အတၢ်စံးတၢ်ကတိၤ, ဒီးပသံကွၢ်ဝဲဒၣ် အီစထြ့လယါကီၢ် တၢ်သးဟ့အတၢ်စံးတၢ်ကတိၤ တၢ်ဘျၢသီသ့ၣ်တဖၣ်အတၢ်ပညိၣ်န့ၣ် အကွၢ်ဆၢၣ်မဲာ်ဒီး ပပှၤကရၢကရိ အတၢ်ဘၣ်ဒိဘၣ်ထံးဒ်လဲၣ်ဒီး တၢ်လၢပမၤအီၤန့ၢ်ဒံးသ့ၣ်တဖၣ်န့ၣ်မ့ၢ်မနုၤလဲၣ် အဂ့ၢ်န့ၣ်လီၤ.
