ပှၤဟီၣ်ခိၣ်ဖိခွဲးယာ်ကရူၢ်သ့ၣ်တဖၣ်ပဲၤအၢကီၢ်ပယီၤသုး လၢအတၢ်မၤသံထံရူၢ်ကီၢ်သဲးပှၤဃိးဖိ ၄ဂၤ

ပှၤဂဲၤလိာ်လၢပှၤဟီၣ်ခိၣ်ဖိခွဲးယာ်ဂ့ၢ်ဝီကရူၢ်သ့ၣ်တဖၣ် ပဲၤအၢဝဲဒၣ် ကီၢ်ပယီၤသုး လၢအမၤသံဝဲဒၣ် ထံရူၢ်ကီၢ်သဲးပှၤဃိးဖိ ၄ဂၤ လၢအပၣ်ဃုာ်ဒီး အူဖၠိစ့ၣ်ယၣ်သီၣ် လၢအမ့ၢ် အဲန်အဲလ်ဒံၣ်ပၣ်တံၣ် သဲးစးကရၢဖိလီၢ်လံၤန့ၣ်လီၤ။

Phyo Zeya Thaw, a 41-year-old former lawmaker from ousted leader Aung San Suu Kyis party was executed at the weekend. Source: AP

ဖဲကီၢ်ပယီၤအပူၤ တၢ်သူတၢ်စံၣ်ညီၣ်သံဒ်သိးအံၤန့ၣ် နံၣ်ဆံဖှိၣ်အါမးအတီၢ်ပူၤ မ့ၢ်တၢ်သူအီၤအဆိကတၢၢ်တဘျီန့ၣ်လီၤ။

အူဖၠိစ့ၣ်ယၣ်သီၣ် ဘၣ်တၢ်မၤသံဝဲဒၣ်အီၤဖဲနွံကတၢၢ်အခါ ဒီး ဘၣ်တၢ်မၤသံအီၤတပူၤဃီဒီး ကီၢ်ပယီၤပှၤဂဲၤလိာ်လၢဒံၣ်မိၣ်ခြ့ၣ်စံၣ်ဂ့ၢ်ဝီဒီး ကၠိဖိစၢၤသွဲၣ်ခိၣ်နၢ် အူကၠီၤမ့ယူၣ် လၢအဘၣ်တၢ်သ့ၣ်ညါအီၤအါလၢ ကိၣ်ကၠ့ၣ်မံၣ် န့ၣ်လီၤ။

ဖဲလါယနူၤအါရံၤ တၢ်မၤတၢ်ကးတံာ်တြဲာ်တၢ်ကျဲၤဘၢကျဲၤကွီၢ်အခါ အဝဲသ့ၣ်ခံဂၤလၢၤန့ၣ် တၢ်ဆၢတဲာ်လၢ အဘၣ်လီၤတၢ်ကမၣ်တုၤတၢ်သံ မ့ၢ်လၢအမၤပူထီၣ်လီထီၣ်တၢ်ဒီး မၤတၢ်စုဆူၣ်ခီၣ်တကးအဃိန့ၣ်လီၤ။

ထံရူၢ်ကီၢ်သဲးပှၤဃိးဖိအဂၤခံဂၤလၢ တၢ်မၤသံဃုာ်ဒီး အူဖၠိစ့ၣ်ယၣ်သီၣ်ဒီး ကိၣ်ကၠ့ၣ်မံၣ် န့ၣ် ပယီၤသုး ပာ်ဒ့ၣ်ပာ်ကမၣ်ဒီးလိာ်ကွီၣ်အဝဲသ့ၣ်လၢအမၤသံတ့ၢ်ဝဲဒၣ် ပိာ်မုၣ်လၢအမ့ၢ်ပှၤဟ့ၣ်တၢ်ကစီၣ်ဆူပယီၤသုးအအိၣ်တဂၤန့ၣ်လီၤ။