ပှၤဟီၣ်ခိၣ်ဖိခွဲးယာ်ကရူၢ်သ့ၣ်တဖၣ်ပဲၤအၢကီၢ်ပယီၤသုး လၢအတၢ်မၤသံထံရူၢ်ကီၢ်သဲးပှၤဃိးဖိ ၄ဂၤ

ဖဲကီၢ်ပယီၤအပူၤ တၢ်သူတၢ်စံၣ်ညီၣ်သံဒ်သိးအံၤန့ၣ် နံၣ်ဆံဖှိၣ်အါမးအတီၢ်ပူၤ မ့ၢ်တၢ်သူအီၤအဆိကတၢၢ်တဘျီန့ၣ်လီၤ။

အူဖၠိစ့ၣ်ယၣ်သီၣ် ဘၣ်တၢ်မၤသံဝဲဒၣ်အီၤဖဲနွံကတၢၢ်အခါ ဒီး ဘၣ်တၢ်မၤသံအီၤတပူၤဃီဒီး ကီၢ်ပယီၤပှၤဂဲၤလိာ်လၢဒံၣ်မိၣ်ခြ့ၣ်စံၣ်ဂ့ၢ်ဝီဒီး ကၠိဖိစၢၤသွဲၣ်ခိၣ်နၢ် အူကၠီၤမ့ယူၣ် လၢအဘၣ်တၢ်သ့ၣ်ညါအီၤအါလၢ ကိၣ်ကၠ့ၣ်မံၣ် န့ၣ်လီၤ။

ဖဲလါယနူၤအါရံၤ တၢ်မၤတၢ်ကးတံာ်တြဲာ်တၢ်ကျဲၤဘၢကျဲၤကွီၢ်အခါ အဝဲသ့ၣ်ခံဂၤလၢၤန့ၣ် တၢ်ဆၢတဲာ်လၢ အဘၣ်လီၤတၢ်ကမၣ်တုၤတၢ်သံ မ့ၢ်လၢအမၤပူထီၣ်လီထီၣ်တၢ်ဒီး မၤတၢ်စုဆူၣ်ခီၣ်တကးအဃိန့ၣ်လီၤ။

ထံရူၢ်ကီၢ်သဲးပှၤဃိးဖိအဂၤခံဂၤလၢ တၢ်မၤသံဃုာ်ဒီး အူဖၠိစ့ၣ်ယၣ်သီၣ်ဒီး ကိၣ်ကၠ့ၣ်မံၣ် န့ၣ် ပယီၤသုး ပာ်ဒ့ၣ်ပာ်ကမၣ်ဒီးလိာ်ကွီၣ်အဝဲသ့ၣ်လၢအမၤသံတ့ၢ်ဝဲဒၣ် ပိာ်မုၣ်လၢအမ့ၢ်ပှၤဟ့ၣ်တၢ်ကစီၣ်ဆူပယီၤသုးအအိၣ်တဂၤန့ၣ်လီၤ။