ကိးနံၣ်ဒဲးလါမးရှး ၈သီအနံၤန့ၣ် မ့ၢ်ဝဲ ဟီၣ်ခိၣ်ဒီဘ့ၣ်ပိာ်မုၣ်သ့ၣ်တဖၣ်အမုၢ်နံၤ International Women’s Day န့ၣ်လီၤ. တနံၣ်အံၤတၢ်မၤလၤကပီၤဟီၣ်ခိၣ်ဒီဘ့ၣ်ပိာ်မုၣ်မုၢ်နံၤအခိၣ်တီန့ၣ်မ့ၢ်ဝဲ #EmbraceEquity န့ၣ်လီၤ. တၢ်လၢဟီၣ်ခိၣ်ဒီဘ့ၣ်ပိာ်မုၣ်မုၢ်နံၤန့ၣ်မ့ၢ်ဝဲ တၢ်သ့ၣ်နီၣ်မၤလၤကပီၤပိာ်မုၣ်လၢ အဟူးဂဲၤပၣ်ဃုာ်မၤသကိးတၢ်ဖဲ ပှၤဂ့ၢ်ဝီ, မုၢ်ကျိၤဝဲၤကွၤ, လုၢ်လၢ်ဆဲးလၤဒီး ထံရူၢ်ကီၢ်သဲး အပူၤ အတၢ်မၤဝံၤ မၤတုၤထီၣ်ထီၣ်ဘး သ့ၣ်တဖၣ် ဒီး မ့ၢ်မုၢ်တနံၤလၢ တၢ်ကိးအီၤဒ်အမ့ၢ် မုၢ်နံၤလၢတၢ်ဃ့ထီၣ် တၢ်ထဲသိးတုၤသိးလၢပိာ်မုၣ်သ့ၣ်တဖၣ်အဂီၢ်န့ၣ်လီၤ.
တၢ်မၤလၤကပီၤဟီၣ်ခိၣ်ဒီဘ့ၣ်ပိာ်မုၣ်မုၢ်နံၤ တနံၣ်စုာ်စုာ်န့ၣ် တၢ်ပာ်လီၤဝဲဒၣ်ဒီးတၢ်ဟူးတၢ်ဂဲၤအခိၣ်တီ လၢတၢ်ဟူးတၢ်ဂဲၤဘၣ်ဃး မုၣ်ခွါတၢ်ထဲသိးတုၤသိး လၢတၢ်ဖံးတၢ်မၤသနၢၣ်တခါစုာ်စုာ် အမဲာ်ညါ တၢ်ဟ့ၣ်လီၤစ့ၢ်ကီး ခိၣ်ဖးတၢ်လၤကပီၤဆူပိာ်မုၣ်လၢအဟ့ၣ်လီၤမၤတၢ်လၢ ပှၤတဝၢတၢ်ဒိၣ်ထီၣ်ထီထီၣ်အဂီၢ်သ့ၣ်တဖၣ်, ပိာ်မုၣ်လၢအဖျိးစိ လၢကူၣ်သ့, ဆူၣ်ချ့, မုၢ်ကျိၤဝဲၤကွၤ အသနၢၣ်စုာ်စုာ်သ့ၣ်တဖၣ် ဒ်အမ့ၢ်တၢ်ပာ်ပနီၣ်အဝဲသ့ၣ်တၢ်ကျဲးစၢး တၢ်ဟ့ၣ်လီၤသးဒီး ဖျိးစိလၢအဝဲသ့ၣ်တၢ်ဖံးတၢ်မၤအပူၤအဃိန့ၣ်လီၤ.
တၢ်ဟ့ၣ်လၤကပီၤခိၣ်ဖးအပတီၢ်သ့ၣ်တဖၣ်အိၣ်ဝဲဒၣ် အကလုာ်ကလုာ် စးထီၣ်လၢ လီၢ်ကဝီၤတုၤလၢ ထံကီၢ်ဒီး ထံဂုၤကီၢ်ဂၤအပတီၢ်န့ၣ်လီၤ. ဖဲတနံၣ်အံၤ ဟီၣ်ခိၣ်ဒီဘ့ၣ်ပိာ်မုၣ်မုၢ်နံၤ ၂ဝ၂၃နံၣ် အံၤ ပှၤလၢအဒိးန့ၢ်ဘၣ် လီၢ်ကဝီၤ တၢ်ဟ့ၣ်လၤကပီၤအပတီၢ်သ့ၣ်တဖၣ်အကျါန့ၣ် ပၣ်ဃုာ်စ့ၢ်ကီးဒီး သရၣ်မုၣ်စ့ထူအဲၣ်မိရိၤ, န့ၣ်လီၤ.
Share
