သရၣ်မုၣ် Dr Jennie Barrera မ့ၢ်ဝဲ Wyndham ဝ့ၢ်ကီၣ်ကးကရၢအ Deputy Mayor တဂၤဒီး မ့ၢ်စ့ၢ်ကီးဝဲဒၣ် Wyndham Community & Education Centre- WCEC, ဝ့မ်ဒၢၢ်ပှၤတဝၢဒီးတၢ်ကူၣ်ဘၣ်ကူၣ်သ့ဝဲၤလီၢ် အခိၣ်ဒိၣ် (CEO) တဂၤန့ၣ်လီၤ.
Wyndham ဝ့ၢ်ကီၣ်ကးကရၢဟီၣ်ကဝီၤလၢအအိၣ်ဖဲမဲလ်ဘၢဝ့ၢ်မုၢ်နုာ်တကပၤ မ့ၢ်ဝဲတၢ်တလီၢ်တခါလၢ ကညီဘၣ်ကီဘၣ်ခဲသ့ၣ်တဖၣ် ဟဲတုၤအိၣ်ဆိးနီၣ်ဂံၢ်အါတကတၢၢ် တၢ်လီၢ်တခါန့ၣ်လီၤ.
သရၣ်မုၣ် Jennie Barrera မ့ၢ် လီၢ်ကဝီၤ ခိၣ်နၢ်တဂၤ လၢအမၤသကိးတၢ်ဒီး ကလုာ်ဒူၣ်ဆဲးလၤအါကလုာ်အပှၤတဝၢ ဒီး ထီဘိန့ၣ်ဆီၣ်ထွဲမၤစၢၤဝဲဒၣ် ကညီတဝၢတၢ်ဟူးတၢ်ဂဲၤသ့ၣ်တဖၣ်န့ၣ်လီၤ.
ဒ်ဝ့မ်ဒၢၢ်ပှၤဝတၢဒီး တၢ်ကူၣ်ဘၣ်ကူၣ်သ့ဝဲၤလီၢ်မ့ၢ်ဝဲၤကျိၤတခါလၢ အဆီၣ်ထွဲမၤစၢၤပှၤဘၣ်ကီဘၣ်ခဲဒီး ပှၤသုးလီၢ်အိၣ်ဆိးသ့ၣ်တဖၣ်အသိး ပှၤဘၣ်မူဘၣ်ဒါလၢအထူအထံးဟဲန့ၢ်လၢကီၢ်ပယီၤ ပၣ်ဃုာ်ဒီး ကညီ, ကရ့ၣ်နံၣ်ဒီး ခၠီကလုာ်သ့ၣ်တဖၣ် မၤသကိးတၢ်ဖဲ ဝဲၤကျိၤအံၤအပူၤအိၣ်ဝဲဒၣ်စ့ၢ်ကီးန့ၣ်လီၤ.
အဃိ ဖဲအပူၤကွံာ်တယံၤဒ်ဘၣ်န့ၣ် SBS ကညီကျိာ်တၢ်ရဲၣ်တၢ်ကျဲၤ ထံၣ်လိာ်သံကွၢ်ဝဲဒၣ် သရၣ်မုၣ် Jennie Barrera လၢအဘၣ်ဃးအတၢ်မၤသကိးတၢ်ဒီးကညီတဝၢဒီး အီစထြ့လယါကီၢ် တၢ်တူၢ်လိာ်ခီၣ်ဆၢပှၤဘၣ်ကီဘၣ်ခဲအဂ့ၢ်အကျိၤသ့ၣ်တဖၣ်န့ၣ်လီၤ.
