ဖဲလါအီးကထိဘၢၣ် ၁၄သီအနံၤန့ၣ် နကဘၣ်လဲၤဟ့ၣ်လီၤတၢ်ဖး ဒ်အမ့ၢ်တၢ်ဟံးန့ၢ်ကမျၢၢ်တၢ်ဘၣ်သး လၢတၢ်ကဒုးအိၣ်ထီၣ်ပှၤထူလံၤဖိခၢၣ်စးဖဲဘျီၣ်ဒိၣ်အပူၤအဂီၢ်န့ၣ် နသ့ၣ်ညါအီၤလံဧါ?
လါအီးကထိဘၢၢ် ၁၄သီအနံၤန့ၣ် ပှၤလၢအမ့ၢ်အီစထြ့လယါ ထံဖိကီၢ်ဖိကိးဂၤဒဲးဒီး အသးနံၣ်ပှဲၤထီၣ် ၁၈နံၣ် ဆူအဖီခိၣ်သ့ၣ်တဖၣ် ကဘၣ်လဲၤဟ့ၣ်လီၤဝဲဒၣ်တၢ်ဖး ဒ်အမ့ၢ်တၢ်ဟံးန့ၢ်ကမျၢၢ်တၢ်ဘၣ်သး လၢအမ့ၢ် တၢ်ကဒုးအိၣ်ထီၣ် ပှၤထူလံၤဖိခၢၣ်စးဖဲဘျီၣ်ဒိၣ်အပူၤ The Indigenous Voice to Parliament လၢအဘၣ်တၢ်သ့ၣ်ညါအီၤဒ်အမ့ၢ် Voice အံၤန့ၣ် မ့ၢ်အဝဲသ့ၣ် ဆီၣ်ထွဲတူၢ်လိာ်အီၤဧါ? တဆီၣ်ထွဲတတူၢ်လိာ်အီၤဘၣ်ဧါ? န့ၣ်လီၤ.
ပှၤထူလံၤဖိခၢၣ်စးဖဲဘျီၣ်ဒိၣ်အပူၤ The Indigenous Voice to Parliament လၢအဘၣ်တၢ်သ့ၣ်ညါအီၤဒ်အမ့ၢ် Voice အံၤ ကမ့ၢ်ဝဲဒၣ်ပှၤထူလံၤဖိခၢၣ်စးတဖုလၢအဟ့ၣ်ထီၣ်တၢ်ထံၣ်တၢ်ပာ်သး ကကတိၤန့ၢ်တၢ်လၢပှၤထူလံၤဖိခၢၣ်စး လၢအဘၣ်ဃးတၢ်ဂ့ၢ်လၢအဘၣ်ဒိဘၣ်ထံးပှၤထူလံၤဖိ အပှၤတဝၢသ့ၣ်တဖၣ်န့ၣ်လီၤ.
တၢ်ဟံးန့ၢ်ကမျၢၢ်တၢ်ဘၣ်သးအဂီၢ် တၢ်ဟ့ၣ်တၢ်ဖးတဘျီအံၤန့ၣ် ကမျၢၢ်သ့ၣ်တဖၣ်အိၣ်ဒၣ်ထဲလၢကဘၣ်စံးဝဲဒၣ်တၢ်သံကွၢ် ဒီး ကွဲးလီၤဝဲဒၣ် yes မ့တမ့ၢ် no ဒ်သိးဒီးအမ့ၢ်အဝဲသ့ၣ်စံးဆၢတၢ်သံကွၢ်အံၤန့ၣ်လီၤ.
တၢ်သံကွၣ်လၢ တၢ်ကသံကွၢ်အီၤန့ၣ်မ့ၢ်ဝဲဒၣ်: “ဒ်သိးတၢ်ပာ်ပနီၣ်အီစထြ့လယါကီၢ်ပှၤထူလံၤဖိအသိး တၢ်ကဒုးအိၣ်ထီၣ် Aboriginal and Torres Strait Islander Voice အဂီၢ် တၢ်ဆှၢနုာ်လၢတၢ်ကဆီတလဲဘှီဘၣ်က့ၤထံကီၢ်သဲစးတၢ်ဘျၢခိၣ်သ့ၣ်န့ၣ်လီၤ. မ့ၢ်နတူၢ်လိာ်တၢ်ဆှၢနုာ်လၢတၢ်ကမၤတၢ်ဆီတလဲအဂီၢ်အံၤစ့ၢ်ကီးဧါ?”
ကမျၢၢ်လၢအဆီၣ်ထွဲတၢ်ဂ့ၢ်အံၤန့ၣ် ကဟ့ၣ်လီၤဝဲဒၣ်တၢ်ဖးအတၢ်စံးဆၢလၢအမ့ၢ် yes ဒီး ကမျၢၢ်လၢတဆီၣ်ထွဲတၢ်ကမၤတၢ်ဆီတလဲအံၤဘၣ်သ့ၣ်တဖၣ်န့ၣ် ကဟ့ၣ်လီၤဝဲဒၣ်တၢ်ဖးအတၢ်စံးဆၢလၢအမ့ၢ် no န့ၣ်လီၤ.
