ဖဲလါယူၤအတီၢ်ပူၤန့ၣ် တၢ်ထုးထီၣ်ရၤလီၤဝဲဒၣ် တၢ်ပာ်ဖျါလၢအဘၣ်ဃး တၢ်မၤဆူၣ်မၤဆီး ပိာ်မုၣ်ဒီးဖိသၣ်သ့ၣ်တဖၣ် ဒ်သိးဒီးအမ့ၢ် တၢ်ဒီသဒၢဝဲဒၣ် ပိာ်မုၣ်ဒီးဖိသၣ် လၢအဘၣ်တၢ်မၤဆူၣ်မၤဆီးသ့ၣ်တဖၣ်န့ၣ်လီၤ။ တၢ်ပာ်ဖျါမိၢ်ပှၢ်ဖးဒိၣ်အံၤ နီၣ်နီၣ်န့ၣ် တၢ်ဟ့ၣ်လီၤအီၤဆူ ပဒိၣ်အအိၣ်လၢအပူၤကွံာ် ၆လါ အခါလံနာ်သက့ ပဒိၣ်ထုးထီၣ်ရၤလီၤအီၤဖဲ အပူၤကွံာ် လါယူၤအတီၢ်ပူၤန့ၣ်လီၤ။
တၢ်ပာ်ဖျါဖးဒိၣ်လၢ အဘၣ်တၢ်ရဲၣ်ကျဲၤမၤအီၤလၢ Monash ဖၠၣ်စိမိၤအံၤ ပှၤသ့ပှၤဘၣ်စဲၤနီၣ်လၢတၢ်ဂ့ၢ်အံၤ ပၣ်ဃုာ်ဝဲဒၣ်ဘူးထီၣ်လၢ အဂၤ ၅ဝဝ ဃၣ်ဃၣ်န့ၣ်လီၤ။ တၢ်ပာ်ဖျါအံၤ ဟ့ၣ်လီၤဝဲဒၣ်တၢ်ဂ့ၢ်တၢ်ကျိၤလၢ အီစထြ့ကီၢ် ကပာ်လီၤဝဲဒၣ် ထံကီၢ်ဒီဘ့ၣ် တၢ်ရဲၣ်တၢ်ကျဲၤလၢ တၢ်ကပတုာ် တၢ်မၤဆူၣ်မၤဆီးပိာ်မုၣ်ဒီး ဖိသၣ်သ့ၣ်တဖၣ်အဂီၢ် န့ၣ်လီၤ။
မ့ၢ်ကွၢ်လၢတၢ်ထိၣ်ဃူအနီၣ်ထိၣ်အဖီခိၣ်န့ၣ် ဖဲအီစထြလ့ယါကီၢ်ပူၤအံၤ ခွံသီတဘျီ ပှၤပိာ်မုၣ်ဘၣ်သံတဂၤ လၢအဝဲသ့ၣ် အဝၤလၢခဲကနံၣ်အံၤ မ့တမ့ၢ် အဝၤလီၢ်လံၤသ့ၣ်တဖၣ်အစု တၢ်မၤဆူၣ်မၤဆီးသ့ၣ်တဖၣ်အဃိန့ၣ်လီၤ။
ဒ်သိးတၢ်မုၢ်လၢ်လၢတၢ်ဆီတလဲတၢ်အိၣ်သးသ့ၣ်တဖၣ်အံၤ ကန့ၢ်အဂီၢ်န့ၣ် တၢ်အိၣ်ခိးကွၢ်လၢ်တ့ၢ်ဝဲဒၣ် လံာ်တၢ်ပာ်ဖျါဖးဒိၣ်အံၤယံၤတ့ၢ်မး ဒီး တၢ်ထုးဖျါထီၣ်အီၤ ဖဲအပူၤကွံာ် တယံၤဒ်ဘၣ်အံၤန့ၣ်လီၤ။
Share
