တနံၤအံၤ လါယူၤ ၁၅သီ ဒ်အမ့ၢ် တၢ်ပာ်ပနီၣ် တၢ်သ့ၣ်နီၣ်ထီၣ် တၢ်မၤဆါပယွဲ ပှၤသူၣ်က့သးပှၢ်မုၢ်နံၤအဆၢကတီၢ်အံၤ တၢ်ပာ်ဖျါသ့ၣ်တဖၣ် စံးဝဲဒၣ်လၢ ဖဲအီစထြ့လယါကီၢ်ပူၤအံၤ တၢ်မၤဆါပယွဲပှၤသူၣ်က့သးပှၢ်သ့ၣ်တဖၣ် ဟဲအါထီၣ်ဝဲဒၣ်ကွ့ၢ်ကွ့ၢ် နာ်သက့ တၢ်မၤစၢၤအကျိၤအကျဲသ့ၣ်တဖၣ်အိၣ်ဝဲဒၣ် လီၤဆီဒၣ်တၢ်လၢပှၤသုးလီၢ်အိၣ်ဆိးအပှၤတဝၢသ့ၣ်တဖၣ်အဂီၢ်န့ၣ်လီၤ။
ဟီၣ်ခိၣ်ဒီဘ့ၣ်တၢ်ပာ်ဖျါလၢအဘၣ်ဃးတၢ်မၤဆါပယွဲသူၣ်က့သးပှၢ်သ့ၣ်တဖၣ်အပူၤန့ၣ် တၢ်မၤဆါပယွဲသ့ၣ်တဖၣ်ဟဲအါထီၣ်ဝဲဒၣ်အသိး ဖဲတယံၤဒ်ဘၣ် ဟံၣ်ဖိဃီဖိဂ့ၢ်ဝီ အတၢ်ဃုထၢတၢ်ပာ်သးအပူၤန့ၣ် ထံၣ်ဘၣ်ဝဲဒၣ်တၢ်လီၤကမၢကမၣ်လၢအမ့ၢ် ဖဲအီစထြ့လယါကီၢ်ပူၤအံၤ တၢ်မၤဆါပယွဲသူၣ်က့သးပှၢ်သ့ၣ်တဖၣ် ဟဲအါထီၣ်ဝဲဒၣ်စ့ၢ်ကီးအဃိန့ၣ်လီၤ။
အီစထြ့လယါသူၣ်က့သးပှၢ်အါန့ၢ် ၁၅မျးကယၤ တူၢ်ဘၣ် မ့တမ့ၢ် လဲၤခီဖျိဘၣ်ဝဲဒၣ် တၢ်မၤဆါပယွဲသ့ၣ်တဖၣ်န့ၣ်လီၤ။ တနံၣ်အတီၢ်ပူၤ တၢ်တီၣ်ဖျါထီၣ်တၢ်မၤဆါပယွဲတၢ်ဂ့ၢ်န့ၣ် အိၣ်ဝဲဒၣ် ၆၃ဝဝဝ ဃၣ်ဃၣ်န့ၣ်လီၤ။
Share
