သရၣ်စီၤအဲၣ်ဆူးဒိးန့ၢ်ဘၣ် 2022 Lalor Hero Award တၢ်ဟ့ၣ်လၤကပီၤ

ဖဲအပူၤကွံာ်စှၤကိးသီန့ၣ် သရၣ်စီၤအဲၣ်ဆူး လၢအမ့ၢ် Settlement Support worker ဖဲ Wyndham Community & Education Centre — WCEC, ဝ့ဒၢမ် ပှၤတဝၢဒီး တၢ်ကူၣ်ဘၣ်ကူၣ်သ့ဝဲၤလီၢ်တဂၤ ဒိးန့ၢ်ဘၣ် 2022 Lalor Hero Award ခိၣ်ဖးတၢ်လၤကပီၤခီဖျိလၢအဝဲတၢ်ဟ့ၣ်လီၤမၤစၢၤတၢ်ဖဲပှၤတဝၢပူၤအဃိန့ၣ်လီၤ.

2022 Lalor Hero Award recipient, Saw Eh Su, a Settlement Support Worker from Wyndham Community and Education Centre

တနံၣ်အံၤ ပှၤမၤတၢ်မၤဖဲ WCEC လၢအဒိးန့ၢ်ဘၣ်ခိၣ်ဖးတၢ်လၤကပီၤအံၤအိၣ်ဝဲဒၣ် ၂ဂၤအကျါ ပၣ်ဃုာ်ဒီးသရၣ်စီၤအဲၣ်ဆူးန့ၣ်လီၤ.

Lalor Hero တၢ်လၤကပီၤခိၣ်ဖးအံၤ ဘၣ်တၢ်ဟ့ၣ်လီၤအီၤလၢ ကီၢ်စၢဖှိၣ်ဘျီၣ်ဒိၣ်ခၢၣ်စးကရၢဖိ Joanne Ryan ဒ်အမ့ၢ် တၢ်ပာ်ပနီၣ် ပှၤဟ့ၣ်လီၤသး မုာ်သးမၤကလီတၢ်ဖဲ ပှၤတဝၢအပူၤသ့ၣ်တဖၣ်န့ၣ်လီၤ.