ကညီ—ပကူ သးစၢ်မုၣ် နီၢ်စ့လ်ဘၢၢ်ဘဲလ်မိရံး မ့ၢ်ဝဲပှၤဖျိးစိလၢတၢ်လိာ်ကွဲဖျၢၣ်ထူတဂၤဒီး ခဲကနံၣ်အံၤန့ၣ် အဝဲလိာ်ကွဲဝဲဒၣ်ဖဲ အီစထြ့လယါကီၢ်ပိာ်မုၣ်သးစၢ်ဖျၢၣ်ထူကရူၢ်အပူၤန့ၣ်လီၤ.
စ့လ်ဘၢၢ် အဟံၣ်ဖိဃီဖိမ့ၢ်ဝဲပှၤဘၣ်ကီဘၣ်ခဲလီၢ်လံၤဟဲန့ၢ်လၢ ကီၢ်ပယီၤဒီးကီၢ်ကၠီၣ်တဲၣ်ကီၢ်ဆၢန့ၣ်လီၤ.
အဝဲစးထီၣ်လိာ်ကွဲဖျၢၣ်ထူလၢအသးနံၣ်အိၣ် ၈နံၣ်အခါ, ဒီးဖဲန့ၣ်အခါန့ၣ် အဖုမ့ၢ်ဝဲပှၤလၢအလိာ်ကွဲဂုၤအီၤဒီး အဝဲလိာ်ကွဲဒၣ်ဒ်အမ့ၢ် တၢ်လိာ်ကွဲမုာ်သးတခါအသိးန့ၣ်လီၤ.
နာ်သက့ ဖဲ ၂ဝ၁၃နံၣ် အဝဲဟဲတုၤဖဲအီစထြ့လယါကီၢ်ဝံၤလီၢ်အခံန့ၣ် အဝဲစးထီၣ်လိာ်ကွဲဘၣ်ဝဲဒၣ်ဖျၢၣ်ထူဖဲ ပှၤတဝၢ ဖျၢၣ်ထူကရူၢ်အပူၤ ဒီး တဆီဘၣ်တဆီန့ၣ် တုၤအဝဲဖျိထီၣ် ၁၂တီၤဝံၤတဘျီ အဝဲနုာ်လီၤ လိာ်ကွဲဝဲဒၣ်ဆူ အီစထြ့လယါကီၢ်ပိာ်မုၣ်ဖျၢၣ်ထူကရူၢ်အပူၤန့ၣ်လီၤ.
Share
