ပဒိၣ်တၢ်ဖံးတၢ်မၤဝဲၤကျိၤဂ့ၢ်ဝီကိတိာ် Bill Shorten စံးလၢ National Disability Insurance Scheme — N-D-I-S လၢအမ့ၢ် ထံကီၢ်သးနီၣ်ခိက့ၢ်ဂီၤတလၢတပှဲၤတဆူၣ်တချ့တၢ်အုၣ်ကီၤတၢ်တိာ်ကျဲၤကရၢအံၤ အတၢ်ပညိၣ်တတုၤထီၣ် ထီၣ်ဘးဘၣ်ဒီး အကျဲလီၤမၢ်လံန့ၣ်လီၤ.
ပှၤအီစထြ့လယါဖိလၢအဒိးန့ၢ်ဘၣ် တၢ်ဆီၣ်ထွဲမၤစၢၤဖဲ N-D-I-S အပူၤအံၤ အနီၣ်ဂံၢ်အိၣ်အါန့ၢ် ၅ကလီၢ်န့ၣ်လီၤ.
တၢ်ရဲၣ်တၢ်ကျဲၤအံၤမ့ၢ်ဝဲ ကီၢ်စၢဖှိၣ်ပဒိၣ် စ့တိာ်ပာ် အတၢ်လၢၤဘူၣ်လၢၤစ့အအါကတၢၢ်တခါ, ဒီး တနံၣ်အံၤအတီၢ်ပူၤ ပဒိၣ်သူစ့လၢ တၢ်ရဲၣ်တၢ်ကျဲၤအံၤအဂီၢ်န့ၣ် အိၣ်ဘူးထီၣ်လံလၢ ဒီလၣ် ၃၆ ဘံလယၢၢ်လံန့ၣ်လီၤ. မ့ၢ်တုၤလီၤဖဲ ၂ဝ၂၆နံၣ်န့ၣ် တၢ်ယာ်ပာ်လၢ ပဒိၣ်ကဘၣ်သူဝဲဒၣ်စ့လၢ တၢ်တိာ်ကျဲၤအံၤအဂီၢ်န့ၣ် ကအိၣ်ဝဲဒၣ် ဒီလၣ် ၅ဝ ဘံလယၢၢ်န့ၣ်လီၤ.
တၢ်လၢၤဘူၣ်လၢၤစ့သ့ၣ်တဖၣ်အံၤန့ၣ် အါန့ၢ်ဒံး Medicare ဒီး aged care ခံခါပာ်ဖှိၣ်ဃုာ်အသးဒ်န့ၣ်လီၤ.
တကးဒ်ဘၣ်န့ၣ် တၢ်ဃ့ထီၣ်လၢ တၢ်လိၣ်ဘၣ်သူ NDIS တၢ်မၤစၢၤသ့ၣ်တဖၣ် အါထီၣ်ဝဲဒၣ်ကွ့ၢ်ကွ့ၢ် ဒီး မ့ၢ်တုၤလီၤဖဲ ၂ဝ၃၂နံၣ်န့ၣ် ပှၤလၢအကမၤန့ၢ်ဘၣ် တၢ်မၤစၢၤဖဲတၢ်တိာ်ကျဲၤအံၤအပူၤန့ၣ် တၢ်တယာ်လၢ အကအိၣ်ဝဲဒၣ်အါန့ၢ် တကကွဲၢ်ဂၤန့ၣ်လီၤ.
Share
