ဖဲအီစထြ့လယါကီၢ် တၢ်ဟံးန့ၢ်ကမျၢၢ်တၢ်ဘၣ်သး ကျိၤကျဲအပူၤန့ၣ် တၢ်သူဝဲဒၣ် လံာ်ခီဆှၢ ဒ်အံၤန့ၣ် အိၣ်တ့ၢ်လံဝဲဒၣ်အနံၣ် ၁ဝဝဘျဲၣ်လံန့ၣ်လီၤ. တၢ်စးထီၣ်မၤညီနုၢ် တၢ်ဟံးန့ၢ်ကမျၢၢ်တၢ်ဘၣ်သးလၢကျိၤကျဲဒ်အံၤန့ၣ် စးထီၣ်တ့ၢ်လံအသးဖဲအပူၤကွံာ် ၂ဝယၤဖှိၣ်စးထီၣ်သီ ဖဲအီစထြ့လယါကီၢ် ထံကီၢ်သဲစးတၢ်ဘျၢခိၣ်သ့ၣ်စးထီၣ်သီသီအခါန့ၣ်လီၤ.
လၢတၢ်ကပာ်ပနီၣ်ပှၤထူလံၤဖိသ့ၣ်တဖၣ်ဖဲအီစထြ့လယါထံကီၢ်သဲစးတၢ်ဘျၢအပူၤ ဒ်အမ့ၢ်တၢ်ဒုးအိၣ်ထီၣ် ပှၤအဘီရၢကၠံၤနၢၣ်ဒီး ထီရ့ၣ်စထြ့ၣ်ကီးဖိအကလုၢ်အဂီၢ် တၢ်ကမၤ တၢ်ဟံးန့ၢ်ကမျၢၢ်တၢ်ဘၣ်သးန့ၣ် တၢ်ဆၢကတီၢ်အိၣ်တ့ၢ်က့ၤ ဘူးထီၣ်လၢအနွံအတီၢ်ပူၤန့ၣ်လီၤ. ဖဲတၢ်ဆၢကတီၢ်မ့ၢ်ဘူးထီၣ်န့ၣ် ဟံၣ်ဒူၣ်ဖဲထံကီၢ်အံၤအပူၤခဲလၢာ် တၢ်ကဆှၢန့ၢ်အဝဲသ့ၣ်လံာ်ခီဆှၢ လၢအမ့ၢ်တၢ်ဂ့ၢ်ဘှီလိာ်ဘၣ်ဃး တၢ်သးလီၤပလိာ်လၢတၢ်အံၤအဖီခိၣ် အိၣ် တအိၣ် လၢအမ့ၢ်ကဘၣ်ဟ့ၣ်ထီၣ်တၢ်ထံၣ် ဒ်အမ့ၢ် ဘၣ်သး 'yes' ဒီး တဘၣ်သးအီၤဘၣ် 'no' န့ၣ်လီၤ.
တၢ်ဒုးအိၣ်ထီၣ် ပှၤအဘီရၢကၠံၤနၢၣ်ဒီး ထီရ့ၣ်စထြ့ၣ်ကီးဖိအကလုၢ်န့ၣ် ဘၣ်တၢ်သ့ၣ်ညါဝဲဒၣ်အီၤဒ်အမ့ၢ် “The Voice” န့ၣ်လီၤ.
ဘၣ်ဆၣ်သနာ်က့ တၢ်ဟ့ၣ်ပလီၢ်အိၣ်ထီၣ်လၢပှၤအီစထြ့လယါဖိသ့ၣ်တဖၣ် ကအိၣ်ဒီးတၢ်ပလီၢ်ပဒီဘၣ်ဃး တၢ်ဟ့ၣ်နီၤလီၤ တံာ်တၢ်မၤနီၣ်မၤဃါအံၤ လၢအမ့ၢ် ဖဲလံာ်အံၤအပူၤန့ၣ် တၢ်ဂ့ၢ်အရၢၢ်အစၢၢ် တမ့ၢ်တတီဘၣ် ဒုးအိၣ်ထီၣ်တၢ်နၢ်ပၢၢ်ကမၣ်သ့ၣ်တဖၣ် ပၣ်ဃုာ်သ့ဝဲဒၣ်အဂ့ၢ်န့ၣ်လီၤ.
