ဖဲအဝဲတၢ်ဟဲဟးအဆိကတၢၢ်တဘျီ ဒ်ဘီမုၢ်စၢဖှိၣ်ကရၢပှၤဘၣ်ကီဘၣ်ခဲဂ့ၢ်ဝီ အခိၣ်ဒိၣ်တဂၤအသိး Filippo Grandi စံးလၢ အဝဲအဲၣ်ဒိးထံၣ် အီစထြ့လယါကီၢ် မၤအါထီၣ်လဲၢ်ထီၣ် အတၢ်ရဲၣ်တၢ်ကျဲၤလၢ တၢ်ကိးတူၢ်လိာ်ပှၤဘၣ်ကီဘၣ်ခဲသ့ၣ်တဖၣ်န့ၣ်လီၤ.
Mr Grandi ပတြၢးဝဲဒၣ် အီစထြ့လယါကီၢ် လၢအတၢ်ခီဆၢဘၣ်ဃး ယူၤကရ့အတၢ်အိၣ်သး နာ်သက့ ဟ့ၣ်ပလီၢ် အီစထြ့လယါပဒိၣ်ဒီး ထံဂုၤကီၢ်ဂၤ ပှၤတဝၢသ့ၣ်တဖၣ်လၢ တဘၣ်သးပ့ၤနီၣ် တၢ်သဘံၣ်သဘုၣ် လၢအကဲထီၣ်သးဖဲထံကီၢ်အဂုၤအဂၤသ့ၣ်တဖၣ်အပူၤဘၣ်န့ၣ်လီၤ.
Mr Grandi စံးဝဲဒၣ်လၢ တၢ်အိၣ်သးဖဲ ကီၢ်ပယီၤ လၢသုးမီၤစိရိၤပၢအီၤအံၤ ဟးဂီၤဒိၣ်ထီၣ်ကွ့ၢ်ကွ့ၢ်စ့ၢ်ကီး တကးဒ်ဘၣ် ရိၣ်ဟ့ၣ်ကၠၣ် ပှၤဘၣ်ကီဘၣ်ခဲ အတၢ်ဂ့ၢ်ကီ ဖဲ Bangladesh ကီၢ်ပူၤစ့ၢ်ကီး နးဒိၣ်ထီၣ်ကွ့ၢ်ကွ့ၢ်န့ၣ်လီၤ.
တကးဒ်ဘၣ် ဖဲ Afghanistan ကီၢ်အပူၤစ့ၢ်ကီး တၢ်သဘံၣ်သဘုၣ် တၢ်ကီတၢ်ခဲသ့ၣ်တဖၣ် ဘၣ်သဂၢၢ်လိာ်သးအါမးဒီး မ့ၢ်တၢ်ကီဒိၣ်မးတခါန့ၣ်လီၤ.
Share
