စးထီၣ်လၢ COVID-19 တၢ်ဆါသံသတြိာ်ကဲထီၣ်ဝံၤအလီၢ်ခံ ဖဲလါအီကူး ၁၃သီ ၂ဝ၂၂နံၣ် မုၢ်ဘူၣ်အနံၤန့ၣ် ကညီဖိလၢအဟဲတုၤအိၣ်ဆိးဖဲအီစထြ့လယါကီၢ် ဝံးထိရံယါကီၢ်စဲၣ်အပူၤသ့ၣ်တဖၣ် ပာ်ဖှိၣ်မၤသကိးဝဲဒၣ် ကညီဖိလုၢ်လၢ်ထူသနူဆဲးလၤ လါခူးကံၢ်စုအမူး လၢမဲာ်သကိးမဲာ် အဆိကတၢၢ်တဘျီန့ၣ်လီၤ။
ဝံးထိရံယါကီၢ်စဲၣ်အပူၤအံၤ COVID-19 တၢ်ဆါ အတၢ်ဘၣ်ကူဘၣ်ဂာ် ဒီး ပှၤသံလၢတၢ်ဆါအံၤ မ့ၢ်အိၣ်ဒ်ဝဲဒၣ်အဖၢမုၢ်ဘၣ်ဆၣ်သနာ်က့ ကမျၢၢ်ဒီး ပှၤဘၣ်မူဘၣ်ဒါလၢ အဟဲထီၣ်ပာ်ဖှိၣ်မၤလၤကပီၤသကိး လါခူးကံၢ်စုမူးတဘျီအံၤ အိၣ်အါန့ၢ်အဂၤ ၃ဝဝ ဃၣ်ဃၣ်န့ၣ်လီၤ။
မူးတဘျီအံၤ ဘၣ်တၢ်ရဲၣ်ကျဲၤတီခိၣ်ရိၤမဲမၤအီၤလၢ အီစထြ့လယါကညီကရၢ (AKO – VIC)လၢအဖီၣ်လိာ်စုမၤသကိးဃုာ်တၢ်ဒီး ဝံးထိရံယါကညီတဝၢပှာ်ဘျးစဲကရူၢ် (VKCNG) န့ၣ်လီၤ။
Share
