Key Points
- JP န့ၣ်ဘၣ်တၢ်ပာ်ထီၣ်အမူဒါလီၢ်လးလၢအကအုၣ်သးဖဲနဆဲးလီၤသဲစးလံာ်တၢ်မၤနီၣ်မၤဃါသ့ၣ်တဖၣ် မ့တမ့ၢ် ဒုးအိၣ်ထီၣ်လံာ်တကွီၣ်ဒိသ့ၣ်တဖၣ်န့ၣ်လီၤ.
- နကွၢ်ဃု JP ဖဲနဟီၣ်ကဝီၤအပူၤ လၢအကတိၤနကျိာ်သ့ဝဲန့ၣ်လီၤ.
- JP သ့ၣ်တဖၣ်မ့ၢ်ပှၤမုာ်သးမၤကလီ — အဝဲသ့ၣ်တဖၣ်မၤစၢၤအဖီခိၣ်တဟံးဝဲအဘူးအလဲဘၣ်.
ပှၤအုၣ်သးလၢတၢ်တီတၢ်တြၢ်အဂီၢ် - Justice of the Peace မ့တမ့ၢ် JP တဂၤန့ၣ် — ဖဲနတၢ်အိၣ်မူပူၤ ဆၢကတီၢ်လၢအရ့ဒိၣ်ကတၢၢ်အခါန့ၣ် အဝဲမၤစၢၤနၤသ့ဝဲဒၣ်န့ၣ်လီၤ. အဝဲသ့ၣ်န့ၣ် တၢ်ဟ့ၣ်လီၤပာ်အီၤမူဒါလၢ အကဘၣ်မၤစၢၤ နသဲစးလံာ်တၢ်မၤနီၣ်မၤဃါသ့ၣ်တဖၣ်န့ၣ်လီၤ.
တၢ်လၢ JP န့ၣ်မ့ၢ်ဝဲပှၤတဝၢ ကရၢဖိသ့ၣ်တဖၣ်လၢ အဘၣ်တၢ်နာ်အီၣ်အီၤ, ဒီး ကကဲထီၣ်ဘၣ် JP တဂၤအဂီၢ် အလံာ်ပတံန့ၣ် တၢ်သမံသမိးအီၤ ဃံးဃီၣ်ဒီၣ် တဆီဘၣ်တဆီဝံၤမး ကီၢ်စဲၣ်ဒီး ကဝီၤဒိၣ်တၢ်ပၢပဒိၣ်သ့ၣ်တဖၣ် ပာ်ထီၣ်အီၤလၢအမူဒါလီၢ်လးအံၤန့ၣ်လီၤ.
တၢ်လၢ JP န့ၣ် အဝဲသ့ၣ်မၤစၢၤတၢ်နာ်သက့ ခီဖျိလၢအဝဲသ့ၣ်တၢ်မၤစၢၤအဃိ တူၢ်လိာ် တၢ်ဟ့ၣ်လီၤအီၤကျိၣ်စ့တန့ၢ်ဘၣ်. အဝဲသ့ၣ်န့ၣ်မ့ၢ်ဝဲ ပှၤမုာ်သးမၤကလီတၢ်ဖိသ့ၣ်တဖၣ် လၢအဟံးထီၣ်ဖီၣ်ထီၣ်မူဒါ ပှဲၤဒီးတၢ်ဟ့ၣ်လီၤသးလၢကမၤစၢၤပှၤဂုၤပှၤဂၤသ့ၣ်တဖၣ်န့ၣ်လီၤ.
Dean Beck မ့ၢ်ဝဲပှၤလၢအမၤတၢ်မၤမူဒါဒ်အံၤတဂၤန့ၣ်လီၤ. အဝဲန့ၣ်မ့ၢ်ဝဲဒၣ် JP တဂၤ ဒီး မ့ၢ်စ့ၢ်ကီးဝဲဒၣ် Document Signing Centre အခိၣ်ဒိၣ်တဂၤဖဲ Victorian Pride (ဖရိုက်) Centre န့ၣ်လီၤ. တၢ်မနုၤလၢ ဟ့ၣ်ဆူၣ်ထီၣ်အသးသဟီၣ်လၢ ကဟံးထီၣ်မူဒါအံၤလဲၣ်အဂ့ၢ်န့ၣ် အဝဲဟ့ၣ်နီၤလီၤဝဲဒ်အံၤန့ၣ်လီၤ.
အဝဲစံးဝဲဒၣ်, “ယကဲထီၣ် JP န့ၣ်ခီဖျိလၢယပၢ်မ့ၢ်တ့ၢ်ဝဲဒၣ် ကွီၣ်ဘျီၣ်လာ်ခီ စံၣ်ညီၣ်ကွီၣ်တဂၤ ဒီး လီၤဂာ်ဒ်သိး ယဘၣ်တၢ်လုၢ်ဒိၣ်ထီၣ်အီၤလၢ သဲးစးတၢ်ဘျၢအဃိန့ၣ်လီၤ.”
“ဒီးထီဘိန့ၣ် ယမုာ်သးမၤကလီတၢ်— လၢအမ့ၢ်ဒ်သိးပဟံၣ်ဖိဃီဖိအမီထိၣ်တခါလၢအမ့ၢ်တၢ်ဟ့ၣ်ဆၢက့ၤတၢ်န့ၣ်လီၤ. အဃိန့ၣ်ယယူာ်ထီၣ်ယစုလၢကမၤစၢၤတၢ်အံၤအဂီၢ်န့ၣ်လီၤ.”
ယဆိကမိၣ်န့ၣ် JP တဂၤ အတၢ်ပာ်သးဂ့ၤလၢ ပှၤကရၢကရိ တၢ်တီတၢ်တြၢ်ကအိၣ်အဂီၢ်, တၢ်ဘၣ်ဘျီးဘၣ်ဒါကအိၣ်အဂီၢ် ဒီး တၢ်ထဲသိးတုၤသိးကအိၣ်အဂီၢ်န့ၣ် မ့ၢ်ဝဲ တၢ်သကဲးပဝးလၢအဂ့ၤန့ၣ်လီၤ.Dean Beck
တၢ်လၢ JP တဂၤန့ၣ်မၤစၢၤနၤတၢ်မနုၤသ့ၣ်တဖၣ်သ့လဲၣ်?
မ့ၢ်ဘၣ်တဲအီၤလၢအဖုၣ်န့ၣ်, JP တဂၤန့ၣ်မၤစၢၤနၤဒ်သိး နသဲစးလံာ်တၢ်မၤနီၣ်မၤဃါသ့ၣ်တဖၣ် အိၣ်ဝဲဒၣ်ဂ့ၤဂ့ၤဘၣ်ဘၣ် ဒ်တၢ်လိၣ်ဘၣ်အီၤနီၣ်နီၣ်အသိးန့ၣ်လီၤ.
တၢ်မၤသးအါတက့ၢ်န့ၣ်မ့ၢ်ဝဲဒၣ်ဒ်သိး, သဲစးတၢ်ဘျၢန့ၣ်လိၣ်ဘၣ်ဝဲ လံာ်တၢ်မၤနီၣ်မၤဃါလီၤတံၢ်လီၤဆဲးတခါခါ လၢအအိၣ်ဒီး JP တၢ်ဆဲးလီၤစုမုၢ်ကျၢၢ် လၢအပာ်ဂၢၢ်ပာ်ကျၢၤဝဲဒၣ် နစုမုၢ်ကျၢၢ်ဖဲလံာ်တၢ်မၤနီၣ်မၤဃါအံၤအပူၤန့ၣ် မ့ၢ်ဝဲဒၣ်တၢ်မ့ၢ်တၢ်တီနီၣ်ကီၢ်, တၢ်ဂ့ၢ်တၢ်ကျိၤလၢ အဟ့ၣ်လီၤအီၤသ့ၣ်တဖၣ်န့ၣ် ဘၣ်ဝဲတီဝဲ, ဒီး လံာ်တကွီၣ်ဒိတခါလၢ်လၢ်န့ၣ် မ့ၢ်ဝဲတီဝဲဒ်သိး လံာ်တၢ်မၤနီၣ်မၤဃါ ဂံၢ်ထံးခိၣ်သ့ၣ် သ့ၣ်တဖၣ်အသိးန့ၣ်လီၤ.
Mr Beck စံးဝဲဒၣ် တၢ်လၢ JP န့ၣ် ဘၣ်ဃးလံာ်လဲၢ်တၢ်မၤနီၣ်မၤဃါသ့ၣ်တဖၣ် မ့ၢ်အမ့ၢ်ဧါတမ့ၢ်ဧါန့ၣ် သမံသမိးထံ အုၣ်ကီၤဝဲကန့ၢ်အဂီၢ် မ့ၢ်ပှၤသ့ၣ်တဖၣ်လၢအထီၣ်ပာ်ဃးတၢ်မၤလိမူးမူးနီၣ်နီၣ်န့ၣ်လီၤ. လံာ်တၢ်မၤနီၣ်မၤဃါ တမံၤဂ့ၤတမံၤဂ့ၤန့ၣ်, JP တဂၤန့ၣ် ကလိၣ်ဘၣ် မၤလီၤတံၢ်ဝဲ နနီၣ်ကစၢ်တၢ်က့ၣ်ပနီၣ် — အဃိန့ၣ် မၤလီၤတံၢ်လၢ အဟဲစိာ်ဒီး နလံာ်တၢ်က့ၣ်ပနီၣ်လၢအအိၣ်ဒီး နနီၣ်ကစၢ်တၢ်ဂီၤ (photo ID), လၢအလီၤဂာ်ဒ်သိး လံာ်ဟးကီၢ် (passport) မ့တမ့ၢ် တၢ်နီသိလ့ၣ်လံာ်ပျဲ (driver’s licence) န့ၣ်လီၤ.
A JP can stamp your document to certify that it is a true and correct copy of your original document. Source: Getty / StockPlanets
Beverly Alley မ့ၢ်ဝဲ Justices of the Peace Association, အခိၣ်ဒိၣ်တဂၤ လၢအဆီလီၤအသးဖဲ ဝ့ၢ်ခိၣ်တၢ်ပၢ ACT န့ၣ်လီၤ. အဝဲစံးဝဲဒၣ် ဖဲနလဲၤစိာ်နလံာ်တၢ်မၤနီၣ်မၤဃါ အလံာ်တကွီၣ်ဒိသ့ၣ်တဖၣ်အခါ ကဆဲးလီၤန့ၢ်နၤစုမုၢ်ကျၢၢ်ဒီး မုၢ်နံၤမုၢ်သီ လၢအပၣ်ဃုာ်အဝဲသ့ၣ် JP အနီၣ်ဂံၢ်န့ၣ်လီၤ.
“JP န့ၣ် အကတီၢ်လီၤဝဲဒၣ် နီၣ်ဒိပနီၣ် လၢအစံးဝဲဒၣ်, ‘ယအုၣ်သးလၢ တၢ်အဝဲအံၤန့ၣ်မ့ၢ် လံာ်တၢ်မၤဃါဂံၢ်ထံးနီၣ်ကီၢ် အလံာ်တကွီၣ်ဒိ အမ့ၢ်အတီန့ၣ်လီၤ.”
လံာ်တၢ်မၤနီၣ်မၤဃါ တမံၤဂ့ၤတမံၤဂ့ၤန့ၣ်, JP တဂၤန့ၣ် ကလိၣ်ဘၣ် မၤလီၤတံၢ်ဝဲ နနီၣ်ကစၢ်တၢ်က့ၣ်ပနီၣ် — အဃိန့ၣ် မၤလီၤတံၢ်လၢ အဟဲစိာ်ဒီး နလံာ်တၢ်က့ၣ်ပနီၣ်လၢအအိၣ်ဒီး နနီၣ်ကစၢ်တၢ်ဂီၤ (photo ID), လၢအလီၤဂာ်ဒ်သိး လံာ်ဟးကီၢ် (passport) မ့တမ့ၢ် တၢ်နီသိလ့ၣ်လံာ်ပျဲ (driver’s licence) န့ၣ်လီၤ.
Alan Leung မ့ၢ်ဝဲပှၤဖီၣ်စ့စရီတဂၤန့ၣ်လီၤ. တချုးလၢအဝဲကဲထီၣ် JP တဂၤဒ်ဘၣ်အခါလံ ဒ်သိးအဝဲတၢ်ဖံးတၢ်မၤတခါအသိးန့ၣ် အဝဲမၤတၢ်အုၣ်သးလၢ လံာ်တၢ်မၤနီၣ်မၤဃါအမ့ၢ်အတီ အလံာ်တကွီၣ်ဒိ သ့ၣ်တဖၣ်အဂီၢ်န့ၣ်လီၤ.
တၢ်ကဲထီၣ် JP တဂၤန့ၣ် လၢအဝဲအဂီၢ်မ့ၢ်ဒ်သိး န့ဆၢၣ်တခါလၢ ယမၤလဲၢ်ထီၣ် အတၢ်သ့တၢ်ဘၣ် လၢအအိၣ်ပာ်စၢၤသ့ၣ်တဖၣ် လၢကမၤစၢၤအါထီၣ်ပှၤအဂၤသ့ၣ်တဖၣ်န့ၣ်လီၤ.
“တၢ်ကဲ JP တဂၤန့ၣ် မ့ၢ်စ့ၢ်ကီး တၢ်ခွဲးတၢ်ယာ်လၢယဂီၢ်တခါ လၢယက့ၤဟ့ၣ်ဆၢကဒါက့ၤပှၤတဝၢ, လၢအမ့ၢ်ပှၤဂ့ၤလၢယဂီၢ်ဒိၣ်မးန့ၣ်လီၤ. ဒီး တၢ်ကဲ JP တဂၤန့ၣ် မ့ၢ်ဝဲတၢ်ဟ့ၣ်ဘျုးတၢ်ဒိၣ်မးန့ၣ်လီၤ.”
လၢတၢ်ဂ့ၢ်အကလုာ်ကလုာ်အဖီခိၣ် ပှၤကညီလၢအကလုာ်ကလုာ် ဆဲးကျိးဒီး Mr Leung လၢကန့ၢ်ဘၣ် တၢ်အုၣ်သးလၢ အဝဲသ့ၣ်လံာ်တၢ်မၤနီၣ်မၤဃါသ့ၣ်တဖၣ်အဂီၢ် ဃုာ်ဒီး တၢ်ဂ့ၢ်အဂုၤအဂၤသ့ၣ်တဖၣ်အဂီၢ်န့ၣ်လီၤ.
ပှၤတနီၤနီၤန့ၣ် ဃုထၢလၢအကထံၣ်လိာ်သးဒီးယၤ မ့ၢ်လၢ အဝဲသ့ၣ်လိၣ်ဘၣ် JP တဂၤလၢအကတိၤကျိာ်တၢ်ကတိၤ လီၤတံၢ်လီၤ ဆဲးတခါခါအဂီၢ်, မ့မ့ၢ်လၢယတၢ်အိၣ်သးန့ၣ် မ့ၢ်ဝဲဒၣ်ဒ်သိး ပှၤကတိၤ Cantonese, မ့တမ့ၢ်ဘၣ်တခီ အဝဲသ့ၣ်ဟဲထံၣ်ယၤ ခီဖျိလၢယမ့ၢ်ပှၤလၢအအိၣ်ဖဲအဝဲသ့ၣ်ခိၣ်ဃၢၤ အဃိန့ၣ်လီၤ.Alan Leung
တၢ်လၢ statutory declaration န့ၣ်မ့ၢ်တၢ်မနုၤလဲၣ်?
တၢ်မၤညီနုၢ်တခါလၢ တၢ်ဃ့တၢ်မၤစၢၤလၢ JP သ့ၣ်တဖၣ်အအိၣ်န့ၣ်မ့ၢ်ဝဲဒၣ် တၢ်အုၣ်သး ထံၣ်ထွဲတၢ် လၢ statutory declaration — တၢ်ကိးအီၤလၢအဖုၣ် stat dec အဂီၢ် — လၢဃ့ထီၣ် တၢ်အုၣ်ကီၤစ့အဂီၢ် မ့တမ့ၢ် တၢ်ပထံထီၣ်တၢ်ဟံးခွဲးလၢတၢ်အိၣ်တဆူၣ်ဘၣ်အဂီၢ်န့ၣ်လီၤ.
တၢ်လၢ stat dec န့ၣ်မ့ၢ်ဝဲဒၣ် လံာ်ပာ်ဖျါလၢတၢ်ကွဲးအီၤ လၢနတဲဖျါထီၣ်ဝဲဒၣ် နတၢ်ဂ့ၢ်တၢ်ကျိၤသ့ၣ်တဖၣ်န့ၣ် မ့ၢ်တၢ်မ့ၢ်တၢ်တီဒီး လီၤတံၢ်လီၤဆဲးန့ၣ်လီၤ. မ့ၢ်လံာ်တၢ်ကွဲးပာ်ဖျါလၢ ကဘၣ်ဆဲးလီၤစုမုၢ်ကျၢၢ်ဖဲ ပှၤဘၣ်မူဘၣ်ဒါ ဒ်သိး JP တဂၤ အမဲာ်ညါန့ၣ်လီၤ.
You must sign a stat dec in the presence of an authorised witness such as a JP. Credit: MTStock Studio/Getty Images
တၢ်လၢ JP ဆဲးလီၤစုမုၢ်ကျၢၢ်တန့ၢ်ဘၣ်န့ၣ်မ့ၢ်မနုၤလဲၣ်?
လံာ်တၢ်မၤနီၣ်မၤဃါ လၢကျိာ်အဂၤ လၢတမ့ၢ်ပကျိာ်ဘၣ်န့ၣ် ပအုၣ်သးန့ၢ်ဘၣ်. လံာ်တၢ်မၤနီၣ်မၤဃါလၢ ပတသ့ၣ်ညါအီၤဘၣ်, မ့တမ့ၢ် လံာ်တၢ်မၤနီၣ်မၤဃါကျိာ်လၢယတသ့ၣ်ညါအီၤဘၣ်န့ၣ် ပအုၣ်သးတန့ၢ်ဘၣ်.
တဘျီတခီၣ် လံာ်တၢ်မၤနီၣ်မၤဃါလၢ အတလၢကွံာ် JP တဂၤအတၢ်စိတၢ်ကမီၤ, ဒီးလိၣ်ဘၣ်ဝဲ Notary Public လၢအမ့ၢ်ပှၤအထူအထံးဟဲန့ၢ်လၢသဲစးဂ့ၢ်ဝီန့ၣ်လီၤ.
အတဒ်သိး JP ဘၣ်တခါန့ၣ်, တၢ်လၢ Notary Public ဟံးန့ၢ်တၢ်မၤအဘူးအလဲန့ၣ်လီၤ.
ကန့ၢ်ဘၣ် JP တဂၤအဂီၢ် နကကွၢ်ဃုအီၤဖဲလဲၣ်?
နမ့မ့ၢ်ပှၤလၢအဟးကွၢ်ဃုမၤန့ၢ် JP တဂၤတခီ, ဖဲအီစထြ့လယါကီၢ်ပူၤအံၤန့ၣ် ကီၢ်စဲၣ်ဒီး ကဝီၤဒိၣ်တၢ်ပၢ တဘ့ၣ်စုာ်စုာ် အိၣ်ဝဲဒီး အီးလဲ ကမျၢၢ်တၢ်သြီနုာ်စရီန့ၣ်လီၤ. အိၣ်ဒၣ်လၢ နကဘၣ်ဒိနုာ်လီၤ ‘find a JP’ — တၢ်ဟးကွၢ်ဃု မ့တမ့ၢ် လဲၤနုာ်လီၤကွၢ်ဃုတၢ်ဂ့ၢ်တၢ်ကျိၤဖဲသဲစးတၢ်တီတၢ်တြၢ်ဝဲၤကျိၤ — Department of Justice အလီကပှာ်ယဲၤသန့အပူၤ ဒီး ကွၢ်ဃုတၢ်လီၢ်လၢ အဘူးကတၢၢ်ဒီးနၤန့ၣ်သ့ဝဲန့ၣ်လီၤ.
Mr Leung စံးဝဲဒၣ် နကွၢ်ဃုအီၤလၢ တၢ်လီၢ်တၢ်ကျဲအဖီခိၣ်သ့ဝဲဒၣ်အသိး, တၢ်ဆၢကတီၢ်လၢအချုးအခါမ့ၢ်ဂ့ၤ, ဒီးနွံညါအတီၢ်ပူၤမ့ၢ်ဂ့ၤ, မုၢ်နၤခီအဆၢကတီၢ်မ့ၢ်ဂ့ၤ, နွံကတၢၢ်အဆၢကတီၢ်မ့ၢ်ဂ့ၤ, လၢတၢ်ကတိၤကျိာ်မ့ၢ်ဂ့ၤ မ့တမ့ၢ် လၢအမံၤအသၣ်မ့ၢ်ဂ့ၤ သ့ဝဲန့ၣ်လီၤ.
အဒိန့ၣ်နမ့ၢ်လိၣ်ဘၣ်ဝဲဒၣ် JP လၢအကတိၤ Cantonese အကျိာ် ဖဲမဲလ်ဘၢဝ့ၢ်ပူၤ လၢအဆၢကတီၢ်ချုးဖဲ နွံကတၢၢ်န့ၣ်, လီပှာ်ယဲၤသန့အံၤ ကဟ့ၣ်လီၤနၤ အဝဲသ့ၣ်အမံၤစရီသ့ၣ်တဖၣ် ဃုာ်ဒီး အလီတဲစိနီၣ်ဂံၢ် ဒ်သိး နကိးသ့ၣ်ဖးမုၢ်နံၤဆၢကတီၢ်ကသ့အဂီၢ်န့ၣ်လီၤ. မ့ၢ်ဝဲတၢ်လၢအညီကဒၣ်ဖိန့ၣ်လီၤ.”
You can search for a JP by location, availability, language and even name. Source: Getty / SrdjanPav
Document Signing Centres
ပြၢပြးဟီၣ်ကဝီၤအါတက့ၢ်န့ၣ်အိၣ်ဝဲဒီး ဝဲၤလီၢ်လၢတၢ်ဆဲးလီၤစုမုၢ်ကျၢၢ်ဖဲလံာ်တၢ်မၤနီၣ်မၤဃါအပူၤ— Document Signing Centres မ့တမ့ၢ် JP တၢ်ဆဲးစုမုၢ်ကျၢၢ်စီၤနီၣ်ခိၣ်တၢ်လီၢ်သ့ၣ်တဖၣ် လၢအမ့ၢ်တၢ်လီၢ်လၢ JPs သ့ၣ်တဖၣ် အိၣ်ဖဲန့ၣ်လီၤတံၢ်လီၤဆဲး ဖဲတၢ်ဆၢကတီၢ်လၢတၢ်ပာ်ပနီၣ်အီၤအတီၢ်ပူၤ ဒီး တလိၣ်ဘၣ်မၤတၢ်သ့ၣ်ဖးတၢ်ဆၢကတီၣ်ဘၣ်န့ၣ်လီၤ.
ကျိၤကျဲဒ်အံၤမ့ၢ်အိၣ်နာ်သက့ Dean Beck စံးဝဲဒၣ် တၢ်လဲၤနုာ်လီၤဆူပၢၤကီၢ်သန့ မ့တမ့ၢ် စံၣ်ညီၣ်ကွီၣ်ဘျီၣ်အပူၤန့ၣ် တမ့ၢ်တၢ်လၢပှၤကိးဒဲးအဲၣ်ဒိးလဲၤအီၤဘၣ်.
အဝဲမ့ၢ်ဝဲ Document Signing Centre မူဒါခိၣ်တဂၤ လၢအအိၣ်ဖဲ St Kilda တၢ်လီၢ် Victorian Pride Centre ဒီး မ့ၢ်ဝဲ Document Signing Centre လၢအအိၣ်ဘူးဒီး မဲလ်ဘၢဝ့ၢ်ခၢၣ်သး အကံလိမံထၢၣ် ၁ဝ န့ၣ်လီၤ.
Mr Beck စံးဝဲဒၣ်, “အဝဲသ့ၣ်အထူအထံး ကလုာ်ဒူၣ် မုၣ်ခွါတၢ်ပာ်ပနီၣ်သ့ၣ်တဖၣ်အိၣ်ဒ်လဲၣ်ဂ့ၤန့ၣ် အတွးတအိၣ်ဘၣ်, ပဟ့ၣ်လီၤအဝဲသ့ၣ် တၢ်လီၢ်လၢအပှဲၤဒီးတၢ်ပူၤဖျဲးတတီၤန့ၣ်လီၤ. မ့ၢ်ဝဲတၢ်ပူၤဖျဲးအလီၢ်တတီၤလၢပှၤကိးဂၤကဟဲဒီးမၤန့ၢ်ဝဲ Justice of the Peace အတၢ်မၤစၢၤန့ၣ်လီၤ.”
နဘၣ်သ့ၣ်နီၣ်ထီၣ်အီၤတခါန့ၣ် မ့ၢ်ဝဲဖဲနကွၢ်ဃုဒိလီၤ ‘find a JP’ အခါ နကွၢ်ဃု Document Signing Centre တၢ်လီၢ်လၢအဘူးဒီးနၤတတီၤတီၤသ့ဝဲဒၣ်န့ၣ်လီၤ.
ဒ်သိးကသ့ၣ်ညါအါထီၣ်တၢ်ဂ့ၢ်တၢ်ကျိၤလၢအကါဒိၣ်သ့ၣ်တဖၣ်အဂီၢ် ဒီး တၢ်ဟ့ၣ်ကူၣ်ဟ့ၣ်ဖးလၢ နတၢ်အိၣ်မူအသီဖဲအီစထြ့လယါကီၢ်ပူၤအဂီၢ် Subscribe မ့တမ့ၢ် follow အီစထြ့လယါကီၢ်အဂ့ၢ်အကျိၤ Australia Explained တၢ်ကလုၢ်တက့ၢ်.
နတၢ်သံကွၢ်အိၣ်တမံၤမံၤဧါ? မ့တမ့ၢ် နတၢ်ဆိကမိၣ်အိၣ်လၢ တၢ်ဂ့ၢ်ခိၣ်တီ တခါခါဂီၢ်ဧါ? နဆှၢန့ၢ်ပှၤလီပရီ အံမ့လ် ဖဲ australiaexplained@sbs.com.au အပူၤသ့ဝဲန့ၣ်လီၤ.
