ပဒိၣ်ပာ်ကတီၤဃာ်ဝဲဒၣ် စ့လၢကသူဝဲဒၣ်အီၤ လၢကမၤဂ့ၤထီၣ် ပှၤနုာ်ကီၢ်တၢ်ရဲၣ်တၢ်ကျဲၤသနူအဂီၢ်, လၢအစံးဝဲဒၣ်လၢ ကမၤစှၤထံကီၢ်အံၤ တၢ်လိၣ်ဘၣ်ပှၤမၤတၢ်ဖိလၢအအိၣ်ဒီးတၢ်သ့တၢ်ဘၣ်ဒီး သူၣ်ထီၣ် တၢ်မၤလီၢ်လၢအအိၣ်ဒီး တၢ်တုၤထီၣ်ထီၣ်ဘးလၢအဂ့ၤန့ၣ်လီၤ.
ပဒိၣ်ကဟ့ၣ်လီၤဝဲဒၣ် တၢ်အိၣ်ဆိးလီၤဆိးလံာ်ခီကီၢ်ကျဲခီ လၢပှၤစိာ် Temporary Protection ((TPV, subclass 785)) သ့ၣ်တဖၣ်အဂီၢ် ဒီး ပှၤစိာ် Safe Haven Enterprise ((SHEV, subclass 790)) လံာ်ကီၢ် လၢအပတံထီၣ်လံာ်ခီကီၢ်အံၤ တချုး တနံၣ်အံၤ လါဖ့ၤဖြူၤအါရံၤ ၁၄သီ ဒ်ဘၣ်သ့ၣ်တဖၣ်န့ၣ်လီၤ.
ဆူမဲာ်ညါကျိၣ်စ့နံၣ်အတီၢ်ပူၤ တၢ်ကကွၢ်သမံသမိးကဒါက့ၤ တၢ်ဒီသဒၢလံာ်ခီကီၢ် လၢတၢ်ပတံထီၣ်အီၤတဖျိဘၣ်သ့ၣ်တဖၣ် အဂီၢ် ပှၤနုာ်ကီၢ်တၢ်သမံသမိးဂ့ၢ်ဝီပှၤဘၣ်မူဘၣ်ဒါ — Immigration Assessment Authority ကဒိးန့ၢ်ဘၣ်ဝဲစ့ဒီလိၣ် ၄ကကွဲၢ် န့ၣ်လီၤ.
Asylum Seeker Resource Centre's—ပှၤဃ့လီၢ်အိၣ်ကဒုတၢ်ဂ့ၢ်တၢ်ကျိၤဝဲၤလီၢ် Advocacy and Campaigns ဂ့ၢ်ဝီ ပှၤပၢဆှၢတၢ်အခိၣ်ဒိၣ် Ja Favero စံးလၢ အဝဲတူၢ်လိာ်မုာ် တၢ်ဂ့ၢ်အံၤန့ၣ်လီၤ.
ဘၣ်ဆၣ်သနာ်က့ အဝဲစံးလၢ ပှၤလၢအဃ့ထီၣ်လီၢ်အိၣ်ကဒုဖဲအံၤသ့ၣ်တဖၣ် နုာ်လီၤဃ့ထီၣ် ပှၤဂ့ၢ်ဝီ တၢ်ဆီၣ်ထွဲမၤစၢၤတန့ၢ်ဒ်ဘၣ်န့ၣ်လီၤ.
