ပှၤဟီၣ်ခိၣ်ဖိခွဲးယာ်သဲစးဂ့ၢ်ဝီပှၤသ့ပှၤဘၣ်စဲၤနီၣ်သ့ၣ်တဖၣ် ဃ့ထီၣ်ဝဲကီၢ်စၢဖှိၣ်ပဒိၣ်လၢ အကဒုးအိၣ်ထီၣ်ကီၢ်စၢဖှိၣ်ပှၤဟီၣ်ခိၣ်ဖိခွဲးယာ်သဲစးတၢ်ဘျၢန့ၣ်လီၤ. ပှၤသ့ပှၤဘၣ်စဲၤနီၣ်သ့ၣ်တဖၣ် စံးဝဲလၢ တၢ်အံၤမ့ၢ်တၢ်ခွဲးတၢ်ယာ်ဖးဒိၣ်တခါ လၢကဒုးအိၣ်ထီၣ်သဲစးတၢ်ဘျၢအံၤအဂီၢ်န့ၣ်လီၤ.
တၢ်ကလုၢ်တဖၣ်: https://www.sbs.com.au/language/karen/kar/collection/podcast/0ms9u5vjn
တၢ်ဃ့ထီၣ်အံၤ ကဲထီၣ်အသးဖဲလၢ တၢ်ပာ်ဖျါအသီတခါ ပဲၤဖးနီၤဖးဝဲ အီစထြ့လယါကီၢ် အတၢ်ကျဲးစၢးလၢ ကဒုးအိၣ်ထီၣ်သဲစးတၢ်ဘျၢအံၤ အိၣ်လံအနံၣ်ယဲၢ်ဆံလံ သနာ်က့ ဘၣ်သဂၢၢ်ဒီး ထံရူၢ်ကီၢ်သဲး အတၢ်ထီဒါဒီး တၢ်ဂ့ၢ်တၢ်ကျိၤကမၣ်သ့ၣ်တဖၣ်န့ၣ်လီၤ.
ဖဲတၢ်ဒုးဖးဒိၣ် ခံဘျီတဘျီဝံၤ ၁၉၄၈နံၣ် ဘီမုၢ်စၢဖှိၣ်ကရၢတၢ်အိၣ်ဖှိၣ်ဖးဒိၣ် —UN General Assembly အပူၤန့ၣ် ထံကီၢ်ဖဲဘီမုၢ်စၢဖှိၣ်ကရၢအပူၤသ့ၣ်တဖၣ်ပာ်လီၤဝဲ Universal Declaration of Human Rights န့ၣ်လီၤ.
အတၢ်ပညိၣ်န့ၣ် မ့ၢ်ဒ်သိး ကဒုးအိၣ်ထီၣ်ဝဲ တၢ်ပာ်ပနီၣ်အပတီၢ်ဒ်သိးသိးတခါ လၢအအိၣ်ဒီးတၢ်တုၤထီၣ် ထီၣ်ဘးလၢ ပှၤကညီခဲလၢာ်အဂီၢ်ဒီး ထံကီၢ်ကိးဘ့ၣ်ဒဲးအဂီၢ် ဖဲထံဂုၤကီၢ်ဂၤသဲစးတၢ်ဘျၢအဖီလာ်န့ၣ်လီၤ.
Share
