2019 оны албан ёсны статистик тоон мэдээллээр Австралийн дотоодын нийт орлогын 35 хувь, нийт ажлын байрны 50 орчим хувийг жижиг бизнесүүд дангаар бүрдүүлж байна. Энэ ч утгаараа Австралийн эдийн засгийн үндсэн тулгуур нь жижиг бизнесүүд болоод байгаа.
Харин коронавирусийн цар тахал бизнесүүдийн үйл ажиллагаанд хүнд цохилт үзүүлж буй ч нөгөө талдаа үүнийг боломж болгон харж буй хүмүүс нэмэгдэх болсон байна. Нэн ялангуяа, хөл хорионы энэ цаг үед хэрэглэгчдийн эрэлтийг мэдэрч чадсан бүтээгдэхүүнүүд эзэддээ ашиг авчрах боломж өндөр гэдгийг мэргэжилтнүүд хэлж буй.
