Сошиал медиа компаниуд өөрсдийн платформ дахь хор хөнөөл учруулж болох контентыг хэрхэн хянаж, зохицуулдаг талаар Антисемитизм болон нийгмийн эв нэгдлийн асуудлаар Royal Commission-д тайлбар өгчээ. Гэвч мэргэжилтнүүдийн хэлж буйгаар, энэ үйл явц яг хэрхэн явагддаг талаар бидэнд бүрэн мэдээлэл байхгүй хэвээр байна.
Queensland-ын Технологийн Их Сургуулийн Дижитал медиа судалгааны төвийн профессор Даниел Ангус SBS Examines-д ярихдаа, сошиал медиа дахь контентын хяналт, зохицуулалтын дийлэнх нь олон нийтэд ил тод бус явагддаг гэжээ.
Мөн Австралийн одоогийн хууль тогтоомжийн дагуу платформууд үзэн ядсан контент тархахаас урьдчилан сэргийлэх үүрэг хүлээдэггүй байна.
Платформууд үндсэндээ хүссэн зүйлээ хийх эрх чөлөөтэй байна.Профессор Даниел Ангус, Queensland-ын Технологийн Их Сургуулийн Дижитал медиа судалгааны төвийн захирал
Холбооны Засгийн газар Digital Duty of Care буюу цахим орчинд аюулгүй байдлыг хангах үүргийг хуульчлахаа мэдэгдсэн. Ингэснээр хор хөнөөл учруулж болох болон үзэн ядсан өнгө аястай контентыг тархахаас нь өмнө урьдчилан сэргийлэх хариуцлагыг сошиал медиа компаниудад хүлээлгэх юм.
Гэвч уг зохицуулалтыг боловсруулах ажил үргэлжилж байгаа бөгөөд Royal Commission-ын сонсголоор хууль хэрэгжиж эхлэх хүртэл бараг хоёр жилийн хугацаа шаардагдаж болзошгүйг дурджээ.
Энэ долоо хоногийн SBS Examines: Нийгмийн сүлжээнд үзэн ядсан өнгө аястай контент тархахаас сэргийлэх нь хэний үүрэг вэ. Үүнийг ер нь таслан зогсоох боломжтой юу сэдвийг хөндлөө.
Энэ дугаарыг SBS Punjabi-тай хамтран бэлтгэв.
Та Монгол хэлээр илүү олон подкаст сонсмоор байна уу?
Манай Facebook хуудсыг дагаж, Apple Podcast, Spotify сувагт бидэнтэй нэгдээрэй. Мөн долоо хоног бүрийн Мягмар гарагт 2-3 цагийн хооронд SBS 3-р сувгаар Монгол хэл дээрх хөтөлбөрөө хүлээн авч сонсоорой.
