Австралийн статистикийн хорооноос гаргасан мэдээллээс харвал муж, нутаг дэвсгэрүүд коронавирусийн эсрэг хязгаарлалтуудаа бууруулж буйтай холбоотой өрхийн зарцуулалт 9.7 хувиар огцом нэмэгдсэн нь өнгөрсөн улирлын өсөлтөд хүчтэй нөлөөлсөн байна.
Хил хааснаас хойш Австраличуудын дотооддоо зарцуулах мөнгөн дүн нэмэгдэж байгаатай холбоотойгоор бизнесүүдийн борлуулалт ч өсөх болсон байна. Гэвч JobKeeper болон JobSeeker хөтөлбөрийн санхүүгийн нөхөн олговор зогсвол борлуулалт нь буурах вий гэдэгт бизнесүүд болгоомжтой хандаж байна.
