Австралид Working Holiday визээр ирсэн анхны Монгол хүнтэй ярилцлаа

Энэ визээр хоёр Монгол залуу ирсний нэг нь Л.Төрбат юм.

Working Holiday визээр ирсэн анхны Монголчуудын нэг Л.Төрбат

Тэднийг Австралид буухад нь Queensland муж дахь Монголчуудын холбооны тэргүүн Б.Оюунцэцэг монгол улсынхаа далбааг барин угтаж авчээ.

Credit: Queensland муж дахь Монголчуудын холбоо

Австрали улс 1991 оноос хойш 70 гаруй орны 30000 гаруй залууст Working Holiday виз олгож, сурч, ажиллаж, амьдрах боломж олгожээ. Монгол Улс энэ хөтөлбөрт шинээр орсон 47 дахь орон болж байна. Ажиллангаа амрах визээр ирж буй хүмүүс орон нутгийн бизнесүүдэд тулгарсан ажиллах хүчний хомсдлоос гарахад гол түлхэц болох юм. Тэд хөдөө аж ахуй, эрүүл мэнд, зочлох үйлчилгээний салбарт ажиллах бөгөөд хажуугаар нь сурах, аялах боломжтой. Уг хөтөлбөрийн дагуу Австралийн “Work and Holiday 462” визэнд мэдүүлэхээр монголын 204 иргэн Гадаад харилцааны яамны Консулын газраас “Засгийн газрын баталгаат захидал”-аа авсан хэмээн Монгол улсаас Австрали улсад суугаа элчин сайдны яамны цахим хуудсанд мэдээллэжээ.

Австралид ирээд удаагүй байгаа шинэхэн Монголчууд ес хоногийн сургалтад хамрагдаж, Австралийн соёл, ажлын байрны хууль дүрэмтэй танилцлаа. Тэднийг QLD мужид адууны аж ахуйд дадлага хийж байх үед нь SBS Mongolian ярилцлага авсан юм.

Эхний ээлжинд ирсэн 100 залуус визний нөхцлөө зөрчилгүй, Австралийн хууль дүрмийн дагуу ажиллаж амьдарвал ирэх жилүүдэд Монголчудад олгох квотыг нэмж болох тухайд бид Элчин сайд Д.Даваасүрэн өмнө нь бидэнд өгсөн ярилцлагаа дурдаж байсан.