Австрали дахь Монгол наадам| Сидней хотын анхны сурын харваатай наадам

Австралийн Сидней хотод болсон анхны сурын харваан тэмцээнд нийт 22 харваач цэц мэргэнээ сорьжээ. Эрэгтэй харвааны төрөлд Аймгийн мэргэн, спортын мастер Т.Батхуяг тэргүүн байр эзэлсэн юм. Тэрээр ид харваж байсан үедээ спортоо орхин Австралид ирсэн бөгөөд зургаан жилийн дараа Монгол нум сумаа барин наадмын дэвжээнд сум тавьсандаа сэтгэл огшин байснаа бидэнтэй хуваалцсан юм. Ингээд түүний наадмын сэтгэгдэл, Монгол сур харвааны тухай хийсэн ярилцлагыг хүлээн авна уу.

Австралид анх удаа Монгол сурын харваатай наадам боллоо.

Сур харвааны тэмцээнийг анх Queensland мужийн Монголчууд Австралид зохиог байгуулж байсан бөгөөд энэ жилээс эхлэн Сидней хотод мөн сурын харваатай нааддаг боллоо.

Энэхүү анхны наадмын эрэгтэйчүүдийн төрөлд Говьсүмбэр аймаг, Жахарай мэргэд холбооны харваач, аймгийн мэргэн, спортын мастер Т.Батхуяг (20 сумнаас 11 онож) түрүүллээ.

Харин эмэгтэйчүүдийн төрөлд Говьсүмбэр аймаг, Жахарай мэргэд холбооны харваач, аймгийн гарамгай мэргэн харваач, спортын мастер Н.Энхзул (20 сумнаас 13 онож) тэргүүн байрыг эзэлжээ.

Австрали дахь анхны сур харвааны тэмцээний эрэгтэй, эмэгтэй харваанд түрүүлсэн харваачид, Сидней хот, 2023 оны 7-р сарын 9. Credit: З.Насанжаргал

Эмэгтэй сур харваачдын эхний 3 байрын харваачид, ивээн тэтгэгч компанийн төлөөллийн хамт Credit: З.Насанжаргал

Сур харваанд нийт эрэгтэй эмэгтэй 22 харваач цэц мэргэнээ сорьлоо. Credit: З.Насанжаргал

Нийт 20 нум, 100 сум, хоромсог, эрхийвч, хасаа гээд иж бүрдлээр нь Монголоос авч иржээ. Credit: З.Насанжаргал

Ийнхүү Монголын эрийн гурван наадмын хоёрыг бид Австралид яг л эх орондоо байгаа мэт хийх боломжтой болж байна.

Наадам тэмдэглэсэн муж бүхэнд бөхийн барилдаан болсон бол Queensland болон New South Wales мужийн наадам ийнхүү сур харвааны тэмцээнийг зохион байгуулдаг боллоо.

LISTEN TO

Австрали дахь Монгол наадмын тусгай дугаар|Үндэсний бөхийн өв тээгчид

SBS Mongolian

12:54Mongolian