Энэхүү онцгой эрхийн хүрээнд Австралийн үзэгчид Хөлбөмбөгийн ДАШТ-2026™-ын бүх тоглолтыг буюу нийт 104 тоглолтыг үнэ төлбөргүй, шууд үзэх боломжтой болно.
Энэхүү хэлэлцээр нь FIFA болон SBS хоорондын 40 жилийн хамтын ажиллагааг баталгаажуулсан (1986-2026) бөгөөд SBS бол Австралид хөл бөмбөгийн шууд дамжуулалтын эх нутаг юм гэдгийг баталлаа.
Хөлбөмбөгийн ДАШТ-2026 оны 6, 7-р саруудад Канад, Мексик, Америк улсуудад дамнан өрнөх юм. Дэлхийн хөл бөмбөгийн холбоо FIFA удахгүй болох ДАШТ-нд нийт 48 улсын шигшээ баг өрсөлдөж, 104 тоглолт болохыг зарласан.
Дэлхийн хамгийн олон үзэгчдтэй энэхүү спортын арга хэмжээг Австралид SBS, SBS VICELAND, SBS On Demand сувгуудаар үнэ төлбөргүй шууд дамжуулах юм.
Холбоотой мэдээ:
А.Мөрөн: Спорт бол сахилга бат дээр л тогтдог
SBS-ийн Managing Director James Taylor “Хөлбөмбөг бол SBS-ийн генийн нэг хэсэг юм” гэсэн юм.
"SBS бараг 40 жилийн турш Австралийн телевизийн хөлбөмбөгийн эх орон байсан бөгөөд бид 2026 оны тэмцээнийг Хойд Америкаас шууд дамжуулах болсоноо зарлахад үнэхээр таатай байна. Өмнөх тэмцээнүүдээс илүү олон багтай, илүү олон тоглолттой, илүү олон үзэгчдийг татсан тэмцээн байх болно.” хэмээн ярьжээ.
Холбоотой мэдээ:
SBS Learn English#24 Хөл бөмбөгийн тухай ярих | FIFA World Cup
SBS 2022 оны Хөлбөмбөгийн ДАШТ-ийг Катар улсаас амжилттай шууд дамжуулснаар Австраличуудын дэлхийн томоохон тэмцээний шууд хүлээн авч үзэх шинэ стандарттай болсон юм.
2022 оны Хөлбөмбөгийн ДАШТ-ий гайхалтай дамжуулалтын үед SBS тэмцээнийг бүрэн эхнээр нь болон хураангуйлсан, тоймлосон хэмжээгээр үзэгчдэд хүргэж байв. SBS On Demand-ийн бэлтгэсэн хүргэсэн "мини тоглолт"-ын тоймыг 80 сая гаруй цагын үзэлттэй байлаа. Энэ үзэлтийн гуравны нэг орчим нь дижитал хэрэглэгчид байсан юм.
Холбоотой мэдээ:
Өвлийн FIFA World Cup 2022| Сорилт ба Боломж
SBS Спорт сувгийн захирал Ken Shipp хэлэхдээ "Бид хөлбөмбөгийн оюун санааны өлгий нутаг гэдгээрээ үнэхээр бахархаж байгаа бөгөөд энэхүү гэрээ нь FIFA болон SBS хоорондын 40 жилийн гайхалтай хамтын ажиллагааг бэхжүүлж байна" гэжээ.
“2026 онд бид онцгой сурвалжлагуудаараа Дэлхийн шилдэг тоглолтуудыг дахин дамжуулан хүргэх болно. Хойд Америкт болох тэмцээн нь түүхэн дэх хамгийн том хөлбөмбөгийн дэлхийн аварга шалгаруулах тэмцээн болох бөгөөд SBS 104 тоглолтыг бүх Австраличуудад шууд, үнэ төлбөргүй дамжуулах болно."
Холбоотой мэдээ:
ОРШИН СУУХ ХӨТӨЧ: АВСТРАЛИЙН ХАМГИЙН НИЙТЛЭГ СПОРТЫН ТӨРЛҮҮД
