आजको अपडेट
सङ्घीय स्वास्थ्य मन्त्री ग्रेग हन्टले बताए कि सङ्क्रमण सङ्ख्या ९०% ले घटेको छ।
त्यस्तै, अस्पताल भर्ना हुनेहरूको सङ्ख्या पनि केही समय अगाडीको तुलनामा आधाभन्दा बढी कम भएको छ।
क्वीन्सल्यान्ड
क्वीन्सल्यान्डमा शुक्रबार मार्च ४ तारिखको साँझ ६ बजेदेखि अधिकांश स्थलहरूमा मास्क अनिवार्य हुने छैन। अस्पताल, वृद्ध हेरचाह केन्द्र, अशक्तता आवास, जेल, विमानस्थल, सार्वजनिक यातायात र विमानहरूमा भने मास्क लगाउनु पर्छ।
सोही दिनदेखि क्वीन्सल्यान्डमा एउटा ठाउँमा एक समयमा भेला हुन पाउने मानिसहरूको सङ्ख्या सीमा पनि हटाइने छ।
क्वीन्सल्यान्डका अधिकारीहरूले नियमित गर्ने गरेको कोभिड-१९ पत्रकार सम्मेलन मार्च महिनादेखि बन्द गरिने छ।
भिक्टोरिया
भिक्टोरियामा २५ फेब्रुअरी शुक्रबार राति ११:५९ बजेदेखि कार्यस्थल र घरबाट पढ्ने सम्बन्धी स्वास्थ्य सल्लाह हटाइने छ र धेरै स्थानमा मास्क लगाउन अनिवार्य रहने छैन।
सार्वजनिक यातायात, ट्याक्सी र राइडसेयर, विमान, विमानस्थल, अस्पताल र स्वास्थ्य सेवा केन्द्रहरूमा भने मास्क लगाउनु पर्छ।
विद्यालयहरूमा माध्यमिक तहका विद्यार्थीहरूले मास्क लगाउन अनिवार्य हुँदैन। कक्षा ३ देखिएका विद्यार्थी, बाल हेरचाह केन्द्र र प्राथमिक विद्यालयहरूमा भने फेस मास्क लगाउनु पर्दछ। पाँच देखि ११ वर्षका बालबालिका खोप लगाएको दर कम भएको हुनाले यो नियम लागु गरिएको हो।
त्यस्तै, आतिथ्य र रिटेल स्थलहरू, अदालत र न्याय तथा सुधार केन्द्रहरूमा मास्क अनिवार्य हुन्छ।
आउँदो हप्तादेखि भिक्टोरियाका अस्पतालहरूमा सबै शल्यक्रियाहरू गर्न पाइने छन्।
कोभिड-१९ सम्बन्धी पछिल्ला अस्ट्रेलियाली तथ्याङ्कहरू
न्यु साउथ वेल्समा पछिल्लो २४ घण्टे गणना अवधिमा ८,७५२ नयाँ सङ्क्रमण पुष्टि हुनुका साथै १४ जनाको ज्यान गएको छ। १,२९३ जनाको अस्पतालमा उपचार भइरहेको छ जस मध्य ७१ जना आइसियुमा छन्।
भिक्टोरियामा ६,७८६ नयाँ सङ्क्रमण पुष्टि हुँदै १४ जनाको ज्यान गएको छ। ३४५ जना अस्पतालमा छन् जस मध्य ४८ जना आइसियुमा र ८ जनालाई भेन्टिलेटरमा राखिएको छ।
क्वीन्सल्यान्डमा ५,५८३ नयाँ सङ्क्रमणसँगै ५ जनाको ज्यान गएको छ। ३९४ जना अस्पतालमा छन् र ३४ जनाको आइसियुमा उपचार भइरहेको छ।
टास्मेनियामा ८२० नयाँ सङ्क्रमित पुष्टि भएका छन् भने पछिल्लो २४ घण्टे गणना अवधिमा कोरोनाभाइरसका कारण कसैको ज्यान गएको छैन। ११ जनाको अस्पतालमा उपचार भइरहेको छ जस मध्य २ जना आइसियुमा छन्।
अस्ट्रेलियन क्यापिटल टेरिटरीमा ५८३ नयाँ सङ्क्रमित पुष्टि भएका छन्। ४१ जना अस्पतालमा छन् र एक जनाको आइसियुमा उपचार भएको छ।
कोभिड-१९ खोपका बारेमा तपाईँको भाषामा जानकारी
प्रत्येक राज्य तथा प्रदेशमा रहेका परीक्षण क्लिनिकहरू
ऱ्यापिड एन्टीेजेन परीक्षण (ऱ्याट) नतिजा दर्ता गर्न राज्यहरूले बनाएको अनलाइन फारम
- भिक्टोरिया
- न्यु साउथ वेल्स
- क्वीन्सल्याण्ड
- साउथ अस्ट्रेलिया
- टास्मेनिया
- नर्दर्न टेरिटरी
- अस्ट्रेलियन क्यापिटल टेरिटरी
विभिन्न राज्य तथा प्रदेशहरूमा हाल लागू क्वारेन्टिन नियम तथा अन्य प्रतिबन्धहरु बारे थाहा पाउन यहाँ थिच्नुहोस्।
कोभिड-१९ सम्बन्धि आर्थिक सहायता बारे आधिकारिक जानकारी नेपाली भाषामा पाउन यहाँ थिच्नुहोस्। थप जानकारी यहाँ उपलब्ध छ।
कोभिड-१९ सम्बन्धी शब्दावली नेपाली तथा अन्य भाषामा पाउन यहाँ थिच्नुहोस्।
६० वटाभन्दा बढी भाषामा समाचार र जानकारी यहाँ उपलब्ध छ sbs.com.au/coronavirus
