- न्यु साउथ वेल्सको बाइरन बेमा एक कोभिड-१९ सङ्क्रमण पुष्टि भए पछि, क्वीन्सल्यान्डले उक्त राज्यसँग जारी गर्न लागेको यात्रा योजनाको समीक्षा गर्ने, क्वीन्सल्यान्डकी प्रिमियर एनेस्टेसिया पलाशेले बताएकी छिन्।
- कोभिड-१९ को बारेमा विदेशमा रहेका मानिसहरूले गलत जानकारीहरू दिइरहेको भन्दै, नर्दन टेरिटरीमा मुख्यमन्त्री माइकल गनरले बासिन्दाहरूलाई परम्परागत वरिष्टहरूको कुरा सुन्न आग्रह गरेका छन्।
- भिक्टोरियामा कोभिड-१९ खोपको पूर्ण मात्रा लगाउने मानिसहरूको सङ्ख्या ९०% पुगेको छ। त्यस्तै, प्रतिबन्धहरू हट्दै गर्दा भिक्टोरियाली प्रिमियर डानियल एन्ड्रुजले मानिसहरूलाई कोभिड-१९ नियमहरूको पालना गर्दै, रिटेल तथा सेवा प्रदायक कर्मचारीहरूसँग राम्रो व्यवहार गर्न आग्रह गरेका छन्।
- टेम्पररी ग्राजुवेट भिसा (सबक्लास ४८५) भए तापनि अस्ट्रेलियाको अन्तराष्ट्रिय सीमा प्रतिबन्धका यहाँ प्रवेश गर्न नपाएका मानिसहरूले एक प्रतिस्थापन भिसाको (replacement visa) लागि आवेदन हाल्न पाउने छन्।
कोभिड-१९ तथ्याङ्क
भिक्टोरियामा १,२५४ सामुदायिक कोरोना भाइरस सङ्क्रमण हुनुका साथै पाँचजनाको मृत्यु भएको छ।
न्यु साउथ वेल्समा २७६ सामुदायिक सङ्क्रमण फेला परेका छन्।
अस्ट्रेलियन क्यापिटल टेरिटरीमा आठ जना, र नर्दन टेरिटरीमा एक जनामा सङ्क्रमण देखा परेको छ।
प्रत्येक राज्य र टेरिटरी अनुसार क्वारेन्टिन नियम र प्रतिबन्धहरू
यात्रा
अन्तर्राष्ट्रिय उडान सम्बन्धी नियमहरू नियमित रूपमा सरकारले समीक्षा गर्ने गरेको छ। यस बारे विभिन्न भाषामा अद्यावधिक जानकारी स्मार्ट ट्राभेलर वेबसाइट मार्फत प्राप्त गर्न सक्नुहुन्छ।
महामारी विपद् भुक्तानी बारे राज्य तथा प्रादेशिक जानकारी
कोभिड-१९ डिजास्टर पेमेन्ट भनिने कोरोनाभाइरस विपद्का बेला साप्ताहिक हुने भुक्तानी सङ्घीय सरकारद्वारा हटस्पट भनी पहिचान गरिएका स्थानका योग्य बासिन्दाहरूका लागि उपलब्ध छ।
यस बारे अस्ट्रेलिया सरकारको वेबसाइटमा थप जानकारी ६० भन्दा बढी भाषाहरूमा यहाँ पाउन सकिन्छ र बहुभाषिक टेलिफोन सेवाका लागि १३१ २०२ मा फोन गर्न सकिन्छ।
- न्यु साउथ वेल्स
- भिक्टोरिया
- एसीटी
- नर्दर्न टेरिटरी
- क्वीन्सल्यान्ड
- साउथ अस्ट्रेलिया
- टास्मेनिया
- वेस्टर्न अस्ट्रेलिया
- कोभिड-१९ सम्बन्धी पछिल्ला समाचार तथा जानकारी ६० भन्दा बढी भाषामा यहाँ उपलब्ध छ।
- तपाईँको राज्य वा क्षेत्रका लागि सान्दर्भिक निर्देशनहरू हेर्नुहोस्: न्यु साउथ वेल्स, भिक्टोरिया, क्वीन्सल्यान्ड, वेस्टर्न अस्ट्रेलिया, साउथ अस्ट्रेलिया, नर्दर्न टेरिटरी, एसीटी, टास्मेनिया ।
- नेपाली भाषामा कोरोनाभाइरस विरुद्धको खोप बारे जानकारी यहाँ उपलब्ध छ।
