कोभिड-१९ अपडेट: भिक्टोरियामा ५७१ जना अस्पतालमा, न्यु साउथ वेल्समा आइसीयु भर्नामा कमी

यो शुक्रबार मे २७ तारिखको अस्ट्रेलियाको कोरोनाभाइरस अपडेट हो।

People cross Bourke Street Mall in Melbourne, Sunday, March 20, 2022. (AAP Image/Diego Fedele) NO ARCHIVING

People cross Bourke Street Mall in Melbourne. (file) Source: AAP Image/Diego Fedele

शुक्रबारसम्मको २४ घण्टे गणना अवधिमा अस्ट्रेलिया भर २८ जनाको कोभिड-१९ का कारण ज्यान गएको छ। ती मध्य न्यु साउथ वेल्समा नौ जना, भिक्टोरियामा नौ जना, क्वीन्सल्यान्डमा सात जना र वेस्टर्न अस्ट्रेलियामा पहिलो पटक ११ जना थिए। 

भिक्टोरियामा ५७१ जनाको सङ्क्रमणका कारण अस्पतालमा उपचार भइरहेको छ, जुन अप्रिल चार तारिखदेखिको सबैभन्दा अधिक सङ्ख्या हो। वेस्टर्न अस्ट्रेलियामा गत तीन हप्ताको अवधिमा पहिलो पटक १०,००० नयाँ सङ्क्रमण पुष्टि भएका छन्। 

न्यु साउथ वेल्समा सङ्क्रमणका कारण ३४ जनाको आइसीयुमा उपचार भइरहेको छ, जुन गत चार अप्रिलदेखि सबैभन्दा कम सङ्ख्या हो। 

कोभिड-१९ का पछिल्ला सङ्क्रमण, अस्पताल भर्ना तथा मृतक सङ्ख्या बारे जानकारी यहाँ उपलब्ध छ।
साउथ अस्ट्रेलियाले शनिबार मे २८ तारिखमा सामुदायिक खोप लगाउने दिनको आयोजना गर्दै छ। केही स्थानीय काउन्सिल र अस्ट्रेलियन रेड क्रसले कोभिड-१९ खोप क्लिनिकसम्म जानलाई मद्दत चाहिने मानिसहरूका लागि निःशुल्क यातायातको व्यवस्था गर्ने छ। 

न्यु साउथ वेल्सको साप्ताहिक कोभिड-१९ र इन्फ्लुएन्जाको रिपोर्टमा पीसीआर परिक्षणको दर ७.१ % ले घटेको पाइएको छ। उक्त रिपोर्ट अनुसार राज्यमा कोभिड-१९ सङ्क्रमण स्थिर छ भने इन्फ्लुएन्जाका केसहरू बढिरहेका छन्। 

सिड्नीको सीबीडीमा गत १० दिन भित्र गएका मानिसहरूलाई लिजनेयर्स रोगका लक्षणका लागि ध्यान दिन न्यु साउथ वेल्स हेल्थले आह्वान गरेको छ। 

ब्याक्टेरिया सम्बन्धी यो रोग लागेका पाँच जना व्यक्तिहरूले गत तीन हप्तामा सीबीडीमा समय बिताएका थिए। उनीहरूको अहिले निमोनियाका लागि अस्पतालमा उपचार भइरहेको छ। 

लिजनेयर्स रोगका लक्षणहरू मध्य ज्वरो आउने, चिसो महसुस हुने, खोकी लाग्ने र सास फेर्न गाह्रो हुने हुन्। लक्षणहरू देखिन करिब १० दिन लाग्न सक्छ।

ऱ्यापिड एन्टीेजेन परीक्षण (ऱ्याट) नतिजा दर्ता गर्न राज्यहरूले बनाएको अनलाइन फारम

विभिन्न राज्य तथा प्रदेशहरूमा हाल लागू क्वारेन्टिन नियम तथा अन्य प्रतिबन्धहरु बारे थाहा पाउन यहाँ थिच्नुहोस्

अस्ट्रेलिया आउन चाहने अन्तर्राष्ट्रिय यात्रुहरूका लागि उपलब्ध पछिल्लो आधिकारिक जानकारीका लागि यहाँ थिच्नुहोस्

कोभिड-१९ सम्बन्धि आर्थिक सहायता बारे आधिकारिक जानकारी नेपाली भाषामा पाउन यहाँ थिच्नुहोस्



कोभिड-१९ खोपबारे जानकारी


प्रत्येक राज्य तथा प्रदेशमा रहेका परीक्षण क्लिनिकहरू


Share

Published


Share this with family and friends


Download our apps
SBS Audio
SBS On Demand

Listen to our podcasts
Independent news and stories connecting you to life in Australia and Nepali-speaking Australians.
Stories about women of Nepali heritage in Australia who are about to become parents.
Get the latest with our exclusive in-language podcasts on your favourite podcast apps.

Watch on SBS
Nepali News

Nepali News

Watch it onDemand