बिहीबारका दिन अस्ट्रेलियामा कम्तीमा पनि ४६ जनाले कोरोनाभाइरसका कारण ज्यान गुमाएका छन्।
मृत्यु हुनेमा न्यु साउथ वेल्सका २२ जना, १४ जना भिक्टोरियाका र पाँच जना साउथ अस्ट्रेलियाका बासिन्दा छन्।
वेस्टर्न अस्ट्रेलियामा आज कोरोनाभाइरस महामारी सुरु भए यताकै सबैभन्दा बढी सङ्क्रमित थपिएका छन्।
राज्यका अस्पतालमा ३०० मानिस कोरोनाभाइरसको उपचार गराइरहेका छन् भने राज्यमा यस अघि सङ्क्रमणका कारण ज्यान गुमाएका ६ जनाको रेकर्ड पनि आज दर्ता गरिएको छ।
यता एसीटीमा पनि अस्पताल भर्ना हुनेको सङ्ख्या ८२ पुगेको छ। यो सङ्ख्या दुई महिना यताकै बढी हो।
अस्ट्रेलियाली तथ्याङ्क विभागले सार्वजनिक गरेको पछिल्लो एक रिर्पोटमा मानिसहरूले कोभिड–१९ को फैलावट विरुद्ध कम सावधानी अपनाइरहेको देखिएको छ।
१९ देखि २८ अप्रिलसम्म गरिएको एक सर्वेक्षणले केवल ७८ प्रतिशत मानिसहरूले मात्र फेस मास्कको प्रयोग गर्ने गरेको बताएका छन्। जबकि फेब्रुअरीमा यो सङ्ख्या ९८ प्रतिशत रहेको थियो।
अस्ट्रेलियाको स्वास्थ्य विभागले सन् २०२२ को मे १८ तारिख तीन बजेसम्म अस्ट्रेलियामा कोभिड–१९ सङ्क्रमित भएकाको सङ्ख्या ६७ लाख पुगेको र हालसम्मको मृत्यु सङ्ख्या ७,९२६ रहेको बताएको छ।
कोभिड–१९ सङ्क्रमितको औसत उमेर ३१ वर्ष रहेको छ भने मृत्यु हुनेको औसत उमेर ८३ वर्ष रहेको छ।
यता सङ्घीय चुनावको केही दिन अघि मात्र वान नेशनकी नेतृ पाउलिन ह्यान्सन कोरोनाभाइरसबाट सङ्क्रमित बनेकी छन्। उनले कोभिड–१९ खोप नलगाएको बताइएको छ।
ऱ्यापिड एन्टीेजेन परीक्षण (ऱ्याट) नतिजा दर्ता गर्न राज्यहरूले बनाएको अनलाइन फारम
- भिक्टोरिया
- न्यु साउथ वेल्स
- क्वीन्सल्याण्ड
- साउथ अस्ट्रेलिया
- टास्मेनिया
- नर्दर्न टेरिटरी
- अस्ट्रेलियन क्यापिटल टेरिटरी
विभिन्न राज्य तथा प्रदेशहरूमा हाल लागू क्वारेन्टिन नियम तथा अन्य प्रतिबन्धहरु बारे थाहा पाउन यहाँ थिच्नुहोस्।
अस्ट्रेलिया आउन चाहने अन्तर्राष्ट्रिय यात्रुहरूका लागि उपलब्ध पछिल्लो आधिकारिक जानकारीका लागि यहाँ थिच्नुहोस्।
- ६० वटाभन्दा बढी भाषामा समाचार र जानकारी यहाँ उपलब्ध छ sbs.com.au/coronavirus
- तपाईँको राज्य या टेरिटरीका सम्बन्धित निर्देशनहरू: न्यु साउथ वेल्स, भिक्टोरिया, क्वीन्सल्यान्ड, वेस्टर्न अस्ट्रेलिया, साउथ अस्ट्रेलिया, नर्दन टेरिटरी, अस्ट्रेलियन क्यापिटल टेरिटरी, टास्मेनिया।
- कोभिड-१९ खोपको बारेमा तपाईँको भाषामा जानकारी यहाँ उपलब्ध छ।
कोभिड-१९ खोपबारे जानकारी
प्रत्येक राज्य तथा प्रदेशमा रहेका परीक्षण क्लिनिकहरू
यी पनि हेर्नुहोस्:
अस्ट्रेलियामा कोभिड–१९: थाहा पाउनै पर्ने जानकारी नेपाली भाषामा
