संघीय ट्रेजरर जोस फ्राईडन बर्गले मङ्गलवार सार्वजनिक हुने बजेटमा आगामी वर्ष कोरोना भाइरस विरुद्धको भ्याक्सिन आइसक्ने पूर्वानुमान गरिएको बताएका छन् ।
यस पटकको बजेटमा अस्ट्रेलियाले करिब २ सय अर्व डलर बराबरको बजेट घाटा बेर्होनुपर्ने पनि उनले बताए । विगत २९ वर्षमा अस्ट्रेलिया पहीलोपटक आर्थिक मन्दीको सिकार बनेको हो ।
फ्राईडनबर्गले एस बी एस न्युज सँगको कुराकानीका क्रममा सङ्घीय सरकारले आर्थिक गतिविधिलाई प्रोत्साहन गर्न आप्रवासन नीतिमा समेत विभिन्न बिचार विमर्श गरिरहेको बताए ।
फ्राईडनबर्ग भन्छन् “संसारभर बाट योग्य मानिसलाई अस्ट्रेलियामा ल्याउन र व्यापार व्यवसायमा संलग्न गराउनका लागि सहयोग गर्ने बताइरहेका छौ ।”
यसैबिच सरकारले एप्रेन्टेशिप कार्यक्रमका लागि १ दशमलव २ अर्व डलर छुट्टाएकोमा व्यापारिक प्रतिष्ठानहरुले यसको स्वागत गरेका छन् ।
अक्टोबर ५ देखि लागु हुने गरी प्रशिक्षार्थी कामदारका रूपमा आउने नयाँ भर्तीलाई तलबमानको ५० प्रतिशत सरकारले बेहोर्ने छ ।
रोजगार मन्त्री मिसेलिया क्यासले भन्छीन “यो कार्यक्रमले अस्ट्रेलियामा एक लाख अप्रेन्टिसशिप र ट्रेनिशिप सिर्जना गर्न मद्दत पुर्याउने छ । ”
अस्ट्रेलियन चेम्बर अफ कर्मशले सरकारी योजनाको स्वागत गरेको छ , उसले महामारीको समयमा युवा उमेर समूहका मानिसलाई महामारीमा पहिलो रोजगारी खोज्न सहजता प्रदान गर्नेछ ।
ट्रेड्सउमन अस्ट्रेलियाकी फियोना म्याकडोनाल्ड भन्छिन् “यो कार्यक्रमले महिलाहरूलाई व्यापारका नयाँ क्षेत्रमा रोजगारी खोज्नका लागि मद्दत पुर्याउने छ”
