उनलाई अन्तिम पटक हिजो दिउँसो ४ बजे एडिलेड बाट ६ किलोमिटर दक्षिण पश्चिममा पर्ने एडवार्डशन सबर्ब बाट आफूले हेरचाह गर्दै आएका एक बच्चालाई गाडीमा लगेको देखिएको थियो।
आज बिहान १२:३० मा निश्चल र ती बालक दुवै हराएको भनी प्रहरीलाई सूचित गरिएको जनाइएको छ।
बालकलाई लिएर ग्लेनल्ग बिच तर्फ गएको र त्यहाँबाट नफर्किए पछि मध्यरातमा प्रहरीहरूलाई खबर गरिएको थियो।
बालकलाई स्थानीयहरूले उत्तरी ग्लेनल्ग को इस्प्लानेड सबर्बमा भौतारी रहेको भेटेपछि प्रहरीको जिम्मा लगाएका थिए।
बालक परिवारका साथ सुरक्षित रहेको भएता पनि उनीसँगै गएका निश्चललाई राति नै प्रहरीद्वारा जल, हवाई र पैदल माध्यमबाट खोजी गरिएता पनि उनलाई फेला पार्न सकिएन।
बालकलाई भेटिएको समयमा उनको अवस्था हेर्दा दुवैले बिचमा पौडी खेलेको हुन सक्ने देखिएको छ।
हराइरहेका निश्चलको सेतो रङ्गको मित्सुबिशी कल्ट गाडी किनारमा पार्क गरी राखिएको थियो।
टि- सर्ट , पाइन्ट र चस्मा लगाएका घिमिरेलाई यदि कसैले ग्लेनल्ग बिच आसपास देखेको वा उनी कहाँ भएको भन्ने बारे कुनै जानकारी भए तुरुन्त १३१४४४ मा फोन गर्न प्रहरीले अपिल गरेको छ।
Click here to read in English language.
