अस्ट्रेलियामा चिसो बढ्दै जाँदा गए वर्षको तुलनामा यस पटक गम्भीर रुगाखोकी लगायतका फ्लुका लक्षणका साथ अस्पताल पुगेकाहरूको सङ्ख्या तीन गुणाले बढेको अधिकारीहरूको भनाइ छ।
अस्ट्रेलियामा जाडो महिनाको सुरुवातका साथ यस पटकको फ्लुको सिजन गए वर्षको तुलनामा झनै गम्भीर साबित हुन सक्ने चेतावनी स्वास्थ्य अधिकारीहरूले दिएका छन्।
इनफ्लूएन्जा पनि भनिने उक्त बिमारीका कारण सन् २०१८ मा देशभर ४८ हजार भन्दा बढी प्रभावित भएका थिए जुन अन्य वर्षको तुलनामा कम रहेको उनीहरूको भनाइ छ। साथै फ्लुका कारण अस्ट्रेलियामा औसत तीन देखि चार हजार जनाको वार्षिक रूपमा मृत्यु हुने पनि बताइएको छ।
विशेष गरी यो वर्ष रुघा खोकी लगायतका फ्लुका सङ्केतका साथ अस्पताल पुगकाहरुको सङ्ख्या तीन गुणा धेरै रहेको बताइदा उक्त चेतावनी आएको हो।
वृद्ध र बालबालिकामा फ्लुको सबै भन्दा धेरै खतरा रहेको अधिकारीहरू बताउँछन्।
थप रिपोर्ट माथि रहेको मिडिया प्लेयरमा सुन्नुहोस्
Share
