एक दिवसीय सिरिजका दुई खेलमा लगातार हार बेहोरेपछि तेस्रो खेलमा भने भारतले प्रशसंकहरुको मन जित्न सफल भएको छ ।
क्यानबेराको मनुका ओभलमा भएको खेलमा १३ रनको अग्रताले भारतले रोमाञ्चकारी विजय हासिल गरेको छ ।
भारतीय अलराउन्डर हार्दिक पाण्डेयले रवीन्द्र जडेजा सँग छैटौँ विकेटका लागि अविजित १ सय ५० रनको साझेदारी गरी भारतलाई अस्ट्रेलिया विरुद्धको श्रृखलामा क्लिनस्विप हुन बाट जोगाएका छन् ।
तेस्रो वान डे सिरिजमा अस्ट्रेलियालाई १३ रनले हराएर भारत पहिलो जित हात पार्न सफल भएको हो ।
अस्ट्रेलियाको टिम २–१ ले जित्नलाई सफल भएको छ भने भारतले दिएको ३ सय ३ रनको टार्गेटलाई पिछा गदै अस्ट्रेलियाले २ सय ८९ रन बनाउन सफल भयो ।
भारतको तर्फबाट शार्दु ठाकुर शानदार बलिङका कारण ३ विकेट लिन सफल रहे ।
यसै गरी टी नटराजनले उनको डेव्यु एक दिवसीय खेलमै २ रन बनाउन सफल भए ।
भारतका तर्फबाट ४ र अस्ट्रेलियाका तर्फबाट तिन खेलाडी प्रतिस्थापन भएपछि दुवै टिम नयाँ र फरक देखिएको थियो ।
हार्दिकले ७६ बलको इनिङ्समा ७ चौका र १ छक्का प्रहार गरे । उनले रवीन्द्र जडेजा सँग १८ ओभरमा छैठौ विकेटका लागि अविजित १ सय ५० रनको साझेदारी गरी भारतलाई क्लिन स्विप हुनबाट जोगाएका हुन् ।
यी दुईको प्रयासमा टस जितेर ब्याटिङ रोजेको भारतले ५ विकेट गुमाई ३ सय २ रन बनाएको थियो ।
भारतीय तीव्र गतिका बलर जसप्रित बुमराहाले अस्ट्रेलिया जित भन्दा ३५ रन टाढा रहेको समयमा ग्लेन म्याक्सवेललाई आउट गरेपछि मात्र भारतीय टोलिको जित सफल भएको हो ।
अस्ट्रेलियाबाट एस्टर एगरले दुई तथा जोस हेजलउडले ,सिन एबोट र जाम्पाले १–१ विकेट लिए ।
खेल पछि ग्लेन म्याक्सवेलले बलको कुशलता हरेक दिन परीक्षण हुने भन्दै एक दिवसीय क्रिकेटमा खेलको विकासको फरक अनुभव हुने बताए ।
भारतमाथि एकदिवसिय अन्ताराष्ट्रिय श्रृखंलामा २–१ को जित हात पारेपछि अस्ट्रेलिया पुरुष क्रिकेट विश्वकप सुपर लिगको अङ्कतालिकाको शीर्षस्थानमा पुगेको छ ।
अस्ट्रेलियाको ४० अङ्क पुगेको छ भने भारत ९ अङ्क सहित छैटौँ स्थानमा रहेको छ ।
पहिलो दुई खेल जितेर अस्ट्रेलियाले एक दिवसीय श्रृखंला आफ्नो पक्षमा पारिसकेको थियो ।
यसैबिच भारतीय कप्तान विराट कोहलि एकदिवसिय अन्तर्राष्ट्रियमा सबैभन्दा चाँडो १२ हजार रन पुरा गर्ने खेलाडी बनेका छन् ।
बुधवार २ सय ४२ इनिङ्स खेल्दै यो आकडालाई छोएका हुन् । श्रृखलामा हार बेहोरेता पनि, अन्तिम खेलको जितले उत्साहित गराएको भारतीय हप्ता विराट कोहलीले बताए ।
कोभिड १९ को प्रतिबन्धका बाबजुद खेल हेर्नका लागि ठुलो भिड जम्मा भएको थियो ।
यी टोलीबिच शुक्रवार क्यानबेरामै तीन ट्वान्टी–ट्वान्टी अन्तर्राष्ट्रिय श्रृखंलाको पहिलो खेल हुनेछ ।
