सङ्घीय सरकारले आप्रवासीहरू भित्र्याउने दरमा कटौती गरेता पनि नयाँ तथ्याङ्कले भने विभिन्न राज्यहरूमा देखिएको कामदारहरूको कमीलाई परिपूर्ति गर्न, सीप युक्त आप्रवासीहरूको सङ्ख्या ती स्थानहरू निरन्तर बढिरहेको देखाएको छ।
पाकिस्तानबाट अस्ट्रेलिया आउने सोच बनाउँदै गर्दा, इश्तिआक अहमदले आफ्नो परिवारका लागी एडिलेडलाई पहिलो प्राथमिकतामा राखे।
“एडिलेड अस्ट्रेलियाभर रहेका उत्कृष्ट गन्तव्यहरू मध्य एक हो - पढाई, घर र काम बिचको दुरी, मनोरम सामुद्रिक तटहरू अनि पहाडहरू। यहाँ सबै उपलब्ध छ। मानिसहरूले पनि हामीलाई खुल्ला हृदयले स्वागत गरे। मौसम पनि गज्जबै को रहेछ,” उनले भने।
३२ वर्षीय मेकानिकल इन्जिनियर अहमद सन् २०१७ मा आफ्ना बालबच्चा र श्रीमतीका साथ अस्ट्रेलिया आएका थिए र निकै कम समयमा उनले आफूले औपचारिक शिक्षा हासिल गरेकै क्षेत्रमा काम पनि पाए।
सङ्घीय सरकारले सिड्नी तथा मेलबर्न लगायतका प्रमुख सहरहरूमा सीमित आप्रवासी मात्र स्विकार्ने बताउँदै गर्दा दक्षिण अस्ट्रेलिया तर्फ आफ्नो ध्यान केन्द्रित गर्ने अहमद अपवाद पक्कै होइनन्।
नयाँ ग्रामीण भिसा कार्यक्रम अन्तर्गत भिसा पाउनेहरूको सङ्ख्या गत वर्षको यही समयको तुलनामा दोब्बरभन्दा बढी रहेको छ।
क्विन्सल्याण्डमा त यो दर अझ बढी रहेको बताइएको छ।
तर, प्राय भिसाहरू दक्षिण अस्ट्रेलियाका लागी प्रदान गरिएको छ, जुन न्यु साउथ वेल्स र भिक्टोरियाका लागि भन्दा अधिक हो।
थप रिपोर्ट माथिको मिडिया प्लेयरमा प्ले थिचेर सुन्नुहोस्
