हाम्रा थप अडियो प्रस्तुतिहरू पोडकास्टका रूपमा उपलब्ध छन्। यो नि:शुल्क सेवा प्रयोग गर्न तपाईंले आफ्नो नाम दर्ता गर्नु पर्दैन। पोडकास्टमा सामाग्री उपलब्ध हुनासाथ सुन्न यहाँ थिच्नुहोस्।
नेपाल डायरी: रास्वपाको पहिलो सरकारले सुरू गर्यो आफ्नो काम
President of Nepal Ram Chandra Paudel (C) poses with newly appointed Prime Minister Balendra Shah, outgoing Prime Minister Sushila Karki, and members of the new cabinet after the swearing-in ceremony at the Presidential residence in Kathmandu on Friday, 27 March 2026. Source: SIPA USA / Skanda Gautam / SOPA Images/Sipa USA/AAP Image
गएका सात दिन यता नेपालमा के-के भयो? थाहा पाउन हाम्रो साप्ताहिक नेपाल डायरी सुन्नुहोस्।
Transcript
In Australia today, more than one in five people speak a language other than
English. SBS in Language can help you to connect with
this ever-growing market. With our certified translation and professional
multilingual production services, you can be sure that your message is clear,
consistent and accurate. Visit sbs.com.au/inlanguage and be confident
working with Australia's leading multicultural communication experts.
तपाईँ SBS नेपालीको साथमा हुनुहुन्छ।
बालेन्द्र शाह बालेनको नेतृत्वमा बनेको मन्त्रिपरिषद्ले शासकीय सुधार सम्बन्धी एक
सय कार्यसूची स्वीकृत गरेको छ। सरकार गठन भएकै दिन बसेको मन्त्रिपरिषद्को बैठकले
संविधान संशोधन सम्बन्धी विषयमा राष्ट्रिय सहमति निर्माण गर्न एक कार्यदल गठन गर्ने
निर्णय गरेको हो। साथै सार्वजनिक प्रशासनमा दलीय ट्रेड युनियन खारेज गरी अवांछित
हस्तक्षेप र अनौपचारिक दबावको अन्त्य गर्ने, दलित तथा ऐतिहासिक रूपमा बहिष्कृत
समुदायमाथि राज्य, समाज र नीतिगत संरचनाबाट भएका अन्याय, विभेद र अवसर वञ्चनाको औपचारिक
स्वीकारोक्ति गर्दै पुनर्स्थापना र ऐतिहासिक मेलमिलापको आधार तयार गर्ने उक्त
कार्यसूचीमा बताइएको छ। यसका लागि पन्ध्र दिनभित्र राज्यका तर्फबाट औपचारिक क्षमा याचना
सहित सुधारमुखी कार्यक्रम घोषणा गर्ने भनिएको छ।
बालेन शुक्रबार प्रधानमन्त्री नियुक्त भएका हुन्। उनले शुक्रबार मध्याह्न बाह्र चौतीसको
-साहितमा शपथ ग्रहण गरे। -म बालेन्द्र शाह
नेपालको सार्वभौम सत्ता र राजकीय सत्ता नेपालको सार्वभौम सत्ता र राजकीय सत्ता
नेपाली जनतामा निहित रहेको नेपाली जनतामा निहित रहेको नेपालको संविधानप्रति
नेपालको संविधानप्रति पूर्ण वफादार रही पूर्ण वफादार रही।
उनको शपथको पुजारीहरूले मन्त्रोचारणका साथ शंख ध्वनि गरेका थिए भने बटुक र बौद्ध
लामाहरूले मंगल वाचन पाठ गरेका थिए। यस्तै लिम्बु समुदायको मौलिक सांस्कृतिक प्रतीक
सिलाम साकमा पनि समाहरोमा राखिएको थियो।
भारी मतका साथ बनेको बलियो सरकारलाई विपक्षी दलहरूले पनि साथ दिने बताएका छन्। राम्रो
काम गरे सरकारलाई आफ्नो समर्थन रहने राष्ट्रिय प्रजातन्त्र पार्टीले बताएको छ।
यस्तै भनाइ संसदमा नवप्रवेशी श्रम संस्कृति दलका नेता हर्क साम्पाङको पनि रहेको छ।
नेपाली काङ्ग्रेसका सभापति गगन थापाले पनि सरकारलाई शुभकामना दिएका छन्।
संविधानको मर्मअनुसार, भावनाअनुसार र नौजवानहरूको विद्रोहको मर्मअनुसार उहाँले यो
कार्यकालमा सफलपूर्वक आफ्नो सरकार सञ्चालन गर्नुहुन्छ भन्ने
शुभेक्षा पनि प्रकट गर्न चाहन्छु।
शुक्रबार गठन भएको सरकारले शनिबार बिहानै पूर्व प्रधानमन्त्री एवं नेकपा एमालेका
अध्यक्ष केपी शर्मा ओली र नेपाली काङ्ग्रेसका नेता एवं पूर्व गृहमन्त्री रमेश
लेखकलाई उनीहरूको निवासबाट पक्राउ गर्यो। सेप्टेम्बर आठ र नौमा भएको घटनाको जाँचपुछ
गर्न गौरी बहादुर कार्कीको अध्यक्षतामा गठन भएको आयोगको प्रतिवेदनले गरेको सिफारिसको
आधारमा नेता दयलाई पक्राउ गरेको प्रहरीले जनाएको छ। ओली र लेखकलाई पाँच दिन हिरासतमा
राख्न आइतबार जिल्ला अदालत काठमाडौँले अनुमति दियो। यसैबीच ओली अस्पताल भर्ना भएका
छन्। पक्राउ परेपछि स्वास्थ्य परीक्षणका क्रममा मुटुको चालमा गडबडी पाइएपछि उनी
भर्ना भएका हुन्। उनलाई प्रहरीले virtual माध्यमबाट म्याद थपका लागि अदालतमा उपस्थित
गराएको थियो। ओली पक्राउको उनको दलले विरोध गरेको छ। उनी पक्राउ परे लगतै बसेको दलको
बैठकले गौरीबहादुर कार्की नेतृत्वको जाँचपुछ आयोगप्रति सुरुदेखि असहमति रहेको भन्दै
प्रतिवेदन पूर्वाग्रही, प्रतिशोधपूर्ण र अनुसन्धानको न्यायिक सिद्धान्त विपरीत रहेको
बतायो। साथै जेन्जी आन्दोलनको घटनाको छानबिन गर्न सर्वोच्च अदालतको बहालवाला
न्यायाधीशको अध्यक्षतामा उच्चस्तरीय छानबिन समिति गठन गर्न माग गरेको छ। यसका साथै
नेकपा एमालेले सडकमा प्रदर्शन समेत गर्यो। नेता दुई पक्राउ भएर नेपाली कम्युनिस्ट
पार्टीका संयोजक पुष्पकमल दाहाल प्रचण्डले पनि प्रतिक्रिया दिएका छन्। उनले पूर्वाग्रह
नराखी निष्पक्ष ढङ्गले अनुसन्धान हुनुपर्ने बताएका छन्। पार्टी कार्यालय पेरिसडाँडामा
-सञ्चारकर्मीहरूसँग कुरा गर्दै उनले भने -कहीँ कतै राजनीतिक आग्रह, पूर्वाग्रह नहोस्,
निष्पक्षता कायम होस् र स्वतन्त्र ढङ्गले होस्।
नेपाली काङ्ग्रेसले भने सेप्टेम्बरमा भएको दुवै दिनको घटनामा संलग्न जोसुकै भए पनि
कारबाही हुनुपर्ने र त्यसमा पार्टीको सहयोग रहने बताएको छ। तर त्यो कारबाही उत्तेजना र
आवेगमा आएर होइन, कानुनी प्रक्रिया बमोजिम हुनुपर्छ। काङ्ग्रेसको विज्ञप्तिमा भनिएको
छ। पक्राउ पर्नेमा पूर्व जलस्रोत मन्त्री एवं नेपाली काङ्ग्रेसका नेता दीपक खड्का पनि
रहेका छन्। उनी आइतबार पक्राउ परेका हुन्। जेन्जी आन्दोलनको दोस्रो दिन
प्रदर्शनकारीहरूले उनको घर जलाएका थिए र जलेको घरबाट ठूलो मात्रामा पैसा उडाइएको
भिडियो सार्वजनिक भएको थियो। सोही विषयमा अनुसन्धान गर्न खड्कालाई पक्राउ गरिएको
प्रहरीले जनाएको छ।
तीन पूर्व प्रधानमन्त्री र तिनका परिवारको सम्पत्तिमाथि अनुसन्धान सुरु भएको प्रहरीले
जनाएको छ। पूर्व प्रधानमन्त्रीहरू शेरबहादुर देउवा, केपी शर्मा ओली र पुष्पकमल दाहाल
प्रचण्डमाथि सम्पत्ति शुद्धिकरण अनुसन्धान विभागको पत्रका आधारमा अनुसन्धान सुरु गरेको
बताइएको
छ।सुर्खेतकी
इनीसा बिकको सामूहिक बलात्कारपछि हत्या भएको दाबीसहित आइतबार जिल्ला अदालत सुर्खैतमा
चार जना विरुद्ध मुद्दा दायर भएको छ। सरकारी वकिलको कार्यालयले मुद्दा दायर गरेको हो।
ट्युसन पढ्न भनेर घरबाट छ बजे निस्किएकी सोह्र वर्षीया बालिका समयमै घर नफर्केपछि
उनको खोजी भएको थियो। उनी एउटा सामुदायिक वनमा अचेत अवस्थामा भेटिएकी थिइन् र अस्पताल
पुर्याउँदा चिकित्सकले मृत्यु भएको घोषणा गरेका थिए। आरोपीहरूलाई जन्मकैद सजायको माग
गरी मुद्दा दायर गरिएको छ। पक्राउ परेकाहरू अठार वर्षभन्दा कम उमेरका भएकाले नाम गोप्य
राखिएको बताइएको छ।
नेकपा एमालेका पूर्व सभासद कर्णबहादुर मल्ल बलात्कार आरोपमा शनिबार पक्राउ परेका छन्।
उनी ललितपुरको सातदोबाटोबाट पक्राउ परेका हुन्। जिल्ला प्रहरी परिसर ललितपुरका SSP
होबिन्द्र बोगटीका अनुसार मल्ल एक महिनादेखि फरार थिए। पीडित महिलाले बाउन्न वर्षीय
मल्लविरुद्ध प्रहरीमा फेब्रुवरी सोह्रमा जाहेरी दिएकी थिइन्। यस्तै बालश्रम गराएको
आरोपमा प्रहरीले लुम्बिनी प्रदेशसभा सदस्य रेखा शर्मालाई पक्राउ गरेको छ। उनलाई
काठमाडौँबाट पक्राउ गरिएको हो।
यस वर्ष हिमाल आरोहणका लागि सगरमाथा र लोत्से हिमालमा डोरी बाँधेर बाटो बनाउने
कामका लागि जाने टोलीको मङ्गलबार बिदाई गरिएको छ। यसरी बिदाई हुने टोलीमा दश सदस्य
रहेको बताइएको छ। उनीहरू हिमालमा डोरी बाँधेर बाटो बनाउने राम्रो सीप र लामो अनुभव
भएका व्यक्तिहरू रहेको Expedition Operators Association of Nepal ले जनाएको
छ।
नेपाली राष्ट्रिय महिला फुटबल टोलीकी स्ट्राइकर सावित्रा भण्डारी साम्बाको
घुँडाको शल्यक्रिया भएको छ। साम्बाले बुधवार सामाजिक सञ्जालमार्फत न्युजिल्यान्डको
अकल्यान्डमा शल्यक्रिया सफलतापूर्वक सम्पन्न भएको जानकारी दिएकी हुन्। यसअघि कतारस्थित
अस्पतालमा उनको शल्यक्रिया गर्ने बताइएको थियो। तर खाडी क्षेत्रमा अवस्था अनुकूल
नरहेका कारण न्युजिल्यान्डमा शल्यक्रिया गरिएको उनले बताएकी छन्। शल्यक्रियापछि उनले
उपचारका क्रममा सहयोग पुर्याउने सबैलाई आभार व्यक्त गरेकी छन्। घुँडाको चोटको उपचार
गर्नका लागि अनुमानित असी हजार अमेरिकी डलर लाग्ने भन्दै उनले आर्थिक सहयोगको
सार्वजनिक अपील गरेकी थिइन्। उनका प्रशंसकहरूले उक्त रकम एक दिनमै सङ्कलन
गरिदिएका थिए।
नेपाली राष्ट्रिय फुटबल टिम एसिया कप छनोटको तेस्रो चरणको अन्तिम खेल खेल्न लाओस
प्रस्थान गरेको छ। प्रतियोगिताको पहिलो लेगमा लाओससँग हारेको नेपालसामु उक्त हारको
बदला लिने अवसर रहेको छ। टिम शनिबार उडेको हो। यसअघि खेल दशरथ रंगशालामा हुने भनी तय
भएको थियो। तर दशरथ रंगशाला FIFA र AFC को आधिकारिक खेल खेल्नका लागि अयोग्य भएपछि खेल
लाओसमा सारिएको हो। दुवै टोलीको समान तीन अङ्क रहेको छ। लाओसले नेपालसँगको पहिलो
लेगको खेल जितेर तीन अङ्क हासिल गरेको थियो। नेपालले चाहिँ मलेशियाले अयोग्य खेलाडी
खेलाएको आरोपमा कारबाही भएपछि तीन अङ्क पाएको थियो। SBS नेपालीका लागि प्रतीक्षा
दुलाल काठमाडौँ।
SBS South Asian
Like, share र comment गर्नुहोस्। SBS नेपालीलाई Facebook मा साथ
दिनुहोस्।
Want to enjoy the sights of South Asia whilst you listen to the sounds of SBS
South Asian? We've got you.
Watch SBS South Asian on SBS On Demand. It's your favorite radio channel in your
language with great music from all over South Asia, but now it's accompanied by
stunning drone shots. Think mountain peaks, city streets, beaches and bazaars.
It's radio with a view.
SBS South Asian. Stream it on SBS On Demand.
Share
