६८ यात्रु सहित चार जना चालक दलका सदस्य सवार रहेको विमान पोखरा विमानस्थल भन्दा करिब २ किलोमिटर पर सेती नदिका खोचमा दुर्घटनामा परेको थियो।
स्थानीय समय अनुसार आइतबार बिहान १०:३२ बजे काठमाडौँबाट पोखरा उडेको यती एयरको एआरटी ७२ विमान पोखरा महानगरपालिका १५ नयाँ गाउँस्थित सेती नदीको खोचमा दुर्घटना भएको हाे।
उक्त दुर्घटनामा नेपालका एकजना सक्रिय पत्रकार त्रिभुवन पौडेलको पनि ज्यान गएको छ।
निकै लामो समय अस्ट्रेलिया बसेर फर्किएका पत्रकार मनऋषि धितालले त्रिभुवन पौडेलसँग आफ्नो व्यक्तिगत र व्यवसायीक सम्बन्ध रहेको बताएका छन्।
सन् २००१ देखिनै त्रिुभवनसँग समाप्यता भएका धितालले उनलाई व्यवसायीक र ऊर्जावान् पत्रकार भएको बताए।
“उहासँग मेरो सन् २००१ यतादेखि चिनजान थियो, हामीले सँगै काम पनि गर्यौ, टेलिभिजन, रेडियो र छापा पत्रकारिता पनि उहाँको प्रतिभा थियो,” धितालले एसबीएस नेपालीसँग भने।
“नेपाली पत्रकारिता क्षेत्रले एउटा ठुलो नोक्सानी बेहोरेको छ, एक जना युवा पत्रकार साथीको निधनबाट।”
कुराकानी सुन्नुहोस्:
हाम्रा थप अडियो प्रस्तुतिहरू पोडकास्टका रूपमा उपलब्ध छन्। यो नि:शुल्क सेवा प्रयोग गर्न तपाईंले आफ्नो नाम दर्ता गर्नु पर्दैन। पोडकास्टमा सामाग्री उपलब्ध हुनासाथ सुन्न यहाँ
थिच्नुहोस्।
