Keessummaan qophii keenya har'aa obbo Baarentoo Gadaa ti. aaf-gaafii waliin taasifne caqasuun qophii keenya torban torbaniin dabrus faana bu'uu hin dagatinaa. Artistii fi Falmattuun mirga namoomaa aadde Ilfinesh Qannoo addunyaa kana irraa du'aan boqotte. Artis Ilfinesh, nama ijoollee dubaraa lama qabdu fi haala tasgabbaa'insa biyya keessaa dhabamuu irraa kan ka'e yeroo dheeraaf biyya Norway jiraachaa turte.
Aaf-gaaffii Obbo Barentoo Gadaa, Melbourne Australia irraa waliin taasifneen - artist fi falmattuu mirga namoomaa aadde Ilfinesh qannoo jabinaa fi gootummaa isheenin beeka jedhu. Akka obbo Baarentoon himanitti aadde Ilfinesh Qannoo, jaalalaa fi tokkummaa labsaa kan turtee fi akkasumas sarbama mirga ummata Oromoof falmaa guddaa karaa aartii fi haallan gara garaan taasisaa turte.
Aadde Ilfinesh Qannoo kaayyootti cichuun beekamtis jedhan obbo Baarentoon, kanaanis jaalala ummataa horatte jedhu. Aadde Ilfinesh Qannoo dhukkubsattee tajaajilamaa turuun, gaafa Fulbaana jaha bara 2026 biyya ishee keessatti boqotte. Guyyaa gaggeessaa aadde Ilfinesh Qannoo, Fulbaana 8 ture, ummatni biyyaa kumaatamaan lakkaayamu bahee gaggeessuun guyyaa cidhaa ishee fakkeesse jechuun obbo Baarentoo Gadaa dinqisiifatnaan dubbatu.
Goolaba irratti, gaarummaa fi hojiin aartist fi falmattuu aadde Ilfee hunda keenyaaf kan fakkeenya tahu yeroo jedhan, as Australia Melbourne keessatti galgala Dungoo qabsiisuu waan taasifamuuf argamnee jaalala qabnuuf haa ibsannus jedhaniiru obbo Baarentoo Gadaa.
