LIVE, FREE and EXCLUSIVE
Arrest of IS-linked women, hantavirus scare, ED raids in Punjab, and other news. Credit: AAP/JOEL CARRETT, AP/Arilson Almeida, FB/INCPunjab
📢 ਐਸ ਬੀ ਐਸ ਪੰਜਾਬੀ ਦੁਨੀਆ ਭਰ ਦੀਆਂ ਤਾਜ਼ਾ-ਤਰੀਨ ਖ਼ਬਰਾਂ ਸਮੇਤ ਉਨ੍ਹਾਂ ਕਹਾਣੀਆਂ ਨਾਲ ਜੋੜਦਾ ਹੈ ਜੋ ਆਸਟ੍ਰੇਲੀਆ ਵਿਚਲੇ ਜੀਵਨ ਅਤੇ ਪੰਜਾਬੀ ਬੋਲਣ ਵਾਲੇ ਆਸਟ੍ਰੇਲੀਅਨ ਭਾਈਚਾਰੇ ਲਈ ਅਹਿਮ ਹਨ।
💻 ਸਾਡਾ ਲਾਈਵ ਪ੍ਰੋਗਰਾਮ ਤੁਸੀਂ ਸੋਮਵਾਰ ਤੋਂ ਸ਼ੁੱਕਰਵਾਰ ਸ਼ਾਮ 4 ਵਜੇ SBS ਸਾਊਥ ਏਸ਼ੀਅਨ ਦੇ ਡਿਜੀਟਲ ਰੇਡੀਓ ਉੱਤੇ, ਆਪਣੇ ਟੈਲੀਵਿਜ਼ਨ 'ਤੇ ਚੈਨਲ 305 ਉੱਤੇ, SBS ਆਡੀਓ ਐਪ ਜਾਂ ਸਟ੍ਰੀਮ ਰਾਹੀਂ ਸੁਣ ਸਕਦੇ ਹੋ।
📲 ਹੋਰ ਜਾਣਕਾਰੀ ਲਈ ਸਾਨੂੰ ਵੈਬਸਾਈਟ, ਫੇਸਬੁੱਕ ਅਤੇ ਇੰਸਟਾਗ੍ਰਾਮ 'ਤੇ ਫਾਲੋ ਕਰੋ।
-[ਥੀਮ ਗੀਤ ਚੱਲਦਾ ਹੈ] -SBS ਪੰਜਾਬੀ ਤੇ ਤੁਹਾਡਾ ਸਵਾਗਤ ਹੈ। ਮੈਂ ਹਾਂ -ਪੁਨੀਤ ਢੀਂਗਰਾ, ਅਤੇ ਲੈ ਕੇ ਆ ਚੁੱਕਾ ਹਾਂ ਇਸ -ਹਫ਼ਤੇ ਦਾ Weekly News Wrap, ਜਿੱਥੇ ਦੱਸਾਂਗੇ -ਇਸ ਹਫ਼ਤੇ ਦੀਆਂ ਆਸਟ੍ਰੇਲੀਅਨ ਕੌਮਾਂਤਰੀ ਅਤੇ
ਪੰਜਾਬ ਤੋਂ ਵੱਡੀਆਂ ਖ਼ਬਰਾਂ। ਆਓ ਚੱਲਦੇ ਹਾਂ ਇਸ ਹਫ਼ਤੇ ਦੀਆਂ ਖਾਸ ਖ਼ਬਰਾਂ ਵੱਲ। ਕਥਿਤ ਇਸਲਾਮਿਕ ਸਟੇਟ,
ਯਾਨੀ IS ਸਮੂਹ ਨਾਲ ਸੰਬੰਧ ਰੱਖਣ ਵਾਲੀਆਂ ਤਿੰਨ ਆਸਟ੍ਰੇਲੀਆਈ ਔਰਤਾਂ ਨੂੰ ਸੀਰੀਆ ਦੇ ਸ਼ਰਨਾਰਥੀ ਕੈਂਪ ਦੇ ਵਿੱਚ ਕਈ ਸਾਲ ਬਿਤਾਉਣ ਤੋਂ ਬਾਅਦ ਘਰ ਵਾਪਸ ਪਰਤਣ 'ਤੇ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਇਹ ਤਿੰਨੋਂ ਔਰਤਾਂ ਉਸ ਸਮੂਹ ਦਾ ਹਿੱਸਾ ਹਨ, ਜਿਸ ਦੇ
ਵਿੱਚ ਇੱਕ ਦਰਜਨ ਤੋਂ ਵੱਧ ਔਰਤਾਂ ਅਤੇ ਬੱਚੇ ਸ਼ਾਮਲ ਨੇ ਜੋ ਵੀਰਵਾਰ ਸੱਤ ਮਈ ਦੀ ਰਾਤ ਸਿਡਨੀ ਅਤੇ ਮੈਲਬਰਨ ਪਹੁੰਚੇ ਨੇ। ਹਵਾਈ ਅੱਡੇ 'ਤੇ ਪੁਲਿਸ ਸਮਰਥਕਾਂ ਅਤੇ ਮੀਡੀਆ ਵੱਲੋਂ ਇਹਨਾਂ ਪਰਿਵਾਰਾਂ ਦਾ ਸਵਾਗਤ ਕੀਤਾ ਗਿਆ। ਦੋ ਔਰਤਾਂ ਉੱਤੇ ਮਨੁੱਖਤਾ
ਵਿਰੁੱਧ ਅਪਰਾਧਾਂ ਦੇ ਦੋਸ਼ ਲਗਾਏ ਗਏ ਨੇ, ਜਿਨਾਂ ਦੇ ਵਿੱਚ ਗੁਲਾਮੀ ਵੀ ਸ਼ਾਮਲ ਹੈ। ਇੱਕ ਉੱਤੇ ਆਤੰਕਵਾਦੀ ਸੰਗਠਨ ਦੀ ਮੈਂਬਰ ਹੋਣ ਅਤੇ ਜੰਗ ਪ੍ਰਭਾਵਿਤ ਖੇਤਰ ਦੇ ਵਿੱਚ ਰਹਿਣ ਦਾ ਦੋਸ਼ ਲਗਾਇਆ ਗਿਆ ਹੈ।
ਸਿਹਤ ਮੰਤਰੀ ਮਾਰਕ ਬਟਲਰ ਦਾ ਕਹਿਣਾ ਹੈ ਕਿ ਆਉਣ ਵਾਲੀਆਂ ਬਜਟ ਕਟੌਤੀਆਂ ਅਤੇ ਸਖਤ ਯੋਗਤਾ ਸ਼ਰਤਾਂ ਦੇ ਬਾਵਜੂਦ Autism Spectrum ਉੱਤੇ ਹੋਣ ਵਾਲੇ ਲੋਕ ਅਜੇ ਵੀ NDIS ਦੇ ਲਈ ਯੋਗ ਹੋਣਗੇ। ਬਜਟ ਤੋਂ ਪਹਿਲਾਂ ਕੀਤੇ ਇੱਕ ਐਲਾਨ ਦੇ ਵਿੱਚ Mr. Butler ਨੇ
National Press Club ਨੂੰ ਦੱਸਿਆ ਕਿ NDIS ਦੇ ਵਿੱਚ ਕੀਤੀਆਂ ਜਾ ਰਹੀਆਂ ਕਟੌਤੀਆਂ ਦੇ ਨਾਲ ਯੋਗਤਾ ਮਾਪਦੰਡ ਹੋਰ ਸਖਤ ਕੀਤੇ ਜਾਣਗੇ, ਜਿਸ ਦਾ ਉਦੇਸ਼ ਇਸ ਦਹਾਕੇ ਦੇ ਅੰਤ ਤੱਕ ਲਗਭਗ ਇੱਕ ਲੱਖ ਸੱਠ ਹਜ਼ਾਰ ਭਾਗੀਦਾਰਾਂ ਨੂੰ ਪ੍ਰਣਾਲੀ ਤੋਂ ਬਾਹਰ ਕਰਨਾ ਹੈ।
Autism ਵਾਲੇ ਬੱਚੇ NDIS ਭਾਗੀਦਾਰਾਂ ਦਾ ਸਭ ਤੋਂ ਵੱਡਾ ਸਮੂਹ ਨੇ, ਜਿਨਾਂ ਵਿੱਚ ਕਈਆਂ ਨੂੰ ਸਰਕਾਰ ਦੇ ਨਵੇਂ Thriving Kids ਪੋਗਰਾਮ ਦੇ ਵਿੱਚ ਤਬਦੀਲ ਕੀਤੇ ਜਾਣ ਦੀ ਤਿਆਰੀ ਹੈ। Mr. Butler ਨੇ SBS ਨੂੰ ਦੱਸਿਆ ਕਿ ਭਵਿੱਖ ਦੇ ਵਿੱਚ ਯੋਗਤਾ ਦਾ ਆਧਾਰ
ਇੱਕ ਵੱਖਰੇ ਕਿਸਮ ਦੇ ਮਾਪਦੰਡਾਂ 'ਤੇ ਕੀਤਾ ਜਾਵੇਗਾ। ਵਨ ਨੇਸ਼ਨ ਦੇ ਵਿੱਚ ਸ਼ਾਮਲ ਹੋਏ ਬਾਰਨਬੀ ਜੋਇਸ ਦਾ ਕਹਿਣਾ ਹੈ ਕਿ ਉਹ ਵਿਸ਼ਵਾਸ ਰੱਖਦੇ ਨੇ ਕਿ ਫੈਰਰ ਉਪ ਚੋਣ ਉਹੀ ਜਿੱਤਣਗੇ। ਹਾਲਾਂਕਿ ਮੁਕਾਬਲਾ ਕਾਫ਼ੀ ਸਖਤ ਹੈ ਅਤੇ Climate
200 ਦੇ ਸਮਰਥਨ ਵਾਲੀ ਆਜ਼ਾਦ ਉਮੀਦਵਾਰ ਮਿਛੇਲ ਮਿਲਥੋਰਪ ਵੱਲੋਂ ਤਕੜੀ ਟੱਕਰ ਮਿਲ ਰਹੀ ਹੈ। Liberal ਅਤੇ National ਪਾਰਟੀਆਂ ਵੀ ਇਸ ਸੀਟ 'ਤੇ ਚੋਣ ਲੜ ਰਹੀਆਂ ਨੇ। ਇਹ ਉਪ ਚੋਣ Angus Taylor ਦੀ ਲੀਡਰਸ਼ਿਪ ਦੇ ਲਈ ਇੱਕ ਮਹੱਤਵਪੂਰਨ ਪ੍ਰੀਖਿਆ
ਵੀ ਮੰਨੀ ਜਾ ਰਹੀ ਹੈ। ਖਾਸ ਕਰਕੇ ਇਸ ਗੱਲ ਦੀ ਕਿ ਉਹ ਖੇਤਰੀ ਇਲਾਕਿਆਂ ਵਿੱਚ ਵੋਟਰਸ ਨੂੰ ਆਪਣੇ ਪੱਖ ਵਿੱਚ ਕਰ ਸਕਦੇ ਨੇ ਜਾਂ ਨਹੀਂ। Mr. Joyce ਹੇਠਲੇ ਸਦਨ ਦੇ ਮੈਂਬਰ ਨੇ, ਪਰ ਉਹਨਾਂ ਨੇ ਆਪਣੀ New England ਦੀ ਸੀਟ National Party ਦੇ ਸੰਸਦ
ਮੈਂਬਰ ਵਜੋਂ ਜਿੱਤੀ ਸੀ, ਜਿਸ ਤੋਂ ਬਾਅਦ ਉਹ One Nation ਦੇ ਵਿੱਚ ਸ਼ਾਮਲ ਹੋ ਗਏ। ਇਸ ਹਫ਼ਤੇ ਦੀ ਵੱਡੀ ਕੌਮਾਂਤਰੀ ਖ਼ਬਰ ਦੀ ਗੱਲ ਕਰੀਏ ਤਾਂ ਘਾਤਕ Hanta virus ਦੇ ਪ੍ਰਕੋਪ ਦੇ ਕੇਂਦਰ ਬਣੇ ਇੱਕ cruise ਜਹਾਜ਼ ਤੋਂ ਕੱਢੇ ਗਏ ਤਿੰਨ ਵਿਅਕਤੀ
ਵਿਸ਼ੇਸ਼ ਇਲਾਜ ਦੇ ਲਈ Netherlands ਪਹੁੰਚ ਗਏ ਨੇ। ਇਹ ਯਾਤਰੀ ਜੋ Dutch, German ਅਤੇ British ਹਨ, ਇਹਨਾਂ ਨੂੰ Cape Verde ਤੋਂ ਹਵਾਈ ਜਹਾਜ਼ ਰਾਹੀਂ ਲਿਆਂਦਾ ਗਿਆ। ਇਹ ਲੋਕ ਦੱਖਣੀ ਅਰਜਨਟੀਨਾ ਤੋਂ Antarctica ਅਤੇ ਦੂਰ-ਦੁਰਾਡੇ ਦੇ Atlantic
ਟਾਪੂਆਂ ਦੀ ਯਾਤਰਾ ਕਰ ਰਹੇ ਇੱਕ luxury ਖੋਲ ਜਹਾਜ਼ 'ਤੇ ਸਵਾਰ ਸਨ, ਜਿੱਥੇ ਇਹਨਾਂ ਵਿੱਚੋਂ ਦੋ ਯਾਤਰੀਆਂ ਵਿੱਚ ਬਿਮਾਰੀ ਦੇ ਗੰਭੀਰ ਲੱਛਣ ਵਿਕਸਿਤ ਹੋ ਗਏ ਸਨ। WHO, ਯਾਨੀ ਵਿਸ਼ਵ ਸਿਹਤ ਸੰਸਥਾ ਦੀ ਦਖਲਅੰਦਾਜ਼ੀ ਤੋਂ ਬਾਅਦ ਹੁਣ ਇਹ ਜਹਾਜ਼ Spain ਦੇ
ਕੇਂਦਰੀ ਟਾਪੂਆਂ ਵੱਲ ਰਵਾਨਾ ਹੋ ਗਿਆ ਹੈ। WHO ਦੇ Director General Tedros Adhanom Ghebreyesus ਨੇ ਕਿਹਾ ਕਿ ਸਿਹਤ ਅਧਿਕਾਰੀ ਇਸ ਸਥਿਤੀ 'ਤੇ ਨਜ਼ਦੀਕੀ ਨਿਗਰਾਨੀ ਜਾਰੀ ਰੱਖ ਰਹੇ ਨੇ। ਅਤੇ ਇਸ ਹਫ਼ਤੇ ਦੀ ਵੱਡੀ ਖ਼ਬਰ ਪੰਜਾਬ ਤੋਂ।
Enforcement Directorate, ਯਾਨੀ ED ਦੇ ਛਾਪਿਆਂ ਨੇ ਪੰਜਾਬ ਦੀ ਸਿਆਸਤ ਭਖਾ ਦਿੱਤੀ ਹੈ। ਵਿਰੋਧੀ ਧਿਰਾਂ ਨੇ ED ਦੇ ਛਾਪਿਆਂ ਦੇ ਹਵਾਲੇ ਨਾਲ ਆਪ ਸਰਕਾਰ 'ਤੇ ਸਿਆਸੀ ਹਮਲੇ ਵਧਾ ਦਿੱਤੇ ਨੇ। ਪੰਜਾਬ ਕਾਂਗਰਸ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ
ED ਵੱਲੋਂ ਸੱਤਾ ਧਰ ਦੇ ਕਰੀਬੀ ਵਿਅਕਤੀਆਂ ਦੇ ਟਿਕਾਣਿਆਂ 'ਤੇ ਕੀਤੀ ਛਾਪੇਮਾਰੀ ਤੋਂ ਬਾਅਦ Money Laundering ਮਾਮਲੇ ਦੀ ਡੂੰਘਾਈ ਨਾਲ ਜਾਂਚ ਕੀਤੇ ਜਾਣ ਦੀ ਮੰਗ ਕੀਤੀ ਹੈ। ਉਹਨਾਂ ਨੇ ਕਿਹਾ ਕਿ ਸੱਤਾ ਦੇ ਬਹੁਤ ਨੇੜਲੇ ਵਿਅਕਤੀ ਦੇ ਟਿਕਾਣੇ ਤੋਂ ਹਵਾ
ਵਿੱਚ ਉੱਡਦੇ ਨੋਟਾਂ ਦੀਆਂ ਤਸਵੀਰਾਂ ਨੇ ਆਪਣੇ ਆਪ ਨੂੰ ਕੱਟੜ ਇਮਾਨਦਾਰ ਕਹਿਣ ਵਾਲਿਆਂ ਦੇ ਦਾਅਵਿਆਂ ਦੀ ਹਕੀਕਤ ਨੂੰ ਬੇਨਕਾਬ ਕਰ ਦਿੱਤਾ। ਇਸ ਮਾਮਲੇ ਦੀ ਨਿਰਪੱਖ ਢੰਗ ਨਾਲ ਅਤੇ ਡੂੰਘਾਈ ਨਾਲ ਜਾਂਚ ਹੋਣੀ ਚਾਹੀਦੀ ਹੈ। ਉਧਰ ਸੰਸਦ ਮੈਂਬਰ ਸੁਖਜਿੰਦਰ ਸਿੰਘ
ਰੰਧਾਵਾ ਨੇ ਹਕੂਮਤ ਦੇ ਨੇੜਲਿਆਂ ਦੇ builders ਨਾਲ ਜੁੜੇ ਮਾਮਲਿਆਂ ਦੀ ਕੇਂਦਰੀ ਏਜੰਸੀਆਂ ਤੋਂ ਨਿਰਪੱਖ ਅਤੇ ਡੂੰਘਾਈ ਨਾਲ ਜਾਂਚ ਕਰਨ ਦੀ ਮੰਗ ਕੀਤੀ ਹੈ। ਉਹਨਾਂ ਮੰਗ ਕੀਤੀ ਕਿ ਉਹਨਾਂ ਦੀ ਵਿੱਤੀ ਸਥਿਤੀ ਦੀ ਵੀ ਜਾਂਚ ਕੀਤੀ ਜਾਣੀ ਚਾਹੀਦੀ ਹੈ ਕਿ ਇਹਨਾਂ
ਵਿਅਕਤੀਆਂ ਨੇ ਪਿਛਲੇ ਚਾਰ ਸਾਲਾਂ ਵਿੱਚ ਕਿੰਨਾ ਪੈਸਾ ਕਮਾਇਆ। ਦੱਸ ਦਈਏ ਕਿ ED ਨੇ ਧੋਖਾਧੜੀ ਅਤੇ Money Laundering ਦੇ ਮਾਮਲਿਆਂ ਦੇ ਵਿੱਚ ਕੱਲ੍ਹ ਪੰਜਾਬ ਤੇ ਚੰਡੀਗੜ੍ਹ ਦੇ ਵਿੱਚ ਤਿੰਨ ਨਾਮੀ builders ਦੇ ਕਈ ਟਿਕਾਣਿਆਂ 'ਤੇ ਇੱਕੋ ਵੇਲੇ
ਛਾਪੇਮਾਰੀ ਕੀਤੀ। ਇਸ ਦੌਰਾਨ ਬਹੁ-ਮੰਜਿਲਾ complex ਦੇ ਵਿੱਚੋਂ ਡਿੱਗੇ ਲੱਖਾਂ ਰੁਪਏ ਦੀ ਨਕਦੀ ਵਾਲੇ bags ਨੇ ਸਭ ਦਾ ਧਿਆਨ ਖਿੱਚਿਆ। ਛਾਪਿਆਂ ਦੌਰਾਨ ED ਨੇ ਕਰੀਬ ਇੱਕ ਕਰੋੜ ਦੀ ਨਕਦੀ ਜ਼ਬਤ ਕੀਤੀ ਹੈ। ਫਿਲਹਾਲ ਇਸ ਹਫ਼ਤੇ ਦੀਆਂ ਵੱਡੀਆਂ ਖ਼ਬਰਾਂ ਵਿੱਚ
ਇੰਨਾ ਹੀ। ਹੋਰ ਜਾਣਕਾਰੀ ਅਤੇ ਖ਼ਬਰਾਂ ਲਈ ਜੁੜੇ ਰਹੋ SBS ਪੰਜਾਬੀ ਦੇ ਨਾਲ। ਮੈਂ ਹਾਂ ਪੁਨੀਤ ਢੀਂਗਰਾ।
[ਥੀਮ ਗੀਤ ਚੱਲਦਾ ਹੈ]
SBS PunjabiIndependent news and stories connecting you to life in Australia and Punjabi-speaking Australians.Australia ExplainedUnderstand the quirky parts of Aussie life.Get the latest with our exclusive in-language podcasts on your favourite podcast apps.
