ਯੂ-ਟਿਊਬ ਉੱਤੇ ਪਛਾਣ ਲਈ ਯਤਨਸ਼ੀਲ ਮੈਲਬੌਰਨ ਦੇ ਇਸ ਪਤੀ-ਪਤਨੀ ਲਈ 'ਲਾਕਡਾਊਨ' ਬਣਿਆ ਆਮਦਨ ਦਾ ਜ਼ਰੀਆ

ਮੈਲਬੌਰਨ ਰਹਿੰਦੇ ਇੱਕ ਪੰਜਾਬੀ ਜੋੜੇ ਨੇ ਟਿੱਕਟੋਕ ਅਤੇ ਯੂ-ਟਿਊਬ ਵਰਗੇ ਸੋਸ਼ਲ ਮੀਡੀਆ ਮੰਚਾਂ ਉੱਤੇ ਵੀਡੀਓਜ਼ ਪਾਉਣ ਅਤੇ ਉਸ ਪਿੱਛੋਂ ਲੋਕਾਂ ਤੋਂ ਮਿਲ਼ੇ ਹੁੰਗਾਰੇ ਦਾ ਜ਼ਿਕਰ ਕੀਤਾ ਹੈ।

Melbourne-based Inder and Kirat routinely share videos on TikTok and Youtube. Source: Supplied

ਅੰਤਰਾਸ਼ਟਰੀ ਵਿਦਿਆਰਥੀ ਵਜੋਂ ਆਸਟ੍ਰੇਲੀਆ ਆਏ ਇੰਦਰ ਸਰਾਓ ਅਤੇ ਗੁਰਕੀਰਤ ਰੰਧਾਵਾ [ਸਰਾਓ] ਨੇ ਦੱਸਿਆ ਕਿ ਉਨ੍ਹਾਂ ਦੀਆਂ ਯੂਟਿਊਬ ਵੀਡਿਓਜ਼ ਪਸੰਦ ਕੀਤੀਆਂ ਜਾ ਰਹੀਆਂ ਹਨ ਤੇ ਇਸਦੇ ਚਲਦਿਆਂ ਉਨ੍ਹਾਂ ਨੂੰ ਕੁਝ ਆਮਦਨ ਹੋਣੀ ਵੀ ਸ਼ੁਰੂ ਹੋ ਗਈ ਹੈ।

ਪੰਜਾਬ ਦੇ ਪਟਿਆਲਾ ਜਿਲੇ ਦੇ ਪਿਛੋਕੜ ਵਾਲ਼ੇ ਇਸ ਪਤੀ-ਪਤਨੀ ਦੇ ਹੁਣ ਯੂਟਿਊਬ 'ਤੇ ਲਗਭਗ 125,000 ਸਬਸਕ੍ਰਾਈਬਰ ਹਨ।

Inder and Kirat were excited to receive a silver badge from YouTube after they had 100,000 subscribers. Source: Supplied

ਇੰਦਰ ਸਰਾਓ ਨੇ ਐਸ ਬੀ ਐਸ ਪੰਜਾਬੀ ਨੂੰ ਦੱਸਿਆ ਕਿ ਮੈਲਬੌਰਨ ਵਿੱਚ ਕੋਵਿਡ-19 ਲੌਕਡਾਊਨ ਦੌਰਾਨ ਮਿਲੇ ਵਾਧੂ ਸਮੇਂ ਨੂੰ ਉਨ੍ਹਾਂ ਨੇ ਕੁਝ ਵੀਡੀਓਜ਼ ਬਣਾਉਣ ਲਈ ਵਰਤਿਆ ਸੀ ਅਤੇ ਇਹ ਕੰਮ ਅੱਜ ਵੀ ਨਿਰੰਤਰ ਚੱਲ ਰਿਹਾ ਹੈ।

ਕੀਰਤ ਰੰਧਾਵਾ ਨੇ ਦੱਸਿਆ ਕਿ ਉਨ੍ਹਾਂ ਦੇ ਯੂ-ਟਿਊਬ ਚੈਨਲ 'ਇੰਦਰ ਐਂਡ ਕੀਰਤ' ਉੱਤੇ ਪਾਏ ਵੀਡੀਓਜ਼ ਨੂੰ ਹੁਣ ਤੱਕ 13 ਮਿਲੀਅਨ ਤੋਂ ਵੱਧ ਵਿਊਜ਼ ਮਿਲ ਚੁੱਕੇ ਹਨ ਤੇ ਟਿਕਟੋਕ ਉੱਤੇ ਉਨ੍ਹਾਂ ਦੇ ਵਿਅਕਤੀਗਤ ਚੈਨਲਾਂ ਦੇ ਸਾਂਝੇ ਤੌਰ ਉੱਤੇ ਲਗਭਗ 22 ਮਿਲੀਅਨ ਦੇ ਕਰੀਬ 'ਇਮਪ੍ਰੈਸ਼ਨਜ਼' ਹਨ।

Inder and Kirat became popular among the Indian diaspora after they started sharing videos on TikTok and Youtube. Source: Supplied

2014 ਵਿੱਚ ਪੰਜਾਬ ਤੋਂ ਆਏ ਇਸ ਪਤੀ-ਪਤਨੀ ਨੇ ਦੱਸਿਆ ਕਿ ਉਹ ਆਪਣੀ ਪਰਵਾਸ-ਕਹਾਣੀ ਨੂੰ ਅਕਸਰ ਆਪਣੇ ਵੀਡੀਓਜ਼ ਵਿੱਚ ਜਗਾਹ ਦਿੰਦੇ ਹਨ।

ਇੰਦਰ ਸਰਾਓ ਨੇ ਕਿਹਾ ਕਿ ਦੂਜੇ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਦੀ ਤਰ੍ਹਾਂ ਉਨ੍ਹਾਂ ਨੂੰ ਵੀ ਬਹੁਤ ਸਾਰੀਆਂ ਚੁਣੌਤੀਆਂ ਅਤੇ 'ਸੌਖਿਆਂ' ਨੌਕਰੀ ਨਾ ਮਿਲਣ ਵਰਗੇ ਮੁੱਦਿਆਂ ਦਾ ਸਾਹਮਣਾ ਕਰਨਾ ਪਿਆ।

"ਲਾਕ ਡਾਊਨ ਦਾ ਲੋਕਾਂ ਦੀ ਜ਼ਿੰਦਗੀ ਉੱਤੇ ਬਹੁਤ ਬੁਰਾ ਅਸਰ ਪਿਆ ਹੈ। ਮੈਂ ਟੈਕਸੀ ਅਤੇ ਊਬਰ ਦੋਵੇਂ ਕੰਮ ਕਰਕੇ ਵੇਖੇ ਹਨ ਪਰ ਇਹ ਮੇਰੇ ਰਾਸ ਨਹੀਂ ਆਏ। ਹੁਣ ਮੈਂ ਆਪਣਾ ਸਮਾਂ ਵੀਡੀਓ ਬਣਾਉਣ ਦੇ ਲੇਖੇ ਲਾਉਂਦਾ ਹਾਂ।"

The couple celebrated with their friends after they got 100K subscribers on YouTube. Source: Supplied

ਇੰਦਰ ਸਰਾਓ ਨੇ ਕਿਹਾ ਕਿ ਸੋਸ਼ਲ ਮੀਡੀਆ ਉੱਤੇ ਆਪਣੀ ਜਿੰਦਗੀ ਨੂੰ 'ਫਰੋਲਣ' ਦੇ ਨਫ਼ੇ-ਨੁਕਸਾਨ ਨਾਲ਼-ਨਾਲ਼ ਹੀ ਚਲਦੇ ਹਨ। 

"ਸਾਨੂੰ ਖੁਸ਼ੀ ਹੈ ਲੋਕਾਂ ਵੱਲੋਂ ਸਾਡੇ ਆਮ ਜਿਹੇ ਅਤੇ ਹਲਕੇ-ਫੁਲਕੇ ਅੰਦਾਜ਼ ਨੂੰ ਪਸੰਦ ਕੀਤਾ ਜਾਂਦਾ ਹੈ। ਆਮ ਤੌਰ ਉੱਤੇ ਚੰਗੇ ਸੁਨੇਹੇ ਹੀ ਪੜ੍ਹਨ ਨੂੰ ਮਿਲਦੇ ਹਨ ਪਰ ਕਈ ਵਾਰ ਸਾਨੂੰ ਭੱਦੀ ਸ਼ਬਦਾਵਲੀ ਦਾ ਵੀ ਨਿਸ਼ਾਨ ਬਣਾਇਆ ਜਾਂਦਾ ਹੈ।

Inder and Kirat came to Australia in 2014 (L) as international students. Source: Supplied

“ਸਾਡੀ ਬੇਨਤੀ ਹੈ ਕਿ ਅਗਰ ਤੁਹਾਨੂੰ ਕੁਝ ਚੰਗਾ ਨਹੀਂ ਲੱਗਦਾ ਤਾਂ ਕਿਰਪਾ ਕਰਕੇ ਨਾ ਵੇਖੋ ਜਾਂ ਸਹੀ ਢੰਗ ਨਾਲ਼ ਆਪਣੇ ਸੁਝਾਅ ਦਿਓ ਤਾਂ ਜੋ ਅਸੀਂ ਉਨ੍ਹਾਂ ਉੱਤੇ ਅਮਲ ਕਰ ਸਕੀਏ।" 

ਇੰਦਰ ਸਰਾਓ ਅਤੇ ਕੀਰਤ ਰੰਧਾਵਾ ਨਾਲ਼ ਪੂਰੀ ਗੱਲਬਾਤ ਸੁਨਣ ਲਈ ਉੱਪਰ ਫੋਟੋ ਉੱਤੇ ਦਿੱਤੇ ਆਡੀਓ ਲਿੰਕ ਉੱਤੇ ਕਲਿਕ ਕਰੋ..

The couple hails from the Patiala district of Punjab, India. Source: Supplied

ਆਸਟ੍ਰੇਲੀਆ ਵਿੱਚ ਲੋਕਾਂ ਨੂੰ ਇੱਕ-ਦੂਸਰੇ ਤੋਂ ਘੱਟੋ-ਘੱਟ 1.5 ਮੀਟਰ ਦੀ ਦੂਰੀ ‘ਤੇ ਰਹਿਣਾ ਚਾਹੀਦਾ ਹੈ। 

ਮੈਟਰੋਪੋਲੀਟਨ ਮੈਲਬੌਰਨ ਨਿਵਾਸੀ ਸਟੇਜ 4 ਪਾਬੰਦੀਆਂ ਦੇ ਅਧੀਨ ਹਨ ਅਤੇ ਲਾਜ਼ਮੀ ਤੌਰ 'ਤੇ ਉਨ੍ਹਾਂ ਨੂੰ ਰਾਤ 8 ਵਜੇ ਤੋਂ ਸਵੇਰੇ 5 ਵਜੇ ਦੇ ਵਿਚਕਾਰ ਕਰਫਿਊ ਦੀ ਪਾਲਣਾ ਕਰਨੀ ਚਾਹੀਦੀ ਹੈ।

ਜੇ ਤੁਹਾਨੂੰ ਠੰਡ ਜਾਂ ਫਲੂ ਵਰਗੇ ਲੱਛਣ ਮਹਿਸੂਸ ਹੋ ਰਹੇ ਹਨ ਤਾਂ ਤੁਸੀਂ ਆਪਣੇ ਡਾਕਟਰ ਜਾਂ ਕਰੋਨਾਵਾਇਰਸ ਹੈਲਥ ਇਨਫੋਰਮੇਸ਼ਨ ਹੋਟਲਾਈਨ ਨੂੰ 1800 020 080 ‘ਤੇ ਫੋਨ ਕਰਦੇ ਹੋਏ ਟੈਸਟ ਕਰਵਾ ਸਕਦੇ ਹੋ।

ਐਸ ਬੀ ਐਸ ਆਸਟ੍ਰੇਲੀਆ ਵਿਚਲੇ ਵਿਆਪਕ ਭਾਈਚਾਰੇ ਨੂੰ ਕੋਵਿਡ-19 ਬਾਰੇ ਤਾਜ਼ਾ ਜਾਣਕਾਰੀ ਪ੍ਰਦਾਨ ਕਰਨ ਲਈ ਵਚਨਬੱਧ ਹੈ। 63 ਭਾਸ਼ਾਵਾਂ ਵਿੱਚ ਤਾਜ਼ੀਆਂ ਖਬਰਾਂ ਅਤੇ ਜਾਣਕਾਰੀਆਂ sbs.com.au/coronavirus ਉੱਤੇ ਉਪਲਬਧ ਹਨ। 

ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਐਸ ਬੀ ਐਸ ਪੰਜਾਬੀ ਦਾ ਪ੍ਰੋਗਾਮ ਸੁਣੋ ਅਤੇ ਸਾਨੂੰ ਫੇਸਬੁੱਕ ਉੱਤੇ ਵੀ ਫਾਲੋ