Key Points
- ਜੇਕਰ ਤੁਸੀਂ ਆਪਣੇ ਘਰ ਦੇ ਅੰਦਰ ਜਾਂ ਆਲੇ-ਦੁਆਲੇ ਜੰਗਲੀ ਜੀਵ ਦੇਖਦੇ ਹੋ, ਤਾਂ ਉਨ੍ਹਾਂ ਤੋਂ ਦੂਰ ਰਹੋ ਅਤੇ ਪਾਲਤੂ ਜਾਨਵਰਾਂ ਅਤੇ ਬੱਚਿਆਂ ਨੂੰ ਵੀ ਦੂਰ ਰੱਖੋ।
- ਜੇਕਰ ਲੋੜ ਹੋਵੇ, ਤਾਂ ਆਪਣੇ ਸਥਾਨਕ ਜੰਗਲੀ ਜੀਵ ਬਚਾਅ ਸੰਗਠਨ ਜਾਂ ਆਪਣੀ ਸਥਾਨਕ ਕੌਂਸਲ ਰਾਹੀਂ ਮਾਹਿਰ ਦੀ ਸਹਾਇਤਾ ਲਓ।
- ਆਪਣੇ ਘਰ ਦੇ ਆਲੇ-ਦੁਆਲੇ ਜੰਗਲੀ ਜੀਵਾਂ ਲਈ ਰਿਹਾਇਸ਼ ਪ੍ਰਦਾਨ ਕਰਨ ਨਾਲ ਨਾ ਸਿਰਫ਼ ਇਨ੍ਹਾਂ ਜਾਨਵਰਾਂ ਨੂੰ ਫਾਇਦਾ ਹੁੰਦਾ ਹੈ, ਸਗੋਂ ਤੁਹਾਡੇ ਸਥਾਨਕ ਖੇਤਰ ਵਿੱਚ ਵਧੇਰੇ ਕੁਦਰਤ ਹੋਣਾ ਮਨੁੱਖੀ ਸਿਹਤ ਲਈ ਵੀ ਲਾਭਦਾਇਕ ਹੁੰਦਾ ਹੈ।
How common is it to encounter wildlife in your home in Australia?
What to do if you encounter wildlife on your property?
How to help identify wildlife species living on your property?
How to look after urban wildlife in your area?
ਆਸਟ੍ਰੇਲੀਆ ਵਿੱਚ ਤੁਸੀਂ ਭਾਵੇਂ ਕਿਤੇ ਵੀ ਰਹਿੰਦੇ ਹੋਵੋ, ਕਿਸੇ ਵਿਅਸਤ ਮਹਾਂਨਗਰ ਤੋਂ ਲੈ ਕੇ ਸ਼ਹਿਰ ਦੇ ਕਿਨਾਰੇ ਜਾਂ ਫਿਰ ਕਿਸੇ ਖੇਤਰੀ ਕਸਬੇ ਜਾਂ ਕਿਸੇ ਦੂਰ-ਦੁਰਾਡੇ ਖੇਤਾਂ ਵਿੱਚ, ਇਸ ਗੱਲ ਦੀ ਪੂਰੀ ਸੰਭਾਵਨਾ ਹੈ ਕਿ ਤੁਹਾਡਾ ਸਾਹਮਣਾ ਆਸਟ੍ਰੇਲੀਆ ਦੇ ਵਿਭਿੰਨ ਅਤੇ ਸੁੰਦਰ ਜੰਗਲੀ ਜੀਵਾਂ ਨਾਲ ਜਰੂਰ ਹੋਵੇਗਾ।
ਪੰਛੀ, ਚਮਗਾਦੜ, ਪੋਸਮ, ਛਿੱਪਕਲੀਆਂ, ਛੋਟੇ ਸਤਨਧਾਰੀ, ਅਤੇ ਇੱਥੋਂ ਤਕ ਕਿ ਸੱਪ ਅਤੇ ਮੱਕੜੀਆਂ — ਆਸਟ੍ਰੇਲੀਆ ਵਿੱਚ ਕਈ ਕਿਸਮਾਂ ਦੇ ਜੰਗਲੀ ਜੀਵ ਹਨ ਜੋ ਉੱਡ ਸਕਦੇ ਹਨ, ਤੁਰ ਸਕਦੇ ਹਨ, ਛੜੱਪੇ ਮਾਰ ਸਕਦੇ ਹਨ ਜਾਂ ਰੇਂਗਦੇ ਹੋਏ ਆ ਸਕਦੇ ਹਨ।
ਤੁਹਾਨੂੰ ਆਪਣੇ ਘਰ ਦੀ ਟਾਇਲਟ ਵਿੱਚ ਡੱਡੂ, ਤੁਹਾਡੇ ਘਰ ਦੇ ਛੱਤ ਵਿੱਚ ਲੁਕਿਆ ਹੋਇਆ ਪੋਸਮ, ਜਾਂ ਘਰ ਹੇਠਾਂ ਇੱਕ ਵੰਬੈਟ ਵਲੋਂ ਬਣਾਈ ਗਈ ਖੁੱਡ ਵੀ ਨਜ਼ਰ ਆ ਸਕਦੀ ਹੈ। ਦਰਅਸਲ ਜੰਗਲੀ ਜੀਵ ਅਕਸਰ ਪਾਣੀ, ਖਾਣ-ਪੀਣ ਜਾਂ ਆਰਾਮਦਾਇਕ ਥਾਂ ਦੀ ਤਲਾਸ਼ ਵਿੱਚ ਘਰਾਂ ਅਤੇ ਜਾਇਦਾਦਾਂ ਵੱਲ ਖਿਚੇ ਆ ਜਾਂਦੇ ਹਨ।
ਹਾਲਾਂਕਿ ਕੁਝ ਪ੍ਰਜਾਤੀਆਂ, ਜਿਵੇਂ ਜ਼ਹਿਰੀਲੇ ਸੱਪ ਅਤੇ ਮਕੜੀਆਂ, ਤੋਂ ਸਾਵਧਾਨ ਰਹਿਣਾ ਚਾਹੀਦਾ ਹੈ, ਪਰ ਜ਼ਿਆਦਾਤਰ ਆਸਟ੍ਰੇਲੀਆਈ ਜੰਗਲੀ ਜੀਵ ਬਿਨਾਂ ਨੁਕਸਾਨ ਦੇ ਹੁੰਦੇ ਹਨ, ਜੇਕਰ ਤੁਸੀਂ ਉਨ੍ਹਾਂ ਨੂੰ ਛੱਡ ਦਿਓ ਅਤੇ ਸਿਰਫ਼ ਉਨ੍ਹਾਂ ਦੀ ਹਾਜ਼ਰੀ ਦਾ ਆਨੰਦ ਲਵੋ।
ਕਈ ਹਾਲਾਤਾਂ ਵਿੱਚ, ਤੁਹਾਡੇ ਘਰਾਂ ਜਾਂ ਪਿਛਲੇ ਵਿਹੜੇ ਵਿੱਚ ਨਜ਼ਰ ਆਉਣ ਵਾਲੇ ਜੰਗਲੀ ਜੀਵ ਸਿਰਫ਼ ਅਸਥਾਈ ਮਹਿਮਾਨ ਹੁੰਦੇ ਹਨ — ਉਹ ਸਿਰਫ਼ ਅੱਗੇ ਜਾ ਰਹੇ ਹੁੰਦੇ ਹਨ ਅਤੇ ਤੁਹਾਡੇ ਸਥਾਨ ਤੋਂ ਜਲਦੀ ਹੀ ਚਲੇ ਜਾਂਦੇ ਹਨ। ਇਹਨਾਂ ਵਿੱਚ ਪੋਸਮ, ਕੋਆਲਾ, ਇਕਿਡਨਾ, ਕੰਗਾਰੂ, ਪੰਛੀਆਂ ਤੇ ਰੇਂਗਣ ਵਾਲੇ ਜੀਵਾਂ ਦੀਆਂ ਵੱਖ-ਵੱਖ ਕਿਸਮਾਂ ਸ਼ਾਮਲ ਹੋ ਸਕਦੀਆਂ ਹਨ।
ਜੰਗਲੀ ਜੀਵਾਂ ਨਾਲ ਮੁਲਾਕਾਤ ਅਕਸਰ ਥੋੜ੍ਹੇ ਸਮੇਂ ਲਈ ਹੁੰਦੀ ਹੈ। ਇਸ ਲਈ ਡਾ. ਜੈਕਿੰਟਾ ਹੰਫਰੇ, ਜੋ ਕਿ ਮੈੇਲਬਰਨ ਦੀ ਆਰਐਮਆਈਟੀ ਯੂਨੀਵਰਸਿਟੀ ਵਿੱਚ ਅਰਬਨ ਈਕੋਲੋਜਿਸਟ ਹੈ ਯਾਦ ਦਿਵਾਉਂਦੀ ਹੈ ਕਿ ਇਸ ਤਜਰਬੇ ਦਾ ਆਨੰਦ ਜ਼ਰੂਰ ਲਓ, ਕਿਉਂਕਿ ਆਸਟ੍ਰੇਲੀਆ ਵਿਲੱਖਣ ਜੀਵ ਪ੍ਰਜਾਤੀਆਂ ਦਾ ਘਰ ਹੈ।
ਸ਼ਹਿਰੀ ਇਲਾਕਿਆਂ ਵਿੱਚ, ਜਿੱਥੇ ਕੁਦਰਤੀ ਝਾੜੀਆਂ ਅਤੇ ਜੰਗਲ ਘੱਟ ਹੋ ਸਕਦੇ ਹਨ, ਜੈਕਿੰਟਾ ਦਾ ਕਹਿਣਾ ਹੈ ਕਿ ਇਹ ਅਸਲ ਵਿਚ ਮਹੱਤਵਪੂਰਨ ਹੈ ਕਿ ਅਸੀਨ ਸ਼ਹਿਰੀ ਜੰਗਲੀ ਜੀਵਾਂ ਦੀ ਦੇਖਭਾਲ ਕਰੀਏ ਅਤੇ ਉਨ੍ਹਾ ਦੇ ਰਹਿਣ ਲਈ ਢੁੱਕਵੇਂ ਮੌਕੇ ਪ੍ਰਦਾਨ ਕਰੀਏ।
‘ਲਿਵਿੰਗ ਵਿਦ ਵਾਇਲਡਲਾਈਫ: ਏ ਗਾਈਡ ਫਾਰ ਆਰ ਹੋਮਜ਼ ਐਂਡ ਬੈਕਯਾਰਡਜ਼’ ਨਾਮਕ ਕਿਤਾਬ ਦੇ ਲੇਖਕ ਅਤੇ ਵਾਤਾਵਰਨ ਵਿਗਿਆਨੀ ਤਾਨਿਆ ਲੂਸ ਦਾ ਕਹਿਣਾ ਹੈ ਕਿ ਆਪਣੇ ਘਰ ਵਿੱਚ ਜਾਂ ਘਰ ਦੇ ਆਲੇ-ਦੁਆਲੇ ਆਸਟ੍ਰੇਲੀਆ ਦੇ ਵਿਲੱਖਣ ਜੰਗਲੀ ਜੀਵਾਂ ਨਾਲ ਸਾਹਮਣਾ ਹੋਣ ਨਾਲ ਤੁਹਾਨੂੰ ਇਨ੍ਹਾਂ ਹੈਰਾਨਕੁੰਨ ਜਾਨਵਾਰਾਂ ਬਾਰੇ ਹੋਰ ਜਾਣਨ ਦਾ ਮੌਕਾ ਵੀ ਮਿਲ ਜਾਂਦਾ ਹੈ।
ਕੁੱਲ ਮਿਲਾ ਕੇ, ਤੁਹਾਡੇ ਘਰ ਜਾਂ ਉਸ ਦੇ ਆਲੇ-ਦੁਆਲੇ ਜੰਗਲੀ ਜੀਵਾਂ ਨਾਲ ਸਾਹਮਣਾ ਕਰਨ ਬਾਰੇ ਜਾਗਰੂਕ ਰਹਿਣਾ ਜਾਨਵਰਾਂ ਅਤੇ ਮਨੁੱਖਾਂ ਭਾਵ ਦੋਵਾਂ ਧਿਰਾਂ ਲਈ ਸਕਾਰਾਤਮਕ ਨਤੀਜੇ ਦਾ ਕਾਰਨ ਬਣ ਸਕਦਾ ਹੈ
ਆਸਟ੍ਰੇਲੀਆ ਦੇ ਹਰ ਰਾਜ ਅਤੇ ਖੇਤਰ ਵਿੱਚ ਜੰਗਲੀ ਜੀਵ ਬਚਾਅ ਅਤੇ ਦੇਖਭਾਲ ਸੰਗਠਨ ਹਨ:
- NSW: WIRES 1300 094 737
- VIC: Wildlife Victoria (03) 8400 7300
- QLD: RSPCA QLD 1300 264 625
- NT: Various services
- ACT: ACT Wildlife 0432 300 033
- TAS: Bonorong Sanctuary 0447 264 625
- SA: SA Fauna Rescue (08) 8289 0896
- WA: Wildcare Helpline (08) 9474 9055
ਆਸਟ੍ਰੇਲੀਆ ਵਿੱਚ ਆਪਣੀ ਨਵੀਂ ਜ਼ਿੰਦਗੀ ਵਿੱਚ ਸੈਟਲ ਹੋਣ ਬਾਰੇ ਵਧੇਰੇ ਕੀਮਤੀ ਜਾਣਕਾਰੀ ਅਤੇ ਸੁਝਾਵਾਂ ਲਈ ਆਸਟ੍ਰੇਲੀਆ ਐਕਸਪਲੇਨਡ ਪੋਡਕਾਸਟ ਨੂੰ ਸਬਸਕ੍ਰਾਈਬ ਕਰੋ ਜਾਂ ਫਾਲੋ ਕਰੋ।
ਕੀ ਤੁਹਾਡੇ ਕੋਈ ਸਵਾਲ ਜਾਂ ਵਿਸ਼ੇ ਦੇ ਵਿਚਾਰ ਹਨ ਤਾਂ australiaexplained@sbs.com.au ਉਤੇ ਇੱਕ ਈਮੇਲ ਭੇਜੋ।
