ਸ਼੍ਰੀ ਵਰਮਾ ਅਨੁਸਾਰ, ‘ਪੰਜਾਬੀ ਹਮੇਸ਼ਾਂ ਹੀ ਬਹੁਤ ਮਿਹਨਤਕਸ਼ ਮੰਨੇ ਜਾਂਦੇ ਰਹੇ ਹਨ ਅਤੇ ਉਹ ਆਸਟ੍ਰੇਲੀਆ ਦੀ ਆਰਥਿਕਤਾ ਵਿੱਚ ਵੀ ਭਰਵਾਂ ਯੋਗਦਾਨ ਪਾਉਂਦੇ ਹਨ। ਪਰ ਇਸ ਮਹਾਂਮਾਰੀ ਦੌਰਾਨ ਜਦੋਂ ਉਹਨਾਂ ਕੋਲ ਵੀ ਬਾਕੀਆਂ ਵਾਂਗ ਕੋਈ ਜਿਆਦਾ ਕੰਮ ਦੇ ਵਸੀਲੇ ਨਹੀਂ ਹਨ, ਮੈਂ ਉਹਨਾਂ ਲਈ ਜੌਬਕੀਪਰ ਅਤੇ ਜੌਬਸੀਕਰ ਭਲਾਈ ਭੱਤਿਆਂ ਨੂੰ ਪ੍ਰਾਪਤ ਕਰਨ ਦੇ ਸਹੀ ਤਰੀਕੇ ਦੱਸਣ ਲਈ ਕੁੱਝ ਵੀਡੀਓ ਬਣਾਈਆਂ ਹਨ’।
ਪ੍ਰਮੁੱਖ ਨੁਕਤੇ:
- ਮੈਲਬਰਨ ਦੇ ਅਕਾਂਉਂਟੈਂਟ ਰਾਹੀ ਵਰਮਾ ਨੇ ਭਲਾਈ ਭੱਤਿਆਂ ਅਤੇ ਟੈਕਸ ਨਿਯਮਾਂ ਬਾਰੇ ਲੋਕਾਂ ਨੂੰ ਜਾਗਰੂਕ ਕਰਨ ਲਈ ਪੰਜਾਬੀ ਵਿੱਚ ਵੀਡੀਓ ਬਣਾਈਆਂ ਹਨ।
- ਉਹਨਾਂ ਵਲੋਂ ਜੌਬਕੀਪਰ, ਜੌਬਸੀਕਰ ਅਤੇ ਪੇਰੈਂਟਿੰਗ ਪੇਅਮੈਂਟ ਵਿਸ਼ਿਆਂ ‘ਤੇ ਤਿਆਰ ਕੀਤੀਆਂ ਇਹਨਾਂ ਵੀਡੀਓਸ ਨੂੰ 50 ਹਜ਼ਾਰ ਵਾਰੀ ਦੇਖਿਆ ਜਾ ਚੁੱਕਿਆ ਹੈ।
- ‘ਮੈਂ ਸਾਰਿਆਂ ਦੀ, ਖਾਸ ਕਰਕੇ ਮਿਹਨਤੀ ਪੰਜਾਬੀਆਂ ਦੀ ਮਦਦ ਕਰਨਾ ਚਾਹੁੰਦਾ ਹਾਂ’, ਕਿਹਾ ਸ਼੍ਰੀ ਵਰਮਾਂ ਨੇ।
‘ਜਦੋਂ ਆਸਟ੍ਰੇਲੀਆ ਵਿੱਚ ਭਲਾਈ ਭੱਤਿਆਂ ਦੀ ਘੋਸ਼ਣਾਂ ਕੀਤੀ ਗਈ ਸੀ, ਉਦੋਂ ਤੋਂ ਹੀ ਇਹਨਾਂ ਨੂੰ ਲੈ ਕਿ ਕਾਫੀ ਭੰਬਲਭੂਸਾ ਸੀ। ਮੈਨੂੰ ਕਈ ਲੋਕਾਂ ਨੇ ਫੋਨ ਕਰਕੇ ਇਹਨਾਂ ਦੀ ਯੋਗਤਾ ਅਤੇ ਹੋਰਨਾਂ ਨੁੱਕਤਿਆਂ ਬਾਰੇ ਪੁੱਛਿਆ ਜਾਂਦਾ ਰਿਹਾ ਸੀ। ਇਸ ਲਈ ਮੈਂ ਸੋਚਿਆ ਕਿ ਇਹਨਾਂ ਭਲਾਈ ਭੱਤਿਆਂ ਬਾਰੇ ਸਹੀ ਅਤੇ ਸੰਪੂਰਨ ਜਾਣਕਾਰੀ ਸਾਰਿਆਂ ਨਾਲ ਸੋਸ਼ਲ ਮੀਡੀਆ ਰਾਹੀਂ ਸਾਂਝੀ ਕੀਤੀ ਜਾਵੇ’।
ਸ਼੍ਰੀ ਵਰਮਾ ਨੇ ਕਿਹਾ ਕਿ "ਟਿੱਕਟੌਕ ਦੀ 60 ਸਕਿੰਟਾਂ ਵਾਲੀ ਲਿਮਿਟ ਕਾਰਨ ਮੈਂ ਸੰਖੇਪ ਪਰ ਸੰਪੂਰਨ ਜਾਣਕਾਰੀ ਦੇਣ ਵਿੱਚ ਸਫਲ ਹੋ ਸਕਿਆ ਹਾਂ।"
‘ਇਹ ਸਾਰੀਆਂ ਵੀਡੀਓਸ ਆਮ ਲੋਕਾਂ ਦੀ ਭਲਾਈ ਵਾਸਤੇ ਹਨ’, ਸ਼੍ਰੀ ਵਰਮਾਂ ਨੇ ਕਿਹਾ।
ਬੇਸ਼ਕ ਟਿੱਕਟੌਕ ਦੀਆਂ ਵੀਡੀਓਸ ਨੂੰ ਸੰਸਾਰ ਭਰ ਵਿੱਚ ਦੇਖਿਆ ਜਾ ਸਕਦਾ ਹੈ, ਪਰ ਸ਼੍ਰੀ ਵਰਮਾਂ ਅਨੁਸਾਰ ਉਹਨਾਂ ਦੀਆਂ ਵੀਡੀਓਸ ਨੂੰ ਦੇਖਣ ਵਾਲੇ ਜਿਆਦਾ ਲੋਕ ਆਸਟ੍ਰੇਲੀਆ ਤੋਂ ਹੀ ਹਨ।
ਆਪਣੀ ਮਾਤਾ ਦਾ ਕਿਹਾ ਮੰਨਦੇ ਹੋਏ ਸ਼੍ਰੀ ਵਰਮਾਂ ਨੇ ਆਪਣੇ ਘਰ ਤੋਂ ਹੀ ਮਜ਼ਾਕ ਮਜ਼ਾਕ ਵਿੱਚ ਇਹ ਵੀਡੀਓਸ ਤਿਆਰ ਕੀਤੀਆਂ ਸਨ ਜਿਹਨਾਂ ਨੂੰ ਹਜ਼ਾਰਾਂ ਦੀ ਗਿਣਤੀ ਵਿੱਚ ਦੇਖਿਆ ਜਾ ਚੁੱਕਿਆ ਹੈ।
‘ਮੈਨੂੰ ਲੋਕਾਂ ਵਲੋਂ ਅਜਿਹੀਆਂ ਵੀਡੀਓਸ ਹੋਰ ਭਾਸ਼ਾਵਾਂ ਵਿੱਚ ਬਨਾਉਣ ਲਈ ਵੀ ਕਿਹਾ ਜਾ ਰਿਹਾ ਹੈ। ਪਰ ਹਾਲ ਦੀ ਘੜੀ ਮੈਂ ਸਿਰਫ ਮਿਹਨਤੀ ਪੰਜਾਬੀਆਂ ਲਈ ਹੀ ਇਹ ਵੀਡੀਓ ਬਣਾਈਆਂ ਹਨ’।
ਆਸਟ੍ਰੇਲੀਆ ਵਿੱਚ ਲੋਕਾਂ ਨੂੰ ਇੱਕ-ਦੂਸਰੇ ਤੋਂ ਘੱਟੋ-ਘੱਟ 1.5 ਮੀਟਰ ਦੀ ਦੂਰੀ 'ਤੇ ਰਹਿਣਾ ਚਾਹੀਦਾ ਹੈ। ਇਕੱਠਾਂ ਉੱਤੇ ਲੱਗੀਆਂ ਪਾਬੰਦੀਆਂ ਬਾਰੇ ਆਪਣੇ ਰਾਜ ਅਤੇ ਪ੍ਰਦੇਸ਼ ਦੇ ਨਿਯਮਾਂ ਬਾਰੇ ਜਾਣੋ।
ਕਰੋਨਾਵਾਇਰਸ ਦੀ ਜਾਂਚ ਹੁਣ ਆਸਟ੍ਰੇਲੀਆ ਭਰ ਵਿੱਚ ਵਿਆਪਕ ਤੌਰ 'ਤੇ ਉਪਲੱਬਧ ਹੈ।
ਜੇਤੁਸੀਂ ਠੰਡ ਜਾਂ ਫਲੂ ਦੇ ਲੱਛਣਾਂ ਦਾ ਸਾਹਮਣਾ ਕਰ ਰਹੇ ਹੋ ਤਾਂ ਆਪਣੇ ਡਾਕਟਰ ਨੂੰ ਫੋਨਕਰਕੇ ਟੈਸਟ ਦਾ ਪ੍ਰਬੰਧ ਕਰੋ ਜਾਂ ਕਰੋਨਾਵਇਰਸ ਸਿਹਤ ਜਾਣਕਾਰੀ ਨੂੰ 1800 020 080 ਤੇਸੰਪਰਕ ਕਰੋ।
ਐਸ ਬੀ ਐਸ, ਆਸਟ੍ਰੇਲੀਆ ਦੇ ਵਿਭਿੰਨ ਭਾਈਚਾਰਿਆਂ ਨੂੰ ਕੋਵਿਡ-19 ਦੇ ਵਿਕਾਸ ਬਾਰੇ ਤਾਜ਼ਾ ਜਾਣਕਾਰੀ ਦੇਣ ਲਈ ਵਚਨਬੱਧ ਹੈ।
ਤਾਜ਼ੀਆਂ ਖਬਰਾਂ ਅਤੇ ਜਾਣਕਾਰੀਆਂ 63 ਭਾਸ਼ਾਵਾਂ ਵਿੱਚ sbs.com.au/coronavirus ਉੱਤੇ ਉਪਲੱਬਧ ਹਨ।
ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਐਸ ਬੀ ਐਸ ਪੰਜਾਬੀ ਦਾ ਪ੍ਰੋਗਾਮ ਸੁਣੋ ਅਤੇ ਸਾਨੂੰ ਫੇਸਬੁੱਕ ਉੱਤੇ ਵੀ ਫਾਲੋ ਕਰੋ
