ਮੌਲੇ ਜੱਟ ਦੀ ਦੰਤਕਥਾ ਉੱਤੇ ਅਧਾਰਿਤ ਫਿਲਮ 'ਦ ਲੈਜੈਂਡ ਆਫ ਮੌਲਾ ਜੱਟ' ਦੁਨੀਆ ਭਰ ਵਿੱਚ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਪਾਕਿਸਤਾਨੀ ਫਿਲਮ ਬਣ ਗਈ ਹੈ। ਫਿਲਮ ਦੇ ਨਿਰਦੇਸ਼ਕ ਮੁਤਾਬਿਕ ਇਹ ਫਿਲਮ ਆਸਟ੍ਰੇਲੀਆ ਦੇ 'ਬੌਕਸ ਔਫਿਸ ਚਾਰਟ 'ਤੇ ਨੰਬਰ 8 'ਤੇ ਰਹੀ, ਕੈਨੇਡਾ ਵਿੱਚ ਨੰਬਰ 6 ਜਦਕਿ ਯੂ ਏ ਈ ਵਿੱਚ $515,000 ਤੋਂ ਵੱਧ ਦੀ ਕਮਾਈ ਕਰਕੇ ਨੰਬਰ 1'ਤੇ ਪਹੁੰਚ ਗਈ ਹੈ।
ਪਾਕਿਸਤਾਨੀ ਪੰਜਾਬੀ ਫਿਲਮ 'ਲੈਜੈਂਡ ਆਫ ਮੌਲਾ ਜੱਟ' ਦੁਨੀਆ ਭਰ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰ ਰਹੀ ਹੈ।
ਇਹ ਫਿਲਮ 1979 'ਚ ਆਈ ਮਸ਼ਹੂਰ ਫਿਲਮ 'ਮੌਲਾ ਜੱਟ' ਦਾ ਰੀਮੇਕ ਹੈ ਅਤੇ ਹੁਣ ਤੱਕ ਦੀ ਸਭ ਤੋਂ ਮਹਿੰਗੀ ਪਾਕਿਸਤਾਨੀ ਫਿਲਮ ਵੀ ਹੈ। ਇਸ ਵਿੱਚ ਫਵਾਦ ਖਾਨ, ਮਾਹਿਰਾ ਖਾਨ ਅਤੇ ਹਮਜ਼ਾ ਅਲੀ ਅੱਬਾਸੀ ਮੁੱਖ ਭੂਮਿਕਾ ਵਿੱਚ ਹਨ।
ਉਤਸ਼ਾਹਿਤ ਨਿਰਦੇਸ਼ਕ ਬਿਲਾਲ ਲਾਸ਼ਾਰੀ ਨੇ ਟਵਿੱਟਰ 'ਤੇ ਫਿਲਮ ਦੇ ਰਿਕਾਰਡ ਤੋੜ ਨੰਬਰ ਸਾਂਝੇ ਕੀਤੇ।
ਇੱਕ ਹਫਤੇ 'ਚ ਹੀ ਫਿਲਮ ਨੇ ਅਮਰੀਕਾ ਵਿੱਚ $290,000, ਕੈਨੇਡਾ ਵਿੱਚ $235,000, ਸੰਯੁਕਤ ਅਰਬ ਅਮੀਰਾਤ ਵਿੱਚ $515,000 ਅਤੇ ਆਸਟਰੇਲੀਆ ਵਿੱਚ, $160,000 ਦੀ ਕਮਾਈ ਕੀਤੀ ਹੈ।
ਪਾਕਿਸਤਾਨ ਦੀਆਂ ਹੋਰ ਹਫਤਾਵਾਰੀ ਖਬਰਾਂ ਦੀ ਤਫਸੀਲ ਜਾਨਣ ਲਈ ਸੁਣੋ ਇਹ ਖਾਸ ਰਿਪੋਰਟ।
Share
