ਪੂਰੇ ਦੇਸ਼ ਵਿੱਚ ਇਸ ਖਾਸ ਦਿਨ ਮੌਕੇ ਸਮਾਗਮਾਂ ਰਾਹੀਂ ਸਾਬਕਾ ਅਤੇ ਮ੍ਰਿਤਕ ਸੈਨਿਕਾਂ ਨੂੰ ਯਾਦ ਕੀਤਾ ਜਾਂਦਾ ਹੈ। ਸਿਡਨੀ ਸੀਬੀਡੀ ਵਿੱਚ ਪਿਛਲੇ ਕਰੀਬ ਇੱਕ ਦਹਾਕੇ ਤੋਂ ਵਿਸ਼ੇਸ਼ ਪਰੇਡ ਰਾਹੀਂ ਸਾਬਕਾ ਸਿੱਖ ਸੈਨਿਕ ਅਤੇ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰ ਵੀ ਇਸ ਖਾਸ ਦਿਨ ਦਾ ਹਿੱਸਾ ਬਣਦੇ ਹਨ।
ਨੈਸ਼ਨਲ ਸਿੱਖ ਕੌਂਸਲ ਆਫ ਆਸਟ੍ਰੇਲੀਆ ਦੇ ਸਕੱਤਰ ਬਾਵਾ ਸਿੰਘ ਜਗਦੇਵ ਨੇ ਐਸ ਬੀ ਐਸ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਸਿੱਖਾਂ ਨੂੰ ਇਸ ਪਰੇਡ ਵਿੱਚ ਮਾਰਚ ਕਰਨ ਦੀ ਇਜ਼ਾਜਤ ਦਿਵਾਉਣ ਲਈ ਕਾਫੀ ਜੱਦੋਜਹਿਦ ਕਰਨੀ ਪਈ ਸੀ।
ਉਨ੍ਹਾਂ ਦੱਸਿਆ ਕਿ 2010 ਵਿੱਚ ਆਰ ਐੱਸ ਐੱਲ ਨਿਊ ਸਾਊਥ ਵੇਲਜ਼ ਨਾਲ ਰਾਬਤਾ ਕਰ ਕੇ ਇਹ ਮੰਗ ਰੱਖੀ ਕਿ ਸਿੱਖ ਰੈਜੀਮੈਂਟ ਦੇ ਸੈਨਿਕਾਂ ਨੇ ਵੀ ਪਹਿਲੀ ਵਿਸ਼ਵ ਜੰਗ ਤਹਿਤ ਗਲੀਪੋਲੀ ਯੁੱਧ ਵਿੱਚ ਹਿੱਸਾ ਲਿਆ ਸੀ, ਜਿਸ ਕਾਰਨ ਸਿੱਖ ਰੈਜੀਮੈਂਟ ਨੂੰ ਵੀ 'ਐਨਜ਼ੈਕ ਡੇਅ' ਮੌਕੇ ਪਰੇਡ ਕਰਨ ਦੀ ਪ੍ਰਵਾਨਗੀ ਦਿੱਤੀ ਜਾਵੇ ਪਰ ਆਰ ਐੱਸ ਐੱਲ ਵਲੋਂ ਨਾਂਹ ਕਰ ਦਿੱਤੀ ਗਈ ਸੀ।
2011 ਵਿੱਚ ਹਰੀ ਝੰਡੀ ਮਿਲਣ ਮਗਰੋਂ ਪਹਿਲੀ ਵਾਰ 'ਐਨਜ਼ੈਕ ਡੇਅ' ਪਰੇਡ ਮੌਕੇ ਸਿੱਖ ਰੈਜੀਮੈਂਟ ਨੇ ਮਾਰਚ ਕੀਤਾ ਸੀ ਅਤੇ ਉਦੋਂ ਤੋਂ ਲੈ ਕੇ ਇਹ ਸਿਲਸਿਲਾ ਨਿਰੰਤਰ ਚੱਲਦਾ ਆ ਰਿਹਾ ਹੈ।
ਬਾਵਾ ਸਿੰਘ ਜਗਦੇਵ ਨੇ ਦੱਸਿਆ ਕਿ ਇਸ ਸਿੱਖ ਪਰੇਡ ਵਿੱਚ ਸਿਰਫ ਸਾਬਕਾ ਸੈਨਿਕ ਜਾਂ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰ ਹੀ ਸ਼ਾਮਿਲ ਹੋ ਸਕਦੇ ਹਨ ਅਤੇ ਹਰੇਕ ਮੈਂਬਰ ਨੂੰ ਪਹਿਰਾਵੇ ਸਮੇਤ ਕੁਝ ਹੋਰ ਖਾਸ ਨਿਯਮਾਂ ਦੀ ਪਾਲਣਾ ਕਰਨੀ ਲਾਜ਼ਮੀ ਹੁੰਦੀ ਹੈ।
ਉਨ੍ਹਾਂ ਸਮੂਹ ਭਾਈਚਾਰੇ ਨੂੰ 'ਐਨਜ਼ੈਕ ਡੇਅ' ਵਾਲੇ ਦਿਨ ਸਿਡਨੀ ਦੇ ਇਸ ਖਾਸ ਸਮਾਗਮ ਵਿੱਚ ਸਿੱਖ ਪਰੇਡ ਦੀ ਹੌਂਸਲਾ ਅਫਜ਼ਾਈ ਕਰਨ ਲਈ ਵੀ ਪ੍ਰੇਰਿਤ ਕੀਤਾ ਹੈ।
ਹੋਰ ਵੇਰਵੇ ਲਈ ਸੁਣੋ ਇਹ ਇੰਟਰਵਿਊ.....
ਸੋਮਵਾਰ ਤੋਂ ਸ਼ੁੱਕਰਵਾਰ ਸ਼ਾਮ 4 ਵਜੇ ਸਾਡਾ ਪੰਜਾਬੀ ਪ੍ਰੋਗਰਾਮ ਪੌਪ ਦੇਸੀ 'ਤੇ ਸੁਣੋ।
