Key Points
- ਆਸਟ੍ਰੇਲੀਆ ਸੜਕੀ ਸਫ਼ਰ ਲਈ ਬਣਿਆ ਹੈ, ਪਰ ਵਿਸ਼ਾਲ ਦੂਰੀ, ਜੰਗਲੀ ਜੀਵਨ ਅਤੇ ਦੂਰ ਦਰਜ ਦੇ ਖੇਤਰਾਂ ਕਾਰਨ ਪਹਿਲਾਂ ਤੋਂ ਯੋਜਨਾ ਬਣਾਉਣਾ ਮਹੱਤਵਪੂਰਨ ਹੈ।
- ਜ਼ਰੂਰੀ ਚੀਜ਼ਾਂ ਜਿਵੇਂ ਕਿ ਇੱਕ ਭੌਤਿਕ ਨਕਸ਼ਾ, ਪਾਣੀ, ਭੋਜਨ, ਅਤੇ ਇੱਕ ਫਸਟ ਏਡ ਕਿੱਟ ਆਪਣੇ ਨਾਲ ਰੱਖੋ, ਅਤੇ ਜਾਨਵਰਾਂ, ਖਾਸ ਕਰਕੇ ਕੰਗਾਰੂਆਂ ਪ੍ਰਤੀ ਸੁਚੇਤ ਰਹੋ।
- ਦੇਸੀ ਬੇਕਰੀਆਂ, ਛੋਟੇ ਕਸਬਿਆਂ ਅਤੇ ਰਾਸ਼ਟਰੀ ਪਾਰਕਾਂ ਵਿੱਚ ਰੁਕੋ, ਅਤੇ ਆਸਟ੍ਰੇਲੀਆ ਦੀ ਕੁਦਰਤੀ ਸੁੰਦਰਤਾ ਅਤੇ ਵਿਭਿੰਨ ਸੱਭਿਆਚਾਰਾਂ ਦਾ ਆਨੰਦ ਲੈਣ ਲਈ ਸਮਾਂ ਕੱਢੋ।
- ਸੜਕੀ ਯਾਤਰਾ ਦੇ ਪ੍ਰਸਿੱਧ ਰੂਟਾਂ ਵਿੱਚ ਗ੍ਰੇਟ ਓਸ਼ਨ ਰੋਡ, ਪੈਸੀਫਿਕ ਕੋਸਟ, ਤਸਮਾਨੀਆ, ਅਤੇ, ਜ਼ਿਆਦਾ ਬਹਾਦਰ ਲੋਕਾਂ ਲਈ, ਗਿਬ ਰਿਵਰ ਰੋਡ ਜਾਂ ਕੇਪ ਯਾਰਕ ਤੋਂ ਕੇਅਰਨਜ਼ ਤੱਕ ਦਾ ਮਾਰਗ ਸ਼ਾਮਲ ਹਨ।
- ਸੜਕੀ ਸਫ਼ਰ 'ਤੇ ਜਾਣ ਤੋਂ ਪਹਿਲਾਂ ਤੁਹਾਨੂੰ ਕਿਹੜੀਆਂ ਗੱਲਾਂ ਦਾ ਧਿਆਨ ਰੱਖਣਾ ਚਾਹੀਦਾ ਹੈ?
- ਸੜਕੀ ਸਫ਼ਰ 'ਤੇ ਜੰਗਲੀ ਜੀਵਾਂ ਦਾ ਧਿਆਨ ਕਿਵੇਂ ਰੱਖਣਾ ਹੈ?
- ਸੜਕ 'ਤੇ ਕੀ ਜੋਖਮ ਹਨ?
- ਸੜਕੀ ਸਫ਼ਰ ਕਰਨ ਵਾਲੇ ਰਸਤੇ ਵਿੱਚ ਕਿੱਥੇ ਰੁਕਣਾ ਪਸੰਦ ਕਰਦੇ ਹਨ?
- ਦੇਸ਼ ਦੀ ਵਿਭਿੰਨਤਾ ਨੂੰ ਸਮਝਣਾ
ਆਸਟ੍ਰੇਲੀਆ ਵਿਸ਼ਾਲ ਹੈ, ਸਚਮੁਚ ਬਹੁਤ ਵਿਸ਼ਾਲ। ਅਤੇ ਕਦੇ-ਕਦੇ ਇਸ ਦੇ ਆਕਾਰ ਨੂੰ ਸਮਝਣ ਦਾ ਸਭ ਤੋਂ ਵਧੀਆ ਤਰੀਕਾ ਗੱਡੀ ਰਾਹੀਂ ਸਫਰ ਕਰਨਾ ਹੁੰਦਾ ਹੈ।
ਯਾਤਰਾ ਲੇਖਿਕਾ ਲਾਰਾ ਪੀਕੋਨੇ ਕਹਿੰਦੀ ਹੈ ਕਿ ਸੜਕੀ ਸਫ਼ਰ ਸਿਰਫ ਖ਼ੂਬਸੂਰਤ ਨਜ਼ਾਰਿਆਂ ਤੋਂ ਵੱਧ ਕਈ ਕੁਝ ਪ੍ਰਦਾਨ ਕਰਦਾ ਹੈ।
ਪਰ ਇਸ ਪੈਮਾਨੇ ਨਾਲ ਪਹਿਲਾਂ ਤੋਂ ਯੋਜਨਾ ਬਣਾਉਣਾ ਵੀ ਜ਼ਰੂਰੀ ਹੈ। ਕੁਝ ਇਲਾਕੇ ਦੂਰ-ਦਰਾਜ ਦੇ ਹਨ। ਜਿਥੇ ਦੂਰ-ਦੂਰ ਤੱਕ ਨਾ ਤਾਂ ਫੋਨ ਦਾ ਨੈਟਵਰਕ ਆਉਂਦਾ ਹੈ ਅਤੇ ਨਾ ਹੀ ਪਟਰੋਲ ਪੰਪ।
ਸਫਰ ਸ਼ੁਰੂ ਕਰਨ ਤੋਂ ਪਹਿਲਾ ਰਸਤੇ ਬਾਰੇ ਚੰਗੀ ਤਰ੍ਹਾਂ ਪਤਾ ਕਰ ਲਓ ਅਤੇ ਕਿਸੇ ਰੋਡ ਅਸਿਸਟੈਂਸ ਪ੍ਰੋਵਾਈਡਰ ਭਾਵ ਕਿ ਸੜਕ ਉੱਤੇ ਸਹਾਇਤਾ ਪ੍ਰਦਾਨ ਕਰਨ ਵਾਲੀ ਕੰਪਨੀ ਨਾਲ ਖ਼ੁਦ ਨੂੰ ਰਜਿਸਟਰ ਜ਼ਰੂਰ ਕਰ ਲਓ।
ਆਰ ਏ ਸੀ ਵੀ ਦੇ ਨੀਤੀ ਪ੍ਰਮੁੱਖ ਜੇਮਸ ਵਿਲੀਅਮਜ਼ ਕਹਿੰਦੇ ਹਨ ਕਿ ਆਪਣੀ ਕਾਰ ਵਿੱਚ ਕੁਝ ਜ਼ਰੂਰੀ ਚੀਜ਼ਾਂ ਰੱਖਣੀਆਂ ਨਾ ਭੁੱਲੋ।
ਜੇਕਰ ਤੁਹਾਡੀ ਕਾਰ ਖਰਾਬ ਹੋ ਗਈ ਹੈ ਅਤੇ ਉਸ ਥਾਂ ਫੋਨ ਨੈਟਵਰਕ ਨਹੀਂ ਹੈ ਤਾਂ ਵਿਲੀਅਮਜ਼ ਦਾ ਕਹਿਣਾ ਹੈ ਕਿ ਆਪਣੇ ਵਾਹਨ ਦੇ ਨਜ਼ਦੀਕ ਹੀ ਰਹੋ।
ਦੂਰ-ਰਾਜ ਖੇਤਰਾਂ ਵਿੱਚ ਡਰਾਈਵਿੰਗ ਕਰਨ ਵੇਲੇ ਜੰਗਲੀ ਜਾਨਵਰਾਂ ਖਾਸ ਕਰ ਕੰਗਾਰੂਆਂ ਬਾਰੇ ਚੌਕੰਨੇ ਰਹੋ ।ਸਵੇਰ ਅਤੇ ਸ਼ਾਮ ਵੇਲੇ ਗੱਡੀ ਚਲਾਉਣ ਤੋਂ ਸੰਕੋਚ ਕਰੋ ਕਿਉਂਕਿ ਉਸ ਵੇਲੇ ਉਹ ਜ਼ਿਆਦਾ ਸਰਗਰਮ ਹੁੰਦੇ ਹਨ।
ਜੇਮਸ ਵਿਲੀਅਮਜ਼ ਦਾ ਕਹਿਣਾ ਹੈ ਕਿ ਜੰਗਲੀ ਜੀਵਾਂ ਨਾਲ ਟੱਕਰ ਘਾਤਕ ਹੋ ਸਕਦੀ ਹੈ।
ਜੇਕਰ ਤੁਹਾਡੀ ਗੱਡੀ ਕਿਸੇ ਜਾਨਵਰ ਨਾਲ ਟਕਰਾ ਜਾਂਦੀ ਹੈ ਤਾਂ ਆਪਣੀ ਗੱਡੀ ਨੂੰ ਸੁਰੱਖਿਅਤ ਜਗ੍ਹਾ ਖੜੀ ਕਰੋ। ਦੇਖ ਲਓ ਕਿ ਸਾਰਾ ਕੁਝ ਠੀਕ ਹੈ, ਅਤੇ ਜੇਕਰ ਜਾਨਵਰ ਜ਼ਖਮੀ ਹੋਇਆ ਹੈ ਤਾਂ ਸਹਾਇਤਾ ਲਈ ਰਾਜ ਦੀ ਜੰਗਲੀ ਜੀਵ ਏਜੰਸੀ ਨੂੰ ਫੋਨ ਕਰੋ।
ਆਸਟ੍ਰੇਲੀਆ ਦਾ ਮੌਸਮ ਵੀ ਡਰਾਇਵਿੰਗ ਦੀ ਸਥਿਤੀ ’ਤੇ ਅਸਰ ਪਾ ਸਕਦਾ ਹੈ। ਵਿਲੀਅਮਜ਼ ਯਾਦ ਕਰਾਉਂਦਾ ਹੈ ਕਿ ਸਫਰ ਕਰਨ ਵਾਲਿਆਂ ਨੂੰ ਅੱਤ ਦੀ ਗਰਮੀ ਅਤੇ ਕੜਾਕੇ ਦੀ ਠੰਡ ਵਾਲੇ ਮੌਸਮ ਵਿੱਚ ਚੌਕਸ ਰਹਿਣਾ ਚਾਹੀਦਾ ਹੈ।
ਪੂਰੇ ਦੇਸ਼ ਵਿੱਚ ਸੜਕੀ ਨਿਯਮ ਲਗਭਗ ਇੱਕੋ ਜਿਹੇ ਹਨ, ਪਰ ਸਫਰ ਸ਼ੁਰੂ ਕਰਨ ਤੋਂ ਪਹਿਲਾਂ ਸਬੰਧਿਤ ਰਾਜ ਦੇ ਨਿਯਮਾਂ ਬਾਰੇ ਜਾਣਕਾਰੀ ਹਾਸਲ ਕਰ ਲੈਣਾ ਚੰਗਾ ਰਹੇਗਾ।
ਲਾਰਾ ਪੀਕੋਨੇ ਮੁਤਾਬਿਕ ਸੜਕੀ ਸਫਰ ਆਸਟ੍ਰੇਲੀਆ ਦੀ ਸੱਭਿਆਚਾਰਕ ਵਿਭਿੰਨਤਾ ਨੂੰ ਵੀ ਪ੍ਰਗਟ ਕਰਦਾ ਹੈ।
ਹੋਰ ਵੇਰਵਿਆਂ ਲਈ ਟੂਰਿਜ਼ਮ ਆਸਟ੍ਰੇਲੀਆ ਜਾਂ ਆਪਣੇ ਰਾਜ ਜਾਂ ਖੇਤਰ ਦੀ ਅਧਿਕਾਰਤ ਵੈਬਸਾਈਟ ’ਤੇ ਜਾਓ, ਇੱਥੇ ਸੜਕੀ ਸਫਰ ਬਾਰੇ ਜਾਣਕਾਰੀਆਂ ਉਪਲੱਬਧ ਹਨ।
ਆਸਟ੍ਰੇਲੀਆ ਵਿੱਚ ਆਪਣੀ ਨਵੀਂ ਜ਼ਿੰਦਗੀ ਵਿੱਚ ਸੈਟਲ ਹੋਣ ਬਾਰੇ ਵਧੇਰੇ ਕੀਮਤੀ ਜਾਣਕਾਰੀ ਅਤੇ ਸੁਝਾਵਾਂ ਲਈ ਆਸਟ੍ਰੇਲੀਆ ਐਕਸਪਲੇਨਡ ਪੋਡਕਾਸਟ ਨੂੰ ਸਬਸਕ੍ਰਾਈਬ ਕਰੋ ਜਾਂ ਫਾਲੋ ਕਰੋ।
ਕੀ ਤੁਹਾਡੇ ਕੋਈ ਸਵਾਲ ਜਾਂ ਵਿਸ਼ੇ ਦੇ ਵਿਚਾਰ ਹਨ ਤਾਂ australiaexplained@sbs.com.au ਉਤੇ ਇੱਕ ਈਮੇਲ ਭੇਜੋ
