Na i'u i le talosagaina e le palemia (e auala i le fofoga fetalai o le maota) o se su'esu'ega a se komiti o le palemene e iloiloina le moni o tu'ua'iga a La'auli ma lana molimau na ia faatauina mai se afi o le itu'aiga lava lenei i se tau e 'ova i le ST$100,000 e taugofie atu ai.
Peita'i ina ua aumaia le ripoti a le komiti a le palemene, na latou faaalia e le moni le molimau a La'auli ona e le o le itu'aiga afi lea na ia faatauina mai.
Na tu'ua'ia e le komiti a le palemene le sui o Gagaifomauga Numere 3 i lona ta'ita'iseseina ma le faia o se molimau sese ma le moni i le palemene.
E pei ona lipotia mai e Galumalemana mai Apia, ae o faia felafolafoa'iga i le mataupu e aofia ai se faasalaga o le sui, na tula'i ai La'auli ma tu'uina aloa'ia lana faamavaega i le fofoga fetalai ma le pelemene.
