O nisi o pepe na faamalosi ona vaetamaina e aunoa ma le maliega a le tina, o nisi na foster, ae o nisi na tausi i nofoaga na pulea e Taupou Sa, ma i se tasi o nofoaga na maua ai le 'ova i le 800 tino maliu o ni pepe i se lua na lafoa'i iai.
O se tasi o molimau o le tina o Terri Harrison, na ia ta'ua na majua i le ma'itaga o tina i le 1973 ina ua 18 tausaga lona matua. Ona e le'i faaipoipo i le taimi lena, na sola ai i Lonetona i Peretania, ae na tuliloa ma toe 'ave faamalosi o ia e se patele ma ni Taupou Sa i Ireland ma tu'u i se nofoaga na fanau ai lana pepe.
Na faamalosia ona ave'ese lana pepe ina ua faato'a 5 aso le matua, ma e o'o mai i le taimi nei e le'i toe feiloa'i pe va'ai iai.
Ua faaalia e le palemia o Ireland, o le a faia sana faato'esega aloa'ia i tina ma tama'ita'i na sauaina i polokalame nei a le Ekalesia Katoliko Roma.
