A'oa'i fanau tama i sauaga i totonu o aiga

O tama e sauaina i le fasi e o latou matua, e ola a'e ma latou faasaua fo'i i o latou ta'ito'alua ma fanau.

Tupulaga talavou ma amioga pulea i le va ma le itupa o teine ma tama'ita'i. Source: Moment RF / japatino/Getty Images

E $23 miliona ua faa-agaga e le malo tele mo le polokalame le National Plan to end Family, Domestic and Sexual Violence in a generation.

O le a aofia i polokalame nei le a'oa'oina o tupulaga tama i le va o le 12 ma le 18 tausaga le matutua i a'afiaga ogaoga i o latou olaga ma le soifuaga manuia o aiga mai sauaga latou te faia.

O nisi o tupulaga o loo ola a'e ma le talitonuga o sauaga latou te molimauina i totonu o aiga na fananau iai, o se mea talafeagai ma se masani.