A o alu atu le Atunuu i le vaiaso o measina ma le lolofi atu o le lautele e maimoaina faafiafiaga ma taaloga o lenei faamoemoe ua lapataia foi e le matagaluega o leoleo le faaeteete i faalavelave faafuase'i ma amio le taupulea e ono tutupu ai faalavelave. O loo alo atu foi se tasi o auaunaga 'Le vasa' i Manono e faamanatu le luasefulu o tausaga talu na tatala ma talimalo ai i tagata tafafao mai faapea foi tagatanuu lava o Samoa. O loo vaaia lava foi le faamisa o fanau aoga i le taulaga ma lapata'i ai tuua loa aoga i as taitasi ma vave i aiga a e aua le miomio solo i nofoaga faatali pasi ma le tupu o vevesi. Ua toatele foi sui tauva mo le Tausala Samoa poo le tauvaga a le Miss Samoa 2026 lea ua faamautu ai sui e toavalu e aofia ai ma sui e malaga atu i fafo. O le taualuga o lenei vaiaso o tuuga vaa lea na molimauina ai le faatumulia o apitagalu i tauvaga tuuga fautasi e lua sa faia i le Tutoatasi ia Iuni o le tausaga nei.
Tala Fou mai Samoa 28 aokuso 2026 E ui ua suia le igoa o le Teuila agai i le Vaiaso o le Measina o loo tumau pea faafiafiaga,faleaiga,Tuuga Vaa ma le Tauvaga o le Miss Samoa ma isi polokalame.
Ua matauina foi nisi ua malaga atu mai atumuu mamao e le gata e fai malologa ma tafafao atu i Aiga ae o nisi o loo masii atu e auina atu a latou sui tauva i taaloga kirikiti ma le tausala Samoa.
E iai foi nai aiga ua masii atu mo Reunions aemaise o le malolo atu mai le tau malulu i Niu Sila ma Ausetalia.O lo latou auai atu e fesoasoani ai foi i tupe faaalu mo le tamaoaiga o Samoa
Share
