Fa'ai'uina le Pacific Islands Forum.

Ua fa'ai'uina le fonotaga a ta'ita'i o atunu'u o le Pasefika, le Pacific Islands Forum, lea na usuia i Honiara i le atu Solomona.

Palemia o Vanuatu, Jotham Napat. (Photo by Ameer Alhalbi/NurPhoto via Getty Images) Source: NurPhoto / NurPhoto/NurPhoto via Getty Images

O mata'upu na lalamua i le PIF o lenei tausaga, o fa'afitauli i fesuia'iga o le tau, le puipuiga, ma le va o atunu'u o le Pasefika ma Saina.

Na molimauina le aia o Saina i le Forum lenei ina ua iai se suiga mai isi fonotaga i tausaga ua mavae i le tulaga auai o 'external partners' poo pa'aga a le Pasefika e le o i totonu o le li'o o atunu'u e 18 o le PIF.

O le atu Solomona na talimalo i le PIF, ua sainia sana feagaiga o le puipuiga ma Saina, ma e le o se tulaga na faigofie ai ona talia se usugafono va'ava'ai mai Taiwan.

E iai se ofo tu'u fa'atasi a le malo tele i Ausetalia ma atunu'u o le Pasefika i se taliga malo i le COP31 a malo 'aufa'atasi e usuia mai i Ausetalia i le tausaga fou.