Ua faalauiloa mai ele tamaitai Pule Sili o le TV1 Samoa Afioga Mata'utia Taualogomai Roebeck le faasalalauina tuusao uma taaloga a le Toa Samoa ma le Fetu Samoa e aunoa ma se totogi a le atunuu e maimoa ai.
O lenei avanoa taua mo le tapuaiga e molimauina ai le alo atu o le Toa ia faaleleia atili lana matatia i le 2022 lea na malolo ai ia Ausetalia i le suega siamupini i Egelani.E le gata foi i lea ae o le siitia ma le lolofi mai o tamaitai Fetu Samoa taaalo fapolofesa e tauavae le tagavai a Samoa e fetaui muamua ma le Jillaroos a Ausetalia e tala malae i le taaloga a Farani ma le Toa Samoa i le Aso Faraile 16th Oketopa.
O le TV1 Samoa na faavaeina mai i le 1993 i se tausaga na faatuina ai e le taitoafitu a le Manu Samoa se matati'a uiga ese ma siampini muamua ai i Hong Kong lea e faatusalia o le Ipu o le lalolagi o le taitoafitu talu mai le faavaeina i le 1976.
O le vaiaso talu ai na momoli ai se faamalosiau ma faamanuiaga a le atunuu i se Po Fiafia ma se taumafataga na faia i le Faletaalo Soka i le Apia Park na auai atu ai le kapeteni Junior Paulo,Jarome Luai,Sualauvi Faalogo ma Shalom Sauaso.
E amatalia le Ipu o le Lalolagi i le Aso Tofi 15 Oketopa i le taaloga a Ausetalia ma Niu Sila ae taualuga i le Sailiga Siamupini i Suncorp Brisbane i le aso Sa 15 Novema.
